Baydhabo,Somalia (AOL)-Saraakiil katirsan Xarakada Al Shabaab ayaa shaaca ka qaaay in ay Ciidamo xoogan u dirayaan magaalooyinka waaweyn ee dhulalka lahaysto ee reer Falasdiin si ay uga xoreeyaan Ciidanka Yahuuda.
Kadib Mudaaharaadyo balaaran oo ka dhan ahaa Yahuuda gumaysato Falasdiin ayay saraakiil katirsan Xarakada Al Shabaab waxay sheegeen in ay diyaariyeen Guutooyin Ciidan ah oo Awood u leh in ay la dagaalamaan Yahuuda.
K/xigeenka Wilaayada Islaamiga Gobalada Bay iyo Bakool Sheekh Cali Gaab ayaa sheegay in ay Furteen deegaanadii ay Ciidankaasi ka bixi lahaayeen si ay u aadeen dhulka Falasdiin gaar ahaan Qudus.
"Naxnu Qaadimuun mujaahidiintu waxay furteen degmooyinka Kaaraan iyo C/casiis si ay Badda u mariyaan Gutooyinka Qudus fura doono waxaan diyaarinay Ciidan xoogan oo u Gargaari doono shacabka dulman ee reer Falasdiin" ayuu yiri Sarkaalkan u hadlay Shabaab.
Sheekh Mukhtaar Roobow Abuu Manasuur Afhayeenkii hore ee Al Shabaab ayaa isna sheegay in ay Nolosha ku tooga doonaan qofkii ay arkaan isagoo wato Baasaboorada Mareykanka ama Yahuudda.
Gobalada ay Maamulaan Xoogaga Al Shabaab maalinimadii shalay aheed waxaa ka dhacay Mudaaharaadyo baalaran oo lagu diidanaa Gumaadka Yahuudu ka wado Bariga Dhexe iyo Burburinta Masjidka Al Aqsaa.
Daahir Guuleed, Allgedo Online,Baydhabo/Somalia
War lagu farxo maahane war kale ma sheegaan
