wararka ka imaanaya magaalada Kismaayo ee koonfurta Somalia ayaa sheegaya in hogaamiyaha ururka Islaamiga ee Al-Shabaab Axmed Godane uu rasmiya u amray maleeshooyinkiisa in ay soo xiraan afhayeenka ururkaasi Mukhtaar Roobow Abuu-Mansuur ka dib markii lagu eedeeyey inuu hareer maray xeerarka ururka iyo guud ahaan shareecada Islaamka.
waxaa lagu eedeeyey inuu hay'adaha samafalka u fasaxay inay ka howl galaan gobolada Bay iyo Bakool ee koonfurta Somalia, sida uu qoray website-ka somalilandpress.com.
Godane ayaa la sheegay inuu ku sii jeedo gobolada Bay iyo Bakool si u soo xiro Roobow oo asal ahaan ka soo jeeda beelaha dega goboladaasi. Roobow ayaa looga digay isku day kasta oo lagu xiri karo, iyadoo hadan uu qabo feejignaantiisa.
Sheekh Mukhtaar Roobow ayaa soo saaray baaq todobaadkii hore kaasoo uu ku casuumay NGO-yada inay ka shaqeeyaan gobolka si ay u caawiyaan dadka saboolka ee halkaasi ku nool iyadoo xaalada dadkaasi ay ka sii darayso.
Mukhtaar Roobow waxaa kaloo lagu eedeeyey inuu siidaayey madax ka tirsan dowlada oo ay Al-Shabaabka ku qabteen dagaalkii ay ku qabsadeen magaalada Baydhabo horaantii sanadkan.
waxay u muuqataa in ururka mintidka ee Al-Shabaab u sii kala jabayo kooxo yar yar taasoo horseedi karta dagaal diimeed oo ka dhaca Somalia halkaasoo kooxo kala duwan oo Islaamiya oo hubeysan ay ku dagaalamayaan.
Al-Shabaab ayaa ah ururka ugu mintidsan Somalia, kaasoo la sheegay inuu ka dambeeyey weeraradii ismiidaaminta ahaa ee ka dhacay Hargeysa, magaalada madaxda Somaliland halkaasoo ay ku dhinteen 24 qof ayna ku dhaawacmeen 30 kale.
Xigasho: http://somalilandpress.com/3952/alshaba ... -spokesman
By Dahir Abdulle Alasow
dahiralasow@yahoo.com
This news sounds too good to be true.
