Xisbul Islaamka Gedo oo Beeniyay inay ku biireen Al-Shabaab

[CoolPoisons]

Afahayeenka Xisbul Islaam ee Gobolka Gedo Farxaan Cabdi Cilmooge oo la soo xiriiray Shabakadda Warbaahinta ee Somalimirror ayaa Beeniyay warka sheegaya in Maamulka Xisbul Islaam ee Gobolka Gedo ay ku biireen Xarakadda Shabaabul Mujaahidiin wuxuuna arintaasi ku tilmaamay mid waxbo kama jiraan ah.

Farxaan oo arintaasi ka hadlayana waxa uu yiri “Warka ku saabsan in Xisbiga Gedo uu ku biiray Walaalaha Xarakadda Shabaabul Mujaahidiin, waa waxbo kama jiraan, Raga arintaasi ka hadlayna ma ah Mas’uuliyiin Xisbiga iyo Gobolkaba ku Shuqul leh, waxayna ka hadleen oo kaliya Fikirkooda oo ah inay ku Qanceen Fikirka Walaalaha Xarakadda Shabaabul Mujaahidiin, Fikirkana waa lagu kala duwanaan karaa, laakiin in Maamulkii xisbiga ee Gedo uu ku biiray Xarakadda Shabaab waa war aan sal iyo raad toona lahayn”.

Mar aanu weydiinay in Xubnaha ku biiray Xarakadda Shabaabul Mujaahidiin ay ka tirsanaayeen Xisbiga ayaa waxa uu yiri “Haa way ka tirsanaayeen laakiin Waa Ashkhaas ee Maamulkii ma aha, Shakhsiguna Fikirka walaalkii kale wuu ku qanci karaa”.

Hadalkan ayaa imaanaya xili Ku simaha Gudoomiyaha Maamulka Xisbul Islaam ee Degmada Luuq Axmed Maxamuud Salaad (Axmed Suudaani) oo la hadlay Warbaahinta uu sheegay in Xoogagooda ku sugan Gobolka Gedo ay ku biireen Xarakadda Shabaabul Mujaahidiin.

[zingii]

Does this mean QILAAF?