thousands Sade Mujahids ready in Dolow

[CoolPoisons]

Wararka aan ka helayno Degmada Dooloow ayaa sheegaya in ay halkaasi Maleeshiyaad ay hor kacayaan Mas’uuliyiin iyo Xildhibaano ka tirsan Dowlada KMG ay dhaq dhaqaaqyo Ciidan ka wadaan Degmada Dooloow.



Sida wararka aan ku helayno dhaq dhaqaaqyada Ciidan ayaa la sheegay in ay ku wajahan yihiin ilaa shan gobol oo ka tirsan Gobolada Koonfureed ee Dalka Soomaaliya, halkaas oo ay gacanta ku hayaan xoogaga Al-shabaab iyo Xizbul Islaam oo ay dagaalo kala dhexeeyaan dhinacyadaasi.



Col: Warfaa Sheekh Aadan oo ka mid ah Saraakiisha horkacaysa Ciidamadaasi ayaa sheegay in maalmaha soo socda ay dagaal laba waji leh ay ku soo qaadi doonaan Gobolada, Bay, Bakool, Gedo iyo Jubooyinka si ay u wiiqaan awooda xoogaga islaamiyiinta ay ku leeyihiin gobolada Koonfureed ee Soomaaliya.



Col: Warfaa Sheekh Aadan waxa uu sheegay in abaabulkaasi uu hor boodayo Xildhibaan Barre Aadan shire {Hiiraale} iyo xildhibaano kale oo ka tirsan Baarlamanka Soomaaliya, kuwaas oo muddooyinkan ku sugnaayeen degmada Dooloow.



Sidoo kale xoogaga islaamiyiinta ee gacanta ku hayaan Gobolada koonfureed ee Soomaaliya ayaa dhankooda bilaabeen dhaq dhaqaaqyo ka dhan ah dhinacyadaasi, waxayna heegankii ugu danbeeyey geliyeen Ciidamada ku sugan Goboladaasi.



Dhaq dhaqaaqan ciidan ay wadaan Xildhibaanada iyo Saraakiisha ka arrimin jireen Gobolada Bay, Bakool, Gedo iyo Jubooyinka ayaa ku soo beegmaya xili dhawaan kumanaan Ciidamo ah ay tababar ugu soo dhammaadeen Degmada Dooloow, isla markaana ay heleen agab milatari oo dhamaystiran.

http://www.gobolada.com/view_contents.p ... cleid=3908

[CoolPoisons]

Doolow: Barre Hiiraale iyo ciidamadiisa oo ku jira diyaar-garoow dagaal

Doolow(AllPuntland)- Col. Barre Aaden Shire (Hiiraale) & ciidamo ka amar qaata ayaa ku jira diyaar-garoowgii ugu dambeeyey oo ku doonayaan in ay ugu soo baxaan gudaha dalka Soomaaliya, gaar ahaana deegaanada Gobalka Gedo.

Saraakiil ka tirsan ciidamada Barre Hiiraale oo la hadlay AllPuntland ayaa sheegay in ay ku jiraan gurashada boorsooyinkooda oo ay ugu soo guurayaan gudaha dalka Soomaaliya, waxa ayna ku sii jeedaan gudaha gobalka Gedo oo ay ku galayaan dagaal qaraar oo ay la galaan dhinacyada maamulaya gobalkaasi.

Sarkaal sare oo qariyey Magaciisa kana tirsan ciidamada Barre Aaden Shire ayaa sheegay in qaadayaan dagaalo qaraar, ayna ka tirsan yihiin ciidamada xooga dalka Soomaaliyeed oo uu sheegay in ay mudo tababaro ku qaadanayeen gudaha dalka Itoobiya, kuwasoo uu sheegay in hada soo dhameystireen.

Masuulkan wuxuu kaloo beeniyey in ay ciidamadooda la socdaan guutooyin ka mid ah ciidamada dowladda Itoobiya, oo lasheegay in ay ku socdaan qorshayaal ay la galeen dowladda faderaalka Soomaaliya oo ku aadan in ay caawiyaan dhamaanba ciidamada taageersan dowladda Soomaaliya.

Dagaalka uu qaadayo Barre Hiiraale ayaa gaari doona sida ay qorshaysay dowladda Soomaaliya magaalada Kismaayo oo xarun mar u ahaanjirtay Barre Hiiraale iyo Kooxdiisa, balse looga saaray dagaal socday saacado badan luguna soo gaarsiiyey magaalada Baardheere.

Lama garan karo sida uu xaal noqon doono maalmaha nagu soo aadan, balse ciidamada Barre Aaden Shire iyo Ciidamadiisa ayaa qorshahoodu yahay in ay galaan dagaalo qaraar oo ay la galaan dhinacyada ka soo horjeeda oo leh Awoodo badan oo is-biirsaday, hadana ka talinaya inta badan guud ahaan Koonfur Soomaaliya, inkastoo ay todobaadkan ku soo fool leeyihiin daadad ciidamo ah oo aan la gakarin sida ay iska difaacayaan, kuwasoo looga shakisan yahay in ay kaabayaan ciidamada dowladda Itoobiya.

http://www.allpuntland.com/article/anmv ... a=5330&z=2