Haddii kale waxaan lahaa

[biko]

Aar galay baa laga galaa
gawaan waa lagu kufaa
gadiid waa la cuskadaa
gaw waa laga dhaadhacaa
G dii kale waxaan laha:
Hee?

Kol waa gaajo iyo dhereg
kol waa guul iyo guhaad
kol waa roob soo gugciyo
abaar xooluhu go'een
waayahu labadiisa gelin
aduun geeri iyo nolol mid uun baa kula gudban eh
Gumeysi iyo gobanimadu ma labo lays garab dhigaa?
Maya!
G dii kale waxaan lahaa:
Hee?

Kadeed baan soo marnoo
Maanta gaashaan dhig iyo
gadiid baan meel nahay
genbiga waan geli karnaa
gumeysi iyo gobanimadu ma labo leys garab dhigaa?
Maya
G dii kale waxaan lahaa:
Hee?

Gaaddada wiil taagay iyo
Korkiisii giijiyiyo
Guurguurta kaarahiyo,
kumaandoos gaar hayiyo,
daraawiish gaardisiyo,
kolkii aan geeshka dayo
galiilyaa iga kacdee.
Gumeysi iyo gobanimadu ma labo lays garab dhigaa?
Maya
G dii kale waxaan lahaa:
Hee?

Hub aad kuu gubahayiyo
gantaalaan yeelanoo
haddii nalagu kacshaba
kor iyo hoos lama gafnee
Gumeysi iyo gobanimadu ma labo leys garab dhigaa?
Maya
G dii kale waxaan lahaa:
Hee?

Aroor shil go'an jirtiyo
guhaaddii laga baxyoo
galadi noo soo gashaye
gumeysi iyo gobanimadu labo lays garab dhigaa?
Maya
G dii kale waxaan lahaa:
Hee

Nin goomurnaan jirreyba
garaadkii ka hadlay oo
gees buu gaawaca ucugtaye
gumeysi iyo gobanimadu ma labo lays...........

Gurro' iyo gacan bidxeed
afxumadii goor walbiyo
ganaaxii lama arkee
gumeysi iyo gobanimadu................

ganboonaantii horiyo
godkii laga soo baxyoo
gudcurkii kuma jirnee
Gumeysi iyo gobanimadu...................

Mudaneyaal geesiyoo
kursiga loo doortiyo
gudoonshe mineestar iyo
madaxweyne guud,
garsooraan yeelanaye
Gumeysi ito gobanimadu.....................

Xornimadaad gaamurtiyo
luulyo koowdeeda iyo
gagada loo soo bixiyo
garwaaqsiga maalintiyo
kanooniga dhacahaya
waa guul noo soo gashee
gumeysi iyo gobonimadu.....................

waagii gaaladu fadhiday
garaado haddii la helo
korkeenii loo dhigaa
isbatoore gaasir iyo
kabloow lama dhaafi jirin
Maantana geesh janan watiyo
teneeti isbiija iyo
minjir gaaf dheere iyo
kabtan iyo korneel garoon casaaw leh baa
garbaha loo suubsadaye
Gumeysi iyo gobanimadu......................

Xafiis aad soo gashiyo
nin gacalkaagii fadhiyo
dantaada uu kuu gudiyo
afkiisa kaan la garan
haloo fiirshee gadaal
Gumeysi iyo gobanimadu.......................

Arday kumayaal lahoo
Galaas wada qaata oo
tacliintoodii gudtoo
kooris qaar galahayaan
haloo fiirshee gadaal
Gumeysi iyo gobanimadu......................

[SummerRain]

WOW you are talented, young one.