Hizbulaah, we will finish them off

[KUUSH]

Xasan Mahdi oo kamid ah masuuliyiinta ugu saraysa xarakadda Xizbul Islaam oo shir jaraa’id qabtay ayaa sheegay in loo baahanyahay in gacmaha la isu qabsado sidii wadanka looga saari lahaa hadhaadiga ciidamada Nasaarada iyo kuwa u adeega.

“Waxaan leenahay ummadda Soomaaliyeed Gacmaha ha is qabsato inta hartay oo gaaladu ay haysato oo Nasaarada iyo waxa la halmaala ay fadhiyaan hala Israaciyo si dhibku Ummadda uga Haro” ayuu yidhi Dr. Xasan.



Dr. Xasan ayaa ku sheegay dagaaladii maalmahan ka socday Muqdisho dagaalo dulmi ah oo ay rag dagaal doon ahi ku soo qaadeen Mujaahidiintu goobihii ay ka talinayeen waasida uu hadalka u dhigaye. Asagoo arintaasi ka hadlayana wuxuu yidhi ”Waa Dagaal dulmi cad ah oo aan geed loogu soo gaban oo Mujaahidiinta Soomaaliyeed lagu soo qaaday. Maalintii Arbacada ahayd ee la soo dhaafay Xarakada Al-Shabaab, Xisbul Islaamina Shalay ayaa lagu daray Duhurkii”.



Dr. Xasan ayaa ku eedeeyay kooxaha soo weeraray inay dulmi iyo baadhil ay ka soo qaadeen Kenya, Ugandha, Ruwanda iyo Burundi ay ku baahinayaan magaalada Muqdisho. Wuxuu hadalka intaasi ku daray inaan xabad danbe ka dhacayn aagga ay hadda gacanta ku dhigeen hadii Alle idmo asagoo arintaasi tibaaxayana wuxuu yidhi ”Insha allah Xabbad danbe aaggan kama dhici doonto taana waxaa sabab u ah Mujrimiinta”.



Dr. Xasan oo ka hadlay mawqifkooda ku aadan sii socoshada dagaalka ayaa wuxuu sheegay inay madaxdooda ka sugayaan go’aanka ku aadan inay dagaalka sii wadaan iyo in kale.



Hadalka Dr. Xasan ayaa ku soo aadaya xili ay maanta xarakadooda oo ay is garabsanayaan xarakadda Al-shabaab ay gacanta ku dhigeen fadhiisimo badan oo ay horay uga talinayeen ciidamada dawladda TFG iyo xoogagga MMI garabka ku biiray dawladda