Kooxda DABKA ee Lasanod iyo kooxda DAWLADDA HOOSE ee Hargaysa oo Hargaysa ku ciyaaray.Daawo Sawiradi
Warkii 18-Aug-2009 iyo Qormadii: sugulle
Waxaa maanta garoonka kubadda cagta ee 27-may ciyaar aad xamaasad iyo xiisabo lehi ay ku dhex martay labo kooxood oo ka soo kala jeeda magaalada laascaanood iyo magaaladda hargaysa kalana ah kooxda DABKA ee laascaanood iyo kooxda DAWLADDA HOOSE ee hargaysa, ciyaartaas oo labada naadiba ku soo bandhigeen ciyaar wanaag iyo akhlaaq aad u heer saraysa .
Ciyaarta ayaa waxay ku bilaabantay jawi aad u dagan oo labada kooxoodba dhiiranaan iyo dardar lasoo galeen iyadoo aad ka dareemaysay ciyaarta intii hore in labadda midba midka kale qaabkeeda iyo ciyaarteeda iska eegaysay oo si furfuran ayaa labadooduba baasas dhaadheer iyo taxadar loo isticmaalayay.
Wax goolala lama kala dhalin haafkii hore ee ciyaarta iyadoo mid walibana dhiiran tahay ayay soo gashay garoonka galinkii danbe, balse markay mudo soconaysay ayaa daqiiqadii 56 waxaa gool bilaw ah laga dhaliyay kooxdii ka soo kicitintay laascaanood ee DABKA.
Ciyaartii waxaa galay dhiiranaan iyo weeraro aad laysugu soo qaday iyadoo aad ka dareemaysay reer laascanood xamasad ay ku doonayaan inay ka soo aarsadaan oo gool lasimida keensadaan, balse taasi waa suurobi wayday oo waxaa mar labaad weerar lagu soo qaaday reer laascaanod oo kii labaad laga dhaliyay daqiiqadii 73 .
Waxaa markiiba reer laascaanod ay bilaabeen inay ciyaartoy ku jirtay gudaha banaanka u saarto oo kuwo cusub galiso, waxaana badal lagu sameeyay 4 kamida ciyaartoydii reer laacaanood, ciyaartii waxaa soo yara galay isbiirad iyo rag aan daalanayn oo isbadal muujiyay waxay reer laascaanood gool ah kii koowaad keensadeen daqiiqadii 81.
Balse waxay ciyaartu ku soo gabo gaboowday 2:1 waxayna guushu ku raacaday kooxda dawladda hoose ee hargaysa oo guusha gurigeedii ku heshay, dhanka kale kooxda reer laascanood oo aad ugu qanacsanayd ciyaartooda ayaa si niyad wanaaga ugu hanbalyeeyay kooxdii reer hargaysa.
Dhanka kale waxaan waraysi lay yeeshay kabtanka koosda DABKA laascaanod C/raxmaan Ciise Axmed oo ii sheegay inay si way uga cabanayaan maayarka laascaanood oo ay ugu yimaadeen hargaysa kana codsadeen in uu mayarka hargaysa la xidhiidhsiiyo si uu uqaabilo, balse uu kabtanku ii sheegay in maayarkii laascaanood uu ugu jawaabay adeer hargaysa wataase iska dhiciya aysana ahayn hadal naga gaya maayarka, waayo waxaanu nahay dhalintii uu maayarka u ahaa xaq baanuna ugu leenahay inuu nala tago meel kastoo dani naga gasho waxaan aad iyo aad uga xunahay in maanta mayarkayagii nahor boodi laha nagu sii dhexdaayo hargaysa, balse waa arin u taala oo dhalinta reer laascaanood ay ugu hayn doonaan xeer iyo ka warhayan.
Isku soo waddna duuboo labadan kooxeed ee ciyaartan wada yeeshay maanta ayaa marka laysu eego da ahaan aan ahayn kuwo isku beegtooma oo dhalinta reer laascaanood ay ahayd kuwo aad uga yaryar kuwa reer hargaysa, balse labada kooxoodba ay si aad u heersaraysa u wada ciyaareen.
Afnugaal.com
SUGULLE
Hargaysa ,Somaliland