Nayrobi(AllPuntland)- Mudo dheer oo dawladda Kenya lugu eedaynayay in ay Dhalinyaro aan dagaal gaarin ay Xeryaha qaxootiga ka qaaday iyo gobalka Waqooyi Bari ee ay Soomaalidu dagto ee Kenya, ayaa hada waxaa soo baxaya in ay ciidamadaas dhameystirteen tababaradii lasiinayay, isla markaasna uu jiro khilaaf adag oo ku aadan halka la geynayo ciidamadaasi oo hada diyaar u ah in ay howlgalaan.
Madaxda dawladda KMG ah ee Soomaaliya ayaa isku khilaafsan halka lageynayo ciidamadaasi, waxaana Madaxweynaha KMG ah iyo Saraakiishiisa gaarka ah ay soo jeediyeen in ciidamadaasi la keeno gudaha Muqdisho, si ay uga mid noqdaan howgal ay dawladda KMG ah ka samayso gudaha caasumada Soomaaliya.
Laakiin waxaa ka biyo diiday Saraakiisha hogaaminaysa ciidamadaas, oo taasi ku sifeeyey mid aysan marnaba fileyn, isla markaasna aysan yeeli doonin, iyagoo sheegay in ay ciidamadaasi udhaqaaqi doonaan gobalada Jubooyinka iyo Gedo, taasoo caro ku beertay Madaxweynaha KMG ah ee Soomaaliya.
Waxgarad Soomaaliyeed oo ay caruurtoodii ku jiraan ciidamadan ayaa ku cambaareeyey dawladda Kenya talaabada ay ku dhaqaaqday, waxa ayna sheegeen in ay Maxkamada sare ee Kenya hordhigeen dacwad ka dhan ah arrintaasi, isagoo sidoo kale dhaliil usoo jeediyey shaqsiyaadka Soomaalida ah ee ku jira golayaasha baarlamaanka iyo Wasiirada ee dalka Kenya, oo horay arrintan ubeenin jiray.
Shir mudo dheer qaatay oo ay joogeen shaqsiyaad ka socday dawladdaha Kenya iyo Soomaaliya, balse wadaaga Soomaalinimada ayaa dadkii ka hadlay oo dhan waxa ay diideen in ay ciidamadaasi tagaan gudaha caasumada Soomaaliya, waxa ayna sheegeen in ciidamadaasi xadka joogaan oo aysan dhinacna udhaafin, loona baahan yahay waqtigan in aan la dagaal lahurin.
Max’ed Siciid Cabdi oo ka mid ahaa ka qeybgalayaasha shirka ayaa usheegay APL, markii uu dhamaaday shirkan in aysan marnaba aqbali doonin in dhalinyaradan oo aan aqoon wanaagsan ulaheyn Muqdisho iyo Soomaaliya, la geeyo gudaha Muqdisho, waxa ayna sheegeen in ay hada ku dadaalayaan sidii ay wax badan uga qaban lahaayeen in aysan ciidamadan aadin Soomaaliya.
F. C. Maxamed
AllPuntland
I am happy the people of the jubbas and gedo refused to send their sons to that Hellhole called xamar.
everyman should sort out his turf
