Iska horimaad xoogan oo caawa ka bilowday qeybo ka mid ah degmada Heliwaa ee Muqdisho
Click here to find Shabelle news in English
Shabelle airs news in English
Mogadishu 28, August 07 ( Sh.M.Network) Iska horimaad culus ayaa ka bilwoday caawa inta u dhaxeysa SOS iyo suuqa xoolaha ee degmada Heliwaa ee magaalada Muqdisho, iyadoo la maqlayo madaafiic oo xoogan oo la is weydaarsanayao.
Dagaalkaan oo la isku adeegsanayo hubka nuucyadiisa kala duwan ayaa waxa uu bilowday abaaro caawa 9:20 Pm, waxaana uu u dhaxeeyaa ciidamada dowladda iyo kooxo hubeysan oo aan la garaneyn oo weerar ku soo qaaday halkaasi.
Lama oga wali qasaaraha ka dhashay iska horimaadkaan oo ah mid aad u xoogan.
" Waxaanu maqleynaa rasaas culus iyo madaafiic, waxaana dhulka ku heynaa bogga" ayuu yiri C/salaan oo ka mid ah dadka deegaanka Heliwa oo u waramay Shabelle, iyadoo qadka teleefoonka uu ka hadlayayna si weyn looga dareemayay rasaas culus oo la is dhaafsanayay.
Deegaanada Suuqa xoolaha iyo SOS ee magaalada Muqdisho ayaa noqday maalmihii la soo dhaafay meelo ay ka dhacaan iska horimaadyo xiriir ah iyo qaraxyo.
Wixii ku soo kordha kala soco wararkeena dambe
