Warsidaha Dhanaan.com oo xidhiidh toos ah la sameeyay magaalada Godey ayaa loo xaqiijiyey dagaalka iyo waliba magacyada qaar ka mid ah dadkii dagaalka ku dhintay iyo kuwii ku dhaawacmayba.
Dagaalkan ayaa sida naloo xaqiijiyey Jabhaddu cagta ku marisay maleeshiyadii iyadoo goobtii ku dishay 4 kamid ahaa maleeshiyadii 2-kalena ku dhaawacday halka 5 kalena ilaa iyo hada la la'yahay meel ay jaan iyo cidhib dhigeen.
Maleeshiyada ay jabhaddu dishay ayaa waxaa kamid ah madixii maleeshiyada degmada Godey iyo ku xigeenkiisii,waxaana magacyada qaar kamid ah maleeshiyadii dagaalka ku dhimatay naloogu sheegay:-
Cabdi -Ku xigeenka madaxa maleeshiyada magaalada Godey.
Ina Suldaan- ka tirsanaa Booliska magaalada Godey.
Indha gaale madixii maleeshiyada magaalada Godey.
Waxaan akhristayaasha ka raali gelinaynaa inaysan noo suurta gelin inaan helno magacyada dadkan oo dhameystiran.
Xaga Jabhadda ma hayno wax war ah oo sheegaya in dagaalkan uu khasaare ka soo gaadhay iyo in kale.
Dhanka kale waxaa weli war laga la'yahay 5-kamid ahaa maleeshiyadii dagaalka la gashay ciidamada Jabhadda ONLF iyadoo markii aragti ugu dambaysay la sheegay in Ciidamada Jabhaddu ay sii caydhsanayeen.
Wararka ka imaanaya dhanka magaalada Iimeey ayaa waxa ay sheegayaan in maydadkii maleeshiyada ee goobta dagaalka looga cararay ay maanta aaseen madaxda maamulka degmada Iimeey.
Isku soo duuboo waxaa baryahan dambe soo badanaya dhaq dhaqaaqyada Jabhaddu ay ka wado Gobolka iyadoo goobo kala duwan laga soo sheegayo dagaalo ay Jabhaddu la gashay ciidamada deegaanka ee loo yaqaan Liyuu Police iyo kuwa Itoobiyaba.
Hanqadh shaqadaadi ayaan qabanayae ku mee
