Saacadahan aan joogno oo saqdhexe ah magaalada saylac waxa ka jira cabsi aan lasoo koobi karin oo ka dhalatey khilaaf dhinaca ciidamada somaliland iyo kuwa Jabuuti oo qarka u saaran inay isu dhacaan dagaala dhex maro. Khilaafkan ayaa waxa uu ka dhashay ka dib markii ciidamada Jabuuti oo wata gawaadhida gashaaman ay isku dayeen inay xoog kusoo galaan xadka Somaliland iyagoo sheegaya inay amaanka waftiga Jabuuti ee saylac ku sugan u socdaan ka dibna ciidamada somaliland ee lawyacado ku sugani ay is hortageen una dideen inay ciidamo wadamo shisheeya ka socdaa ay si sharci daro ah kusoo galaan ciida Jamuuriyada Somaliland. Khilaafkan ayaa waxa uu dhacay caawa abaarihii 9 habeenimo wakhtiga saylac. Labada ciidan ee Jamuuriyada somaliland iyo kuwa Jabuuti ayaa isku hub qaatey foolka foola iskugu hanjabay inuu midwalaaba dhulka ka taliyo waxaana khilaafka sii xoojiyey ka dib markii Hogaamiyaha dhaqameed ee ka madaxda ah Xubnihii afarta ah ee magacooda la yidhaa (GALTIDA) oo ah xubaha soo xulay Ugaaskan maanta lagu caleemo saarey saylac oo khudbadii maanta galinka danbe ku fogaaday lahaanshaha dhulkan Selel inay Beesha Ciise leedahay isla markaana iyadoo kumanaan qof ay daawanayaan si cad u yidhi ” WAX SOMALILAND LA YIDHAAHDI MA JIRTO ) Wadan somaliyeed ayaan joognaa wax somaliland la yidhaahdana ma aqoonsanin .. !! Inyar ka din Waxa kacay wasiirka waxbarashada Jabuuti oo dhegta odayga ugu sheegay inuu hadlkiisa toosiyo yidhaahdana “Somaliland ayaan joognaa” balse uu Gudoomiyaha Xubnaha soo xulay Ugaaska Ciise ee GALTIDu uu diiday kuna adkaystey in dhulku yahay dhul soomaaliyeed somaliland ayna jirin .Oday dhaqameedkan oo si cadhaysan u hadlaya ayaa waxa uu yidhi oo kale “Dabkii ay somalida koonfureed dhex dhigeen iyaa ilaa hada huraya wax somaliland la yidhaahdana ma ogolin dhulkana anagaa leh!!
Wararka ayaa intaa ku daraya in Ciidamada SOmaliland ee goobta ku sugnaayi isku dayeen inay Odayga garbo duub u xidhaan balse xaaladu ay faraha ka bixi gaadhay ka dib markii ay askarta Jabuuti iyaguna cudud muujiyeen halkaasna lagu kala dareeray
Mudo 15 daqiiqo ka dib ayaa ciidamada Dalka Jabuuti oo wata gawaadhida gaashaamani waxay isasoo dhoobeen xadka u dhexeeya Somaliland iyo Jabuuti ee Lawyacado halkaas oo ay la carareen Ra’iisul wasaaraha dalka Jabuuti iyo waftigii uu horkacayay ee ku sugnaa Saylac.
Ciidamada xoojin ah ayaa Sida la sheegay General Xudhun uu uga yeedhay magaalada Gaarisa xaalada magaalada Saylacna waxay u eegtahay mid aad u liidata iyadoon la garanayn in dagaal foolka fool ihi dhex mari doono Somaliland iyo Jabuuti
Wararka kusoo kordha saacad walba kala soco Saylac.com
Saylac Media
Lawyacado -Somaliland
Walle Ciisuhu waa rag iska daa.
