SDWO (Qatar 23/05/2010) Xuska sanad guurada 19 aad ee 18 May oo aad looga dabaal dagay lagana xusay wadanka Qatar ayaa bulshada reer Somaliland ee kunool wadanka Qadar ay si heer sare ah u soo abaabuleen ,una agaasimeen xaflad balaadhan oo lagusoo bandhigay heeso wadani ah iyo qudbado aad u qiimo badan ,oo lagaga hadlaayay halgankii loo somaray qaranimada Somaliland ,iyo lasoo noqoshadii madaxbanaaninda gooni isu taaga Somaliland
Waxaa halkaasi ka hadlay aqoonyahano badan oo reer Somaliland ah, halkaas oo ay ku qaadaa dhigeen kuna lafo gureen horumarka Somaliland ku talaabsatay intii ay la soo noqotay dawladnimadeedii. Waxa kale oo ay halkaa kaga hadleen dhibaatooyinkii ay u soo mareen halgamayaashii SNM iyo sida geesinimada leh ee ay ku xaqiijiyeen himiladii ay ku taamayeen
Waxay xafladani ay kaga duwanayd kuwii hore iyada oo agaasimkeedu ahaa mid aad u heersareeyay, isla markaana Madaxweynaha Jamhuuriyadda Somaliland iyo Labada guddoomiye ee Xisbiyada Mucaaridka ahiba ay halkaa uga soo direen hambalyo ay ku tahniyadaynayeen jaaliyadda reer Doha; farxad gelisay dadka reer Somaliland eek u dhaqan dalkan Qatar.
