BREAKING NEWS Xisbi Siyaasadeedkii ugu horeeyay oo ay dhawaa

[Hiiraan boy]

Xisbi Siyaasadeedkii ugu horeeyay oo ay dhawaan ku dhawaaqi doonaan Xildhibaanada BFS.

Muqdisho , Isniin, July , 16 , 2007 Waagacusub.com


Sida laga helayo ila xog ogaala waxaa la soo gabagabeeyay dhismaha Xisbi siyaasadeed baaxad wayn oo ka mid noqon doono Axsaabta siyaasada ee Dalka Soomaaliya.

Xisbigaan oo Dastuurkiisa gaarkaa iyo xeer hoosaadyadiisa lagu qoray English,Arabic iyo Somali waxaa ku hoowlan Siyaasiyiin caana oo Soomaaliya ka soo qabtay xilal kala duwan dhinaca diblomaasiyadana ku xeeldheer kuwaas oo qaarkood ka tirsan Golaha Wasiirada ee Xukumadda Federalka iyo Golaha Baarlamaanka .

Xisbigaan ay ku mideysan yihiin axsaab fara badan ayaa la sheegay inuu taageero baaxadweyn ka heysto Dalalka reer Galbeedka, Jaamacada Carabta iyo Midowga Afrika waxaana qorshahu yahay in lagu dhawaaqo guul iyo guuldaro marka la gabagabeeyo shirka dib u heshiisiinta Qaran .

Xisbigaan oo uu magaciisa noqon doono U------- U ayaa noqonayo Xisbi siyaasadeedkii ugu horeeyay ee ay ku mideeysan yihiin axsaab u badan golaha baarlamaanka Soomaaliya iyo diblomaasiyiin Soomaaliya ,waloow aan la ogayn fikirka ay ka qabaan madaxda sare ee dowlada Federalka.

Dastuurka dalka ayaa dhigaya in dalka laga hergeliyo Xisbiyada axsaabta siyaasada dalka si loo hergeliyo dimqoraadiyad horseedi karta doorasho ay shacabka u codeeyaan hogaanka masiirka dalka iyo dadka Soomaaliyeed.