ugaaska murusade imaamka hiraab ugaaska xawaadle n digil boy

[Hiiraan boy]

(Muqdisho) Hoggaamiyeyaashii uga Caansanaa Dhaqanka Soomaalida oo aysan ka soo qeybgalin shirweynaha Beelaha Soomaalida



Inta badan Madaxda dhaqanka Soomaalida raga uga caansan ayaa ka baaqday ka qeybgalka shirka dib u heshiisiinta Beelaha Soomaalida ee shalay ka furmay Magaalada Muqdisho.

Imaam Maxamud Imaan Omar oo ah Imaamka Beelaha Hiraab ayaan ka soo qeybgalin furitaankii shirka, Ugaaska Beesha Ceyr ayaa isna imaan furitaankii shirka, Ugaaska Beesha Xawaadle Ugaas C/raxmaan Ugaas Khaliif ayaa isna ka maqnaa madasha shirka.

Waxaa ka mid ah raga ilaa iyo hadda imaan madasha shirka Ugaaska Beesha Murusade, lamana oga sababta keentay in hoggaamiyeyaasha dhaqanka Beelaha Soomaalida uga mid noqon waayeen ergooyinka.

Mar aan arrrintaas wax laga weydiiyay Cali Mahdi Maxamed waa uu ka gaabsaday, balse Afhayeenka shirka C/raxmaan Shifti ayaa xaqiijiyay in ugaas kasta ama Imaam kasta uu soo dirsaday Wakiilo.

Marka aad eegto ergooyinka fadhiyay shirka kama aysan muuqan hoggaamiyaal dhaqan oo can ku ah Bulshada Soomaalida dhexdeeda.

Sidoo kale Malaaqyada Beelaha Digil iyo Mirifle raggii ugu caansanaa sida Malaaq Mukhtaar oo kale laguma arkin shirkan.

Dhinaca kale Ergooyinka ka yimid Puntland kama aysan dhex muuqan hoggaamiyeyaashii dhaqanka ee caanka ahaa.