Wayaha Cusub's gonna visit Abudwaq their home

[CoolPoisons]

They went to Puntland hadana they're going to Abudwaq

Maamulka Degmadda Caabudwaaq Oo Dhalinta Waayaha Cusub U Ogolaadey Inay Yimaadaan Degmada Caabudwaaq.........

Maamulka Degmada Caabudwaaq & Wadada Ahlusuna Waljameeca ayaa maanta si rasmi ah u aqbalay codsi uga yimi Fanaaninta Dhalinta yar ee Waayaha cusub kuwaasi oo Maamulka degmada Caabudwaaq ka codsadey inay bandhig fanneed ay kaga hadlayaan Nabadda & Nabadeynta ka qabtaan Degaamada ay maamulaan Ahlusuna Waljameeca oo ay ugu horeyso Degmada Caabudwaaq.

Waxaa si toos ah inay u imaan karaan dhalinta waayahacusub u aqbalay Taliyaha ciidamada amaanka ee degmadda Caabudwaaq Shiikh Cali dheere oo sheegey inay u fasaxan yihiin inay yimaadaan degmada Caabudwaaq kana dhigaan bandhig faneed nabada lagu taageerayo.

Dhawaan ayay ahayd markii Dhalinta Waayaha cusubi Maamulka Degmadda Caabudwaaq & Ahlusuna waljameeca ka codsadeen inay yimaadaan degaankaasi si ay uga qayb qataan nabadeynta iyo xal u helida nabadda goboladda dhexe.

Taliyaha Ciidamada Amaanka Degmadda Caabudwaaq waxaa uu sheegey inay Dhalinta Waayaha cusub imaan karaan degmadda Caabudwaaq inta uu Hakadka ku jiro shirkii dhawaan ka socdey degmadda Caabudwaaq.

Shiikh Cali dheere waxaa uu sheegey inuu shirku hakad ku jiro mudo laba sitimaan ah,waxaana uu sheegey inuu ugu baaqaoyo dhalinta Waayaha cusub inay degmadda Caabudwaaq yimaadaan mudada shirku uu hakadku jiro oo ah 2 asbuuc.

Dhanka kale waxaa uu taliyuhu sheegey inay saacadaha soo socda soo bandhigi doonaan warqada Ogolaanshaha ay ku imaan karaan Dhalinta waayaha cusub magaalada Caabudwaaq ee gobolka Galgaduud.

Arrimahan ka soo yeerey Maamulka Degmadda Caabudwaaq & Dhalinta waayaha Cusub waxaa si weyn u soo dhaweyey dhamaan shacabka Reer Caabudwaaq oo sheegey inay si wanaagsan ugu faraxsan yihiin codsiga ka yimi dhalinta Wayaha cusub laga wado inay maalmaha soo socda soo garaan degmadda Caabudwaaq.

Cabdikariim Axmed Bulxan

Caabudwaaq-Gedo-News