RASAAS XALAY IYO SAAKA BULSHADA BADHAMEED DHEGEHOODU MAQLAYE

[neocon_2007]

RASAAS XALAY IYO SAAKA BULSHADA BADHAMEED DHEGEHOODU MAQLAYEEN


Badhan:- Habeenimadii xalay iyo saaka ayaa bulshada ku nool magaalada Badhan waxay maqlayeen rasaas si goos goos ah uga dhacaysa dhanka W/Galbeed ee magaalada isla markaana khal khal gelisey amaanka magaalada iyo isu socodkaba.

Dadweynaha oo is weydiinaya sababta keentay rasaastan oo qaarkooda qoryo waaweyn ka dhacaysay ayaa waxa xog ururintii noqotay in magaalada ay yimaadeen koox ka socota maamulka Somaliland oo la sheegay iney fulinayaan tiro koobka bishii lasoo dhaafay ka dhacday qeyb yar oo ka mid ah Gobolka Sanaag oo aan laga hirgelin degmooyinka Badhan, Laasqoray, Xingalool iyo Dhahar.

Sababtaas darteed ayaa dhallinyaro kasoo horjeedda ay rasaasta cirka ugu ridayeen ilaa xalay, lamana sheegin ilaa hadda odayaal ama waxgarad u dhaq-dhaqaaqay arimahaas xallintooda.

Sidoo kale, waxa magaalada kusoo kordhay dhallinyaro gobolka u dhashay oo ka tirsanaa budhcad badeed maraakiib ku afduubtay xeebaha Bari ee Somalia, oo la yimid dhaqaale ay ku jaah wareeriyeen dadka isticmaala mukhadaraadka JAADKA iyo Maandooriyaasha kaleba taasoo cabsi gelisey bulshada xasiloonida ku jirtey.

Labadan arimood ee Budhcad badeedda iyo Somaliland ayaa u muuqda kuwo degaanka kusoo kordhiyey khalkhal iyo deganaansho la'aan.

LaasqorayNet

[The_Emperior5]

wauw somaliland is in badhan damn walahi waanu foganay