Wasiirka Maaliyadda ee Somaliland Md. Xuseen Cali Ducaale (Cawil), ayaa beeniyay warar la baahiyay oo sheegayay in safaaradda Maraykanka ee Addis Ababa ay u diiday fiise dal ku gal oo uu ka dalbaday.
Baraha Internetka, oo warkan faafiyay ayaa waxa ay baahiyeen in safaarada Maraykanka ee Addis Ababa ay Wasiirka u diiday fiisihii dal ku galka, iyagoo sheegay inaanay caddayn sababta loogu diiday.
Haseyeeshe Wasiirka maaliyadda Md. Cawil, oo isagoo jooga magaalada Nayrobi ee dalka Maraykanka xalay la soo xidhiidhay Wargeyska Geeska Afrika, ayaa warkaas beeniyay. “Haba yaraate ma jirto wax fiise ah oo aan ka dalbaday safaaradda Maraykanka ee Addis Ababa.” ayuu yidhi Wasiirku, waxaanu intaas raaciyay, “Addis Ababa, waxaan u hoyday habeen keliya oo waxaan toos u tagay magaalada Nayrobi ee dalka Maraykanka oo aan haddana joogo. Markaas ma jirto wax fiise ah oo la ii diiday, malaha waxa la isku kaayo khaldaayaa Axmed-Siilaanyo
oo lagu jactadiyay fiisihii Maraykanka.”Cawil, waxa uu sheegay inuu magaalada Nayrobi ee dalka Kenya u tagay arrimo u gaar ah, isagoo xusay inuu horaanta toddobaadka dambe dalka ku soo laaban doono.
Wargeyska Geeska Afrika
