Somaliland house of elders come to an agreement

[Khalid Ali]

Golaha Guurtida Somaliland oo wada-jir u sheegay in la soo af-jaray khilaafkii u dhaxeeyay
February 4th, 2010 Comments Off

Hargeysa (Somaliland.Org)- Gudoomiye-ku-xigeenka koowaad ee Golaha Guurtida Sh. Axmed Nuux Furre, ayaa maanta Mudanayaasha Golahaas oo dhan qado-sharaf ugu sameeyay Huteel Xaraf ee Magaalada Hargeysa.

Qado-sharaftan oo ujeedadeeda uu Guddoomiye-xigeenka Guurtidu ku sheegay is-turxaan-saar, ayaa hadalladiisii waxa ka mid ahaa; “Maanta waxaan Golaha iskugu yeedhay, dadku waa kuwii inagu sheekaysanayee bal inay yidhaahdaan imika nimankii (Mudanayaasha Guurtidu) waxbay wadda cunayaan oo nimankii colba maaha oo sidaynu moodaynayba maaha, ha layidhaahdo ayaan is leeyahay.” waxaanu intaa ku daray oo uu yidhi, “Hadalka iyo waxii wax isku sheeg ahna golaheenii ayaynu la tagi haddi Alle yidhaahdo. Barigii aynu xerta ahaan jirnay waxa la odhan jiray, labadda qof ee Kitaab wada akhrisatay waa laba qof oo Naas wada jaqday oo kale, dadka labadii isku gole ahiba waa walaalo ee wadda shaqaysaa.”

Gudoomiyaha Golahaas Saleebaan Maxamuud Aadan oo isna halkaa hadal kooban ka jeediyay, ayaa mahad-naq u jeediyay Sheekh Furre. “Sheekhu wuu ku mahadsan yahay haddii uu maanta iskugu keen yeedhay oo uu yidhi, waar baryahan inaynu isku mid nahayba waad ilowdeen, wixii talo iyo wax isku-sheeg ahna sidii Sheekhu u sheegay golaheeni ayaynu la tagaynaa” ayuu yidhi Guddoomiye Saleebaan.

Dhinaca kale, Xaaji Cabdikariim Xuseen (X. Cabdi-Waraabe) iyo Xil. Cabdilaahi Ibrahim Xirsi (Dhugad) oo labaduba ka tirsan mudanayaasha Golaha Guurtida, ayaa mahad-naq ka sokow iyaguna dhinacooda dhiirigeliyay is-faham dhex mara Golaha, waxaanay sheegeen in khilaafkii Golaha u dhaxeeyay la soo gebogebeeyay.

Somaliland.Org

Hargeisa News Desk

[Xamari_76]

Everyday same ol thaang..

[The_Emperior5]

What I don’t understand this disagreement in the house of lords was because of selebaan gaal when he said Me and rayaale go to gether . if he leaves I leave if he stayes i stay. What I don’t understand dhugad ninka la yidha he was so against Selebaan gaal 2 years ago remember the Biggest Habarjeclo Shir of the 21 century in garadag. He was the one who was saying Selebaan gaal wa qabili Mahan in qarrann wa nin u shaqeynaya danaha reerkisa. When selebaan gaal arrived in gar adag. And now dhugad says Selebaan gaal lama eryi karo oo golaha guurtidii baabu walay? odaygan dhugad goormu saxanyahay goormu walaanyahay?