Sheekh Xassan Turki Gudoomiye ku Xigeenka Xisbul Islaam ayaa lagu wadaa in uu Dhawaan soo gaaro Caasimadda Magaaladda Muqdisho oo ay ka socdaan Dagaalo Xoogan oo u dhaxeeya Xisbul Islaam iyo Xarakadda Al-Shabaab oo dhinac ah iyo DKMG ah.
Sheekh Xassan Turki Gudoomiye ku xigeenka Xisbul Islaam
Sarkaal Sarre oo ka tirsan Xisbul Islaam isla markaana ka gaabsaday in la shaaciyo Magaciisa ayaa u xaqiijyay Shabakadda Somalimirror in Sheekh Xassan Turki uu goordhaw ku soo beeganyahay Magaalada Muqdisho isla markaana ay ku jiraan Qaban qaabad soo dhaweyntiisa.
Sidoo kale Sarkaalkaasi ayaa waxa uu noo sheegay in Sheekha ay la socdaan Gurmadyo badan oo Raacoodii hore ay soo gaareen Duhurnimadan maanta Qeybo ka mid ah Muqdisho iyo nawaaxigeeda, waxuuna Hadalkiisa ku daray in Dhawaan Dowlada Sheekh Shariif Hogaaminayo ay Meesha ka saari doonaan.
Safarka Sheekh Xassan Turki ayaa noqonaya midkiisii 2-aad ee uu ku yimaado Magaalada Muqdisho waxaana uu sidan oo kale Gurmad ahaan ugu yimid xiligii Midowgii Maxaakiimta ay la Dagaalamayeen Isbahaysigii la dagaalanka Argagixisadda, iyada oo uu xiligaasi uu Gurmad u ahaa Sheekh Shariif oo Gudoomiye u ahaa MMIS, maanta uu Gurmad ka yahay isla Sheekh Shariif oo Madax u ah DKMG ah.
Wixii faah faahin ah ee ku soo kordha dib ayaan idinkaga soo gudbinaynaa Insha Allaah
