Gabay for Buhoodle/SSC

[hanqadh]

INAAD LABA CANLAYSAAN GUNNIMO KAGAMA CAAGTAAN!

Gabaygan waxaa curiyey Abwaan Muxamed Xussein Tabaarak.waxaana la sameeyey,2010/3/27-31/
wuxuuna si gaar ah u khuseeyaa bulshada ku dhaqan deegaanada ssc, si dhab ah ayuuna uga turjumayaa xaaladda runta, ah ee maanta ka jirta gobolada ssc,iyo dadka ku noolba waxaana ka dhex muuqda tilmaamo aad u xeel dheer kumana jiro gabaygan wax qadaf ah oo cid gaar ah lagu wax yeellaynayo waxaase laga yaabaa inay jiri doonaan dad badan oo aan jeclaysan miisaanka culus ee uu leeyahay.kuna soo dhawaada gabaygii oo aad si degen uga bogataan-------------------------

Odayaal cadaadiyo duqay caaqil iyo shayba
Caadada wixii soo jiraybay cilinka baadhaane
Cilladii masaaraan falaan cidi kasheekayne
Cirroolihii umuur kow ah een curanin loo sheegay
Calaacalo dhafoorada qabtiyo yaab la caga jiidye
Cimrigeed Masalo aan la arag ciriqna kuu Kenta
Xaajadii cusubi waa inay kaa cajabisaaye

Cudud iyo xoog la’ayn ciindan iyo gaasas
Oo aan cashiiriyo la’ayn ciisri iyo hiilo
Jihaduu caraababa nimaan ciilka mudanaynin
Oo sida caleentii doheed cimidh la moodaayo
Qayrkii inuu ka cabsadaa waa cir soodumaye
Nimankii ciyaartiyo bullada caga cagaynaayay
Wajigoo hagoog lagu cammiro maro cutaybaada
Nimankii cimaamad iyo shaal camal la luudaayay
Nimankii is coofaadhin jiray sida CISMAANIINTA
Ciiddiyo dhulkoodii Haddaa lagu canshuuraaye
Hambo ciir ka soo baaqatiyo cadey la leefsiiye
Ceeshaan nin ragi qaadanbey curubo moodeene
Ma calaacashey hoorsadaan nimankii laas caano
Nimankii qabaal lagu cabo cuurarka u laayay
Cillad yar oo dhexdooda ah kuwii ciisaska is ruubay
Cawa weerta nimankii is qubay ciiradiyo boodhka
Nimankii cidaadaha ka dhigay horimo ceegaaga
Tafa dhiigna sida caws la jaray coosh is kaga yeelay
Nacab koodu goortuu caddibay ee cidhbaha saaray
Caarad dhuub ha joogtiyo inay gumuc ku ciirshaane
Cidla iyo banaan haystuben sida ciyoowgii.
Cuudkuba haduu kaa bukoo kaa cashiyo waayo
Cudurkiyo dhukaankii helaa laga cirbeeyaaye
Qamuunyadu cadho ugama darto lagu cabsiiyaaye
Cambaar xoqid u baahani jidhkeey caabuq galisaaye
Markis ay cidhiihdiga tagtey ee car iyo way gaadhay
Ma calaacalbey reer garaad xaajo kaga ciirtey
Curun cuurraybaa looga dhigay cooflihii bahale
LO’ gisida inay cay dhahaan lagu cuslaysii.

Nimankii kufaartiyo caddibay caarre iyo koofil
qarnigii cishriinaad raggii gaalada ciqaabay
Ingiriis raggii caydhiyee laga cashayn waayay
Cutubyadii jidbaaliyo dal dala coommirada laayey
Nimankii cagaar wayne iyo Caado laga quustay
Haddaa cayn duleed iyo nugaal lagu cadaadshaaye
Wakaa caaradkoodii xabsiga cawda loo dhigaye
Sidii Caada qaataha u baqe curaddadii soole
Calan baradkii buuraha ka yimid calas ha moodeen
Caqiidkii Ismaaciil miriyo Carab ma joogaane
Ina Aadankii caan baxaybaa ciida hoos maraye
Hal kii Ina cameey iyo la waa gaas cilmiyo qoore
Af xakamiyo Cali duullaniyo caabbigii madhaye
Haddeey cirriradii noolyihiin lama cilleeyeene
Cawo li,idu waa waxaan nin raga loo cifanahayn.
Cisigaad dhulbahantoow lahayd caara xuub noqoye
Cad ceeddii dhacdaba uunku waa kugg caweeyaaye
Cisha noolba waa lagu sugaa inad cargaagtaaye
Cirdigaaga inad daafacdiyo caa,ilada qoyska
Calayk inay dushaadii ku tahay waa caddaan Dhaba,e
Qabiilkaan ku soo cuuriyee ceegta kugg taagay
Ee caabudliyo kaaga yimid duudihii cadayga
Haddi aad cardaadduuqdo,ood carato,oo layso
Cadaab kuma galayside xaqbaa caadda kaa maray
Cunfigiyo nacaybkaa socdaa Caaman waa jiraye
Cuqdaddaad illoowdeen darbey wali cegaagtaaye
Wax la guu cunsuriyeeynayaa waa ciddaad tahaye
Caydiga ma laayeen nimaad carun wadaagtaane
Canfarbaa Isaaq kaa xigtee taa cindiga gee.
Wuxuu caalamkuba diiday ee caalaq uga jeestay
Carshigiyo arlada dawlad aan la citiraafaynin
Caal waaga Qaran aan la hayn lagu cataabaayo
Idinkuba Haddaad caariddaan shay carqaladaysan
Oo,aad cuddada Qarqan sugtaan loo ciddiyo dhiigay
Ma cusbey gasiin kaaga dhigi culanba maayaane.

Waxa calanka kuu qaatay ee kuu caskariyeeyay
Ee sida casraa,iil ka dhigan waa ciddaad garane
Idinkaa is caansiiriyee caad ma soo degin
Cusrigaba yusribaa lagu baddaley suu casiis yidhiye
Ma casillo ilaahay dadkii ceesa sharaftoode
Wax cawaaqib xumo kugu Rida oo kuu cubmaa badane
Coomaadigaan saaxil iyo caawiyaha Awdal
Ma cirkeey wakiil kaaga Noqon caaadilbaa jira,e
Warsan Galiba ceelaayo iyo ciin ka socon waaye
Wakaa ceerigaabiyo fadhiya cal iyo haay laane
Cumar iyo dubbays wayagaa tuban carmaaleeye
Carshin laas qoreey iyo mareeg haatan laga caagye
Ninna caga jugleeyn ulama tago laysma caasiyo,e
Casharaad marraadbaa dagaal loo carcooriyaye
Caaqibo miyaa loogu tudhey wayska celiyeene?
Inaad laba canlaysaan Gunnmo kagama caagtaane
Abtiyaal cadaha Qaar kamidi caafimaad male
Cooddida margigu waa ku yaal cunisna loo diidye
Waa lagu cabeebaa xubnaha caariyaadka ahe
Calooshada waa laga jiraa caanihii baqa’e
Cawradiyo naanaysta waa laga curraaftaaye
Ceebeey tacaal waa sadkaad caasha galiseen
Canbaruugta xanankaa ku taal Calaf jin weeyaane
Curdan idinka oo heli Kara iyo kayn cosoba oo dhan
Allaylehe inaad Caraq sugtaan waa cibriyo yaab

Caqli iyo awood wada jirtaa cadaw ka waabtaaye
Rag cuddoonta kala jeediyay oo ciidho kala gaysay
Oo ciriqu seedaha u galay ceel Ma soo shubo’e
Carabkiyo ilkuhu ways qabtaan waana cayn qudha’e
Hadhowbay calaashaan wixii coobaha u gala’e
Maydinkaan caqiil iyo ahayn warasadii caamir
Kaca oo casuusta iska tira caadka iyo luunka
Candadowlayohow kala firxaday soo rogaal celiya

Caruurtiyo haweenkii ka qaxe kurihii cayneede
Maxamuud garaad kii cantaray caluula sii dhaafye
Cuqaashii shir shooraa togdheer lagu canaantaaye
Wax kaliyo cirfiidbow shanqadhay cawshii habarwaaye
Cabdi iyo siyaad waa kuwaa caynka loo xidhaye
Cudhaadh bay galeen bah ararsame cees la’aan timide
Culaabta idin saarani ka daran calawgii miireede
Cakuye sow inad wayraxdaan cadanyo laab Dooxa
Oo caabuqani idin bogsado caaddif kuma qaado.

[Babygirl-]

ululululululululllululululu

Aloow Guulee Wiilka Geesiga ah.
Aloow Guulee Wiilka Gacaanta Furaan.
Aloow Guulee Wiilka Cadoowga Guuba.
Aloow Guulee Wiilka Xabashi Diilaa.
Aloow Guulee Wiilka Xabashi Jabiya.
Eee Aloow Guulee Dhamaan Gabdhaha Reer Toolkeey.

4 more dead Xabashis.

[Babygirl-]

Ciidamada SSC oo ku sugan Jiida hore ee B/hadhac

Wararka naga soo gaadhaya jiida hore ee aagaga B/hadhac ayaa sheegaya in maanta dhulbahante isugu yimi jiida hore ee dagaalka dib u xoraynta SSC. Wararkan aan helnay ayaa naloogu xaqiijayay in Hogaanka SSC Dr. Saleeban Xaglatoosiye iyo Col Keysa Cabdi Yusuf ay ku sugan jiida hore ee dagaalka..................

Wararka kale ayaa sheegay in gurmad aad u tiro badan ka imanayo Hawd iyo Nugaalba oo meel lakala istaago aysan jirin jiiida dagaalka. Xaga dagaalka soconaya waxaanu la hadalay saraakiil ka mid ah ciidanka SSC ayaa noo sheegay in uusan dagaalkani istaagayn inta laga gaadhayo hadafkii laga lahaa. Waxaana ay noo sheegeen in ay aad isgu kalsoonyihiin oo ay aad u rajaynayaan in dadka ka soo jeeda SSC ay hiil iyo hooba la garab istaaganyihiin. Ciidanka SSC ayaa aad ugu faraxsan in ay u dhintaan difaacida sharaftii iyo karamadii ay lahayeen ayna wadada tusaan nimankan uu soo khalday Riyaale Kaahin iyo dhiigcabayaashii SNMta.



Laascaanod oo 3000 kun oo cidana laa soo duul dhigay iyo 60 tikniko ka baadaan.

[hanqadh]

Wararkii Ugu Dambeeyey Ee Dagaalkii Degmada Widh Widh Iyo Bali Hadhac Ee Gobolka Cayn

Mogadishu Sunday 23 May 2010 SMC



Dagaalo xoogan oo ay fooda isku dareen degmada widh widh ee gobolka cayn ciidamada maamulka Somaliland iyo ciidamada SSC ayaa waxaa ku geeriyooday in ka badan 14-qof oo isgu jira dhinacyada halkaasi ku dagaalamyey iyo weliba dad rayid ah.

Dagaalkan oo ay soo qaadeen ciidamada maamulka Somaliland ayaa laysu adeegsaday hubka noocyadiisa kala duwan kadibna ku faafay deegaanada degmadaasi islamrkaana ugu dambayn ay halkaasi la wareegeen ciidamada deegaanka ee SSC kuwaasoo sida la sheegay la wareegay tikniko iyo weliba maxaabiis.

Col.Keyse Cabdi Yuusuf oo ah sarkaalka wata ciidamada (SSC) Sool ,Sanaag iyo Cayn ayaa saxaafada u sheegay inay ku qabsadeen dagaalkaasi 4-tikniko ah iyo weliba hubka yar yar isagoo intaasi ku daray inay qab qabteen maxaabiis waa siduu hadalka u dhigaye taasoo uusii raaciyey inay gacanta ku hayaan degmadaasi widh widh ee dagaalku ka dhacay.

Sidoo kale sarkaal kale oo u hadlayey ciidamada Somaliland oo magaciisa ku soo gaabiyey cabdillaahi ayaa tilmaamay inay ciidamada Somaliland ku sugan yihiin deegaanka bali-hadhac oo dhanka waqooyi kaga beegan magaalada dagaalku ka dhacay dhinaca Burco isagoo sarkaalkani saxaafada u sheegay inay dib uga baxeen degmadaasi islamrkaana uu amar kaga yimid dhinaca maamulka sare ee Hargaysa.

Sarkaalkan lagu magacaabo Cabdillaahi ayaa intaasi ku daray inay xagooda ka geeriyoodeen sarkaalkii Guutada 17-aad ee ciidamada Somaliland Col.Maxamed Daahir (Doolaal) iyo afar askari balse uu sheegay inay dhinaca ka soo horjeeda ka dileen ilaa tobaneeyo askarta SSC ah waa siduu hadalka u dhigaye.

Si kastaba ha ahaatee dagaaladan ka soconaya deegaanada gobolka Cayn ayaa ku soo beegmaya xili ay maamulka Somaliland u diyaar garoobayaan doorashada mataxtinimo ee sanadkan islamrkaana ay dhinaca kale aad u kacsan yihiin dadka deegaanada sool,sanaag iyo cayn oo si weyn uga soo horjeeda kala Go,a dalka soomaaliya .



Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
0025250-995088

[Babygirl-]

hadi anan dhulkaygow dhux cadawe ku karin.
hadi anan dhulkaygow dhig kugu foldhaqin.
hadi anan  dhulkaygow gobanimada so dhacin somali kama dhalaan.