Ahlu Sade oo abaabul dagaal ka wada Dolow

[CoolPoisons]

Culumaa’udiinka Ahlu Sunna Waljamaaca oo dagaallada xoogan kula jiro kooxda shabaabka ayaa sheegay in ay dhab tahay abaabulka dagaal ee ay kawadaan Degmada Doolow.

Abuu-zakariya oo kamid ah mas’uuliyiinta culumada Ahlu Sunna Waljamaaca ayaa sheegay in abaabulka laga sheegay qeybo kamid ah Degmada Doolow ee Gobolka Gedo uu yahay wax dhab ah oo jira.

Waxa uu ballan ku qaaday in weerar ay kusoo qaadi doonaan dhowaan deegaannada ay Gobolka Gedo kaga sugan yihiin kooxaha dagaalka ay kula jiraan.

Mar uu ka hadlayay hadal dhowaan kasoo baxay ururka Xisbul Islam oo ku aadanaa in meel waliba oo ay joogaan Ahlu Sunna laga sifeyn doono ayaa waxa uu ku tilmaamay in ay tahay mid muujineysa baqdin iyo fuleynimo uguna habar wacanayaan arrintaasi.

Dhowaan ayuu sheegay in Gobolka Gedo war cad laga maqli doono oo ay ka sifeyn doonaan kooxo uu ku tilmaamay Abuu-zakariya in umadda ay dhibaato xoogan oo aanan horey loo arag ku hayaan.


http://www.mareeg.com/fidsan.php?sid=13314&tirsan=2