Xildhibaan ka tirsan Baarlamanka DKMG oo ku baaqay in Sh Shariif uu iscasilo
Xildhaan Caasho Axmed Cabdalle oo ka mid ah xildhibaanada Baarlamaanka Soomaliya oo haatan ku sugan magaalada Garoowe 2004tii isu soo taagtay jagada madaxtinimada Soomaliya, ayaa ku baaqday in Madaxweynaha Soomaliya Shariif Sheekh Axmed uu is casilo maadaama bay tiri uu madaafiic iyo hoobiyaal uu la dhacayo dadka rayidka ah ee ku dhaqan magaalada Mogdisho maalintii 6aad isla markaana uu iibsaday qeyb ka mid ah dalka Soomaliya waa sida ay hadalka u dhigtay.
Xildhibaan Caasho Axmed Cabdalle ayaa sidoo kale ku eedaysay madaxweynaha Soomaliya Sheekh Shariif in uu inqilaabay dowlad dhisan isaga iyo dowlada Jabuuti iyo waliba wakiilka Qaramada Midoobi u qaabilsan Soomaliya Axmed Wallad Cabdale mar ay wareysi gaar ah siisay Idaacada SBC .
“Shekh Shariif 275 qof ayuu ku soo daray barlamaanka Soomaliya waxuuna meesha ka saaray xuquuqdii kuwii hore isagoo been iyo barabugaando beesha caalamka ku akhriyey xaq dardii uu shalay galay ayaa maanta ka soo baxday kuwii ay shalay meel ka soo wada jeedeen ayaa maanta la dagaalamaya shareecada islaamka uu ku baaqay magaranayo beerlaxowsiga uu ka lee yahay dadku waa muslim 100/% sidaas waxaa tiri Xildhibaan Caasho Axmed Cabdale”
Baarlamaanka Soomaliya waa in ay xilka ka qaadaan madaxweyne Sheekh Shariif isla markaana geed hoostii la isugu yimaada aayaha Soomaliyan laga tashadaa iyadoon beesha caalamka lala tashan
waayo bay tiri Maamulada Puntland iyo Somaliland waa dad muslin ah kuwa isku sheega beesha caalamka afka qalaadna loo yaqaan international community waxba uma dhisan maamulda aan kor ku soo sheegay dadku iyagaa wax qabsaday sidaa daraadeed looma baahna faragelin shisheeye oo garab siiya Sheekh Shariif oo aan ku tilmaami karo khaain wadan”
Xildhibaan Caasho Axmed Cabdale waxay ugu baaqday beesha caalamka gaar ahaan wadamada Mareykanka Kenya iyo Ethiopia in ay kala baxaan gacmaha arimaha Soomaliya Soomaliyana aayaheeda garataa.
Axmed Max’ud Max’ed [Axmed-Shaam]
SBC International Boosaaso.
--------------------
