Wagardha slap hutu Saleban

[Alta Vista [Bot2]]

Wararka ka imaanaya degmada Cadaado ee Gobolka Galgaduud ayaa sheegaya in magaalada Loo yaqaan Dhabbad oo ka tirsan deegaankaasi ay ku dhinteen Labo Qofood tiro kalana ay ku dhaawacantay kadib markii ay halkasi ku Dagaalameen Labo beelood oo wada dega magaalada Dhabbad.

Gudomiyaha degmada Cadado Axmed Maxamed Cabdi ayaa sheegay in dagaaladaasi dhex maray labada beelood ay yihiin kuwo daba taagan dagaalo horay beelahaasi u dhexmaray oo ay dad ku dhinteen kuwana ku dhaawacmeen iyo weliba bara kac ku yimid dadka ku dhaqan nawaaxigaasi balse ay iyagu wadaan dadaalo lagu kala dhexgalayo Dirirtaasi oo ah mid dhowr jeer soo noqnoqotay.

Dagaaladan oo ka dhacay magaalada Dhabbad ee degmada Cadaado ayaa ah kuwo dhowr jeer oo hore odayaal iyo waxgarad ka kala socda labada dhinac ay kala dhex galeen labadaasi beelood loona dhex dhigay xabad joojin iyo heshiisyo aan noqonin kuwo hirgala oo fashilmay.

Inta badan dagaalada ka dhaca deegaanada baadiyaha ah ama tuulooyinka ayaa ka Bilowda is heysad la xariira dhinacyada Daaqsinka iyo Ceel biyoodyada oo laysku qabsado marka la gaaro Xiliyada Abaaraha iyo Jiilaalka.