al-Qardaawi: - Shaki kuma jiro Al-Shabaab diinta ay sheegtaan ee Islaamka aysan dhaafsiisneyn dhuunta
--------------------------------------------------------------------------------
Cape-town, S/Afrika (Calanka.com ) 14-April-2010
--------------------------------------------------------------------------------
Sheekh Yusuf Qardaawi oo ka mid ah culimada ugu waa weyn Islaamka aduunka islamarkaana ah gudoomiyaha caalamul Islaam ayaa soo gaaray dalka S/Africa, iyadoo si weyn ay u soo dhoweeyeen Culumada Islaamka ee S/Africa.
Imaatinka Sheekh Yusuf Qardaawi ayaa la sheegay in laga shaqeynayey muddo shan sano ah, iyadoo ay suurta gal noqatay in lagu casuumo dalka K/Africa oo ay ku nool yihiin muslimiin badan oo tayo iyo dhaqaaleba leh.
Muxaadaro dheer oo qiira leheyd ayaa waxaa uu ku qabtay Masjidul-Salaam oo ku yaalo xaafadda Atlon ee magaalada Cape town,iyadoo ay ka soo qayb galeen muxaadaradasi kumanaan kun oo isugu jiray Culimo, ganacsato, aqoon-yahano, dhalin-yaro, iyo haween, kuwaasi oo dhammaantoodu ahaayeen muslimiinta ku nool dalka S/Africa.
Sheekh Yusuf Al-Qardaawi ayaa tibaaxay in tiro ahaan iyo dhaqaaleba ay muslimiinta ka badan yihiin wadamada reer galbeedka, lkn waxa ka maqan oo keliya ay tahay hogaan suuban oo la,isku waafaqsan yahay muslimiintuna ay ka amarqaataan.
Isago sheegay in wadamada reer galbeedku ay heystaan kutubo ama masxafyo aan dhaafsiisneyn laba boqol oo sano, halka muslimiintuna ay heystaan kumanaan kun, sidaasi darteedna ay muslimiintu hadey ahaan lahayd diin iyo taariiqi intaba ay ka sareeyaan wadamada reer galbeedka iyo xulufadooda.
Waxaa uu xusay Sheekh Yusuf Qardaawi in loo baahan yahay in ey midoobaan dhammaan muslimiinta aduunka islamarkaana la, iska dhiciyo waxa uu ugu yeeray gaalada caadeystay ee ku duulaya dhulka Islaamka, isagoo raaciyey sida uu isaga dhici jiray sheikh saaluxu diin.
Dhinaca kale mar uu soo hadal qaaday dagaalada ka socda dalka Soomaaliya iyo xarakada Al-shabaab dagaalada ay kula jiraan dowladda Soomaaliya waxa ay diinta ka qabto ayaa waxaa uu sheekh Yusuf Qardaawi ku sheegay in uu la mid yahay Qoladii ama dadkii dilay Seyd cali iyo seyd Xusein (Owlaadi Nabiga) ee sheeganayey in ey yihiin muslimiin.
Nabiga (CSW) ayaa ku sifeeyey qoladan in ey yihiin Khawaarij, sida uu hadalka u dhigay Skeekh Yusuf Qadraawi oo hadalkiisa raaciyey in Al-shabaab aysan dhuunta dhaafsiisneen diinta ey sheeganayaan ee ah ta muslimka.
Sheekh Yusuf Qadraawi ayaa sheegay in sanadii 2009-ka isku dayey in maslaxad uu kala dhex dhigo dowladda Soomaaliya iyo xarakada Al-shabaab, taasoo uu isugu yeeray in ey ugu yimaadan dalka Masar oo uu xiligaasi ku sugnaa.
Hase ahaatee waxaa dalabkiisa aqbalay oo u tagay madaxweyne Sheekh Shariif halka xarakada Al-shabaab ay dhag jalaq usiin waayeen codsigaasi, kadibna waxaa uu sheegay in culumo masaalixo uu udiray magaalada Muqdisho kuwaasoo hadafkoodu ahaa in ey xal kala dhex dhigaan Al-shabaab iyo dowladda Soomaaliya, hase ahaatee Al-shabaab ay ka biyo diideen in ey wax wada hadal ah la galaan dowladda, islamarkaana diiday amaro ay usoo jeediyeen culumadaasi.
Si kastaba ha haatee Sheekha ayaa ku tilmaamay kooxda Al-Shabaab ee dagaalada ka wada koonfurta Somaliya kuwo diinta ay sheeganayaan ee Islaamka ah aysan dhaafsiisnayn waxa uu ugu yeeray dhuunta, waxan uuna yiri mar uu ka hadlayay "- Shaki kuma jiro Al-Shabaab diinta ay sheegtaan ee Islaamka aysan dhaafsiisneyn dhuunta ".
Ugu dambeyntii amniga sheekh yusuf Qardaawi oo si weyn loo sugayey ayaa muxaadarada ku soo afmeeray duco dheeer oo uu eebbe kaga tuugay in musliminta aduunka dhibaatada ka dulqaado,islamarkaana ugu bedelo nabad iyo midnimo, isagoona booqan doono masaajidda waa weyn ee Muslimiinta ku nool dalkani S/Africa ay ku cibaadeystan.
Mustafa Xasan Cali
Mustafaxasan737@hotmail.com
there is no doubt that shabab left the religion,and those who supports them.
