Muqdisho(AllPuntland)- Dowlada Itoobiya ayaa lugu waramayaa in ay ciidamo xoogan usoo dirtay gudaha dalka Soomaaliya gaar ahaana magaalada Muqdisho waxaana lugu waramayaa in ay ciidamadaasi badalayaan kuwii horay ujoogey.
Ciidamada dowlada Itoobiya ayaa lugu waramayaa in ay soo galeen magaalada Muqdisho 24 saac ee lasoo dhaafay ayagoo ku hubeysan gaadiidka dagaalka ee loo yaqaano Taankiyada isla markaana waxa ay dageen Xeryaha ay horay udaganaayeen ciidamadii Muqdisho yimid markii dagaalada looga saaray Haraadigii Maxkamadihii dalka Soomaaliya.
Ciidamadan oo aan meel ku hakan ayaa is toos ah waxa ay utageen saldhiyadaasi Milateri waxa ayna warar ku sheegayaan in ay baladayaan ciidamadii Muqdisho yimid Dec-2006-dii markii ay socdeen dagaaladii dowlada iyo Maxkamadihii magaalada Muqdisho.
Warar kale oo laga helayo ciidamada dowlada Soomaaliya ayaa sheegaya in ay ciidamadan ka qeybqaadayaan amni ku soo celinta qeybo ka mid ah dalka Soomaaliya oo ay ka mid yihiin gobalada dhexe ee dalka Soomaaliya ,inkastoo aysan jirin cid wararkaasi si rasmi ah uxaqiijisay.
Dowlada Soomaaliya ayaa dhawaan shaaca ka qaaday in nabad ku soo celinta magaalada Muqdisho lugu guuleystay isla markaana ay doonayaan in ay uguntadaan nabad ku soo dabaalida gobalada kale ee dalka Soomaaliya ayagoo laga soo bilaabayo gobalada Koonfureed ee dalka Soomaaliya.
Ciidamadan cusub ee ka socda dowlada Itoobiya ee soo gaaray magaalada Muqdisho ayaa sidoo kale ku soo beegmay ayadoo amaanka magaaladu yahay mid sugan inkastoo meelaha qaarkood xiliyada qaar laga maqlo qaraxyo kala duwan.
Faarax C/qaadir Geylan
AllPuntland
