Breaking News: Villa Somalia Under heavy attack...

[Karbaash_killa]

Last Updated Wed, July, 11 2007, 10:20 Pm--Mogadishu Somalia

Weeraro hoobiyeyaal ah oo caawa lagu qaaday xarunta Madaxtooyada iyo qeybo kale oo ka mid ah Muqdisho.
Click here to find this article English

Mogadishu 11, July 07 ( Sh.M.Network)- Hal qof ayaa ku geeriyooday inta la ogyahay Weeraro hoobiyeyaal ah oo caawa lagu qaaday qeybo ka mid ah magaalada Muqdisho, oo ay ku jirto xarunta Villa Somalia sida ay sheegeen dadka deegaanadaasi ku dhow dhow,

Ilaa 5 hoobiye ayaa caawa abaarihii 9:25 Pm lala eegtay xarunta madaxtooyada oo fariisin u ah madaxweynaha dowladda KMG ah ee Somalia, iyadoo sidoo kale weeraro kale oo hoobiyeyaal ah lagu qaaday qeybo ka mid ah W/magaalada Muqdisho.

Dadka ku dhow dhow xarunta Madaxtooyada ayaa waxa ay inoo xaqijiyeen in ilaa 5 hoobiye lagu weeraray xarunta madaxtooyada, iyadoo ilaa 3 hoobiye ay ku dhacday xaruntaasi, halka labada kalena ay ku dhaceen gudaha xarunta Fiyooraha, waxaana ku geeriyooday nin rayid ah halka labo kalena ay ku dhaawacmeen.

Qofka geeriyooday iyo labada kale ee dhaawaca uu soo gaaray ayaa ku wada sugnaaa Goob sida ay sheegeen dad goobjoogayaal ah.

Sidoo kale hoobiyeyaal dhowr ah ayaa ku dhacay nawaaxiga degmada C/casiis iyo agagaarka Beexaani , iyadoo halkaasi lagu wado in uu ka furmo shirweynaha dib u heshiisiinta qaran 15 ka bishaan.

Sidoo kale weeraro hoobiyeyaal ah ayaa lagu qaaday agagaarka xarunta Xisbiga ee Stadium Muqdisho halkaasi oo fariisin u ah Ciidamada Ethiopia, iyadoo iska horimaadna uu ka dhacay agagaarka Staium Muqdisho.

Sida ay sheegeen dadka deegaankaasi, Madfac ay ku soo jawaabeen ciidamada Ethiopia ayaa ku dhacay xaafadda Towfiiq, lama oga wali qasaaraha ka dhashay.

lama garanayo si rasmi ah dadka ku waxyeeloobmay weerarada hoobiyeyaasha ah ee caawa loo qeybiyay qeybo ka mid ah magaalada Muqdisho.

Wararka laga helayo dadka ku dhow dhow xarunta Madaxtooyada ayaa waxa ay sheegayaan in ciidamada Ethiopia ee ku sugan halkaasi ay ku jawaabeen Hal madfac oo BM ah oo wali aan la garaneyn halka uu aaday.

Dhinaca kale rasaas xoogan ayaa laga maqlayaa wadada KPP, iyadoo rasaastaasi ay xigsadeen qaraxyo dhowr ah.

Arimahaan ayaa waxa ay ku soo beegmeen xilli maanta magaalada Muqdisho ay socdaal ku yimaadeen wafuud ka socotey kooxda xiriirka Caalamiga ah oo uu hogaaminayay wakiilka Midowga Yurub ee Somalia, iyadoo wafuudaan ay u kuurgaleysay qabsoomida shirka dib u heshiisiinta qaran iyo xaaladda Magaalada Muqdisho.

Wixii ku soo kordha kala soco boggaan oo daqiiqad ka dib refersh dheh


Click here to find this article English

Shabelle Media Network Somalia
E-mail us: info@shabelle.net

Shabelle news in Engli
Somalis Hope An All-inclusive Reconciliation To Conduce To Power-sharing Deal 28-june-07
Somalia IDPs Lose Hope of Life 28-june-07

Listen shabelle intervew with US Envoy to Somalia. 01,June,07
SOMALIA: SHABELLE CELEBRATES ITS FIFTH ANNIVERSARY06,May,07
Somali troops accused of looting and carjacking 01,May,07

© 2005 Shabelle Media Network All Rights Reserved, Designed by: Baabul