Ugaas Maxamed Xasan Yarow iyo wafdi balaaran uu hogaaminayo

[Alta Vista [Bot2]]

Ugaas Maxamed Xasan Yarow iyo wafdi balaaran uu hogaaminayo oo gaarey Garbahaarey

Garbahaarey, Somalia (AOL) - Ugaas Maxamed Xasan Yarow oo ka mid ah Hogaamiyayaasha dhaqanka gobolka Gedo iyo wafdi balaaran oo uu hogaamianyo ayaa waxay wararku sheegayaan in saaka ay gaareen Magaalada Garbahaarey ee xarunta Gobolka Gedo si ay u sii ambaqaadaan howlahii maamul u sameynta degmada Garahaarey ee khilaafka xuni uu ka dhashey. Ugaaska iyo wafdigiisa oo ka kooban ilaa 13 Xubnood ayaa waxay isugu jiraan Odoyaal, Culamau'diin iyo waxgarad kale kuwaasi oo maalmahii u dambeeyna ku sugnaa magaalada Baydhabo oo kulamo ku saabsan arimaha maamul u sameynta Garbahaarey kula yeeshay mas'uuliyiin ay mid ahaayeen madax sare oo ka tirsan labada Gole ee DFKMG ee Soomaaliya.

Dhanka kalena, wafuud kale oo ka iyagana ka yimid Degmada Garbahaarey oo ka koobnaa 3 qeybood oo gaarey magaalada Baydhabo ayaa iyaguna iminka waxay ku sugan yihiin magaalada Garbahaarey, walow khilaafkii markii horeba ay u tageen Baydhabo aan ilaa iyo hadda xal laga gaarin, balse waxaa laga warsugayaa kulamada maalmaha soo socda u bilaaban doona mas'uuliyiinta dhaqanka iyo kuwa degmada ee haatan ku wada sugan degmada Garabahaarey ayada oo arrinta ugu muhiimsana ay tahay sidii Gobolka Gedo loogu samayn lahaa maamul loo dhan yahay.


Shuceyb Shire - Allgedo, Baydhabo/Somalia.



Allgedo News Media Network
allgedo@allgedo.com