Written by Qaran News
Mar 05, 2010 at 09:52 AM
Hargaysa,(Qaran News)- Waxa maanta galinkii danbe madaarka caalamiga ah ee Egal Intrenational Airport-ka soo degay wafti balaadhan oo ka socda dalka Shiinaha.
Waftigani oo ka koobnaa 14 toban xubnood, waxa ay ka koobanaayeen ganacsato waaweyn iyo qaar ka mid ah saxaafada ugu balaadhan ee ka hawl gasha dalkaasi Shiinaha qaarkood, waxa sidoo kale ka ku jiray xubnahani tiradaba dan xubin ka mid ah dawlada dalka Shiinaha, waxa sidoo kale waftigani socdaalkooda ku weheliyay wakiilka Somaliland u fadhiya dalka Shiinaha mudane Axmed Xasan Cigaal
Waxa waftigaasi iyana madaarka ku qaabilay wasiirka duulista iyo hawada mudane Cali Maxamed Warancadde oo uu ku weheliyo duqa caasimada Somaliland mudane Xuseen Maxamed Jiciir.
Wasiir Cali Warancadde oo qolka nasashada ee madaarka saxaafada kula hadlay ayaa soo dhaweeyay waftigani ka socda dalka Shiinaha, waxa aanu wasiirku sheegay in ay xukumad ahaan ka go'antahay soo dhawaynta cid alaale iyo cidii maalgashanaysa Somaliland isla markaasina ay, aad ugu faraxsanyihiin waftigani in ay dalka yimaadaan waxa aanu sheegay in ay wada gayn doonaan dalka oo dhan gaar ahaan meelaha ay xiisaynayaan oo u badan maalgashi, waxa aanu soo dhaweeyay xidhiidhka wanaagsan ee ka dhaxeeya labada dal ee Shiinaha iyo Somaliland oo maraaya heer wanaagsan
Wakiilka Somaliland ee dalka Shiinaha mudane Axmed Xasan Cigaal oo isna hadal kooban ka soo jeediyay socdaalkooda ayaa aad iyo aad ugu mahad naqay xukumada Somaliland sida ay u soo dhawaysay waftiga, waxa aanu sheegay in ay waftigu yihiin kuwo dalka doonaaya in ay maal gashadaan iyo kuwo xaqiiqo raadis ah, isla markaasina ay waftiga xubin ka mid ahi uu ka socdo dalka shiinaha.
Dhanka kalena xubin ka mid ah waftiga oo la yidhaa Mr Qi, oo saxaafada la hadlay ayaa sheegay in uu aad ugu faraxsanyahay imaatinkiisa uu yimid Somaliland, waxana aanu u hambalyaynaynaa shicibka iyo xukumadaba waxa ay qabsadeen, waxa aananu u soconayaa maalgashi sidii dalka loogu samayn lahaa iyo sidii aanu u ogaan lahayn xaqiiqda dhabta ah ee Somaliland, waxa aananu ku rajo waynahay in wax waliba ay guul ku dhamaan doonaan..
Sidoo kale waxa la filayaa dhawaan in ay shirkad laga leeyahay dalka Shiinahu ay bilowda dib u dhiska madaarka weyn ee magaalada Hargaysa, taasi oo ay shirkadaasi qandaraas ku qaadatay hirgalintiisa, hadaba ma aha markii u horayasay ee wafti ka socda dalka Shiinahu uu dalka yimaado hase ahaatee kani waa kii ugu balaadhnaa ee dalka yimaada, waftigani ayaa ka hor intii ayna dalka iman waxa ay soo mareen dalal badan oo caalmka ah, socdaalkoodaasi ay hada ku yimaadeen Somaliland lama sheegin inta uu qaadan doono.
Somaliland is vanaf nu een supermacht braaap
