Caleemo saar

[SahanGalbeed]

Xaflad Balaadhan Oo Loo Sameyey Suldaanka Guud Ee Beesha Sacad Muuse

Hargeysa (TVSLE)-Waxa maanta si rasmi ah magaalada Hargeysa loogu caleemo saaray Suldaan cusub oo la yidhaahdo Suldaan Ibraahim Suldaan Sulub Nuur, oo ah Suldaan beelaha Sacad Muuse, ka dib markii shalay uu geeriyooday aabihii Suldaan Sulub Nuur

Xafladii loo sameeyay caleemo saarka Suldaanka Cusub oo lagu qabtay Gurigiisa oo ku yaala degmada 26-ka June ee Magaalada Hargeysa waxa ka soo qeyb galay Guddoomiyaha Golaha Wakiilada Somaliland Md. C/Raxmaan Maxamed Cabdilaahi (C/Raxmaan Cirro), Wasiirka Arrimaha Gudaha Md. Cabdilaahi Ismaaciil Cali (Cirro), Guddoomiyaha Xisbiga UCID Eng. Faysal Cali Waraabe, Guddoomiyaha olalaha doorashada xisbiga KULMIYE ee gobolada galbeedka Somaliland Md. Baashe Cabdi Gaboobe, Maayar Ku Xigeenka Caasimada Hargeysa Md. Maxamed Cabdilaahi Uurcadde, Xoghayaha Guud ee Xisbiga UCID, Salaadiin iyo cuqaal tiro badan oo lagu soo casuumay.

Waxa ugu horayn xafladaasi ka hadlay Suldaan Ismaaciil Suldaan C/raxmaan, oo sheegay in munaasibadani iskugu jirto laba duco oo is xambaarsan waxaanu yidhi “Munaasibadani waxay iskugu jirtaa laba duco oo is huwan oo kala ah inaynu u ducayno Ilaahay naxariistii jano ha ka waraabiyee Marxuum Suldaan Sulub Nuur, oo ku geeriyooday Magaalada Hargeysa waxaanu ilaahay uga baryaynaa inuu marxuumka naxariistii jano ka waraabiyo qoyskii iyo shacbiga Somaliland ee uu ka baxayna samir iyo iimaan ka siiyo. Munaasibada labaad waxa weeye duco kale oo ah caleemo saarka Suldaan Ibraahim Suldaan Sulub Nuur, oo ah wiil uu dhalay Suldaanka geeriyooday. Waxaanu ilaahay uga baryaynaa inuu suldaanka cusub u fududeeyo xilkiisa isla markaana uu noqdo Suldaan ka shaqeeya danta guud ee dalka iyo adkaynta nabadgelyadaba.”

Guddoomiyaha Xisbiga UCID Eng. Faysal Cali Waraabe, oo ka hadlay munaasibadaasi waxaanu dhambaal Hambalyo ah u diray Suldaanka cusub ee la caleemo saaray Suldaan Ibraahim Suldaan Sulub Nuur, waxaanu ilaahay uga baryay inuu u fududeeyo xilka culus ee loo igmaday.

Guddoomiyaha UCID wuxuu u soo jeediyay inuu ka shaqeeyo danaha guud ee dalka horumarkiisa ku wajahan.

Waxa kale, oo xafladaasi ka hadlay Guddoomiyaha Olalaha doorashada madaxtooyada ee xisbiga KULMIYE u qaabilsan Gobolada Galbeedka dalka Md. Baashe Cabdi Gaboobe, waxaanu Bogaadiyay Suldaanka cusub waxaanu ilaahay uga rajeeyay inuu xilkiisa u fududeeyo.

Suldaanka cusub Suldaan Ibraahim Suldaan Sulub Nuur, oo ka hadlay munaasibadii caleemo saarkiisa ayaa sheegay inuu ka shaqeyn doono danaha dalka Somaliland waxaanu u mahad celiyay cuqaashii iyo bulsho weynta u garatay inuu buuxiyo xilka Suldaanimo ee uu baneeyay Abihii Suldaan Ibraahim Nuur.

Waxa kale, oo Suldaanka cusub booqasho sharafeed ugu imanayay dad aad u tiro badan oo ay ku jireen masuuliyiin ka tirsan xukuumada, Goleyaasha iyo asxaabta Somaliland.



http://www.tvsomalilandeurope.net/?page ... etail=1127

[hargaysaay]

nice abtiyaal mabrúuk

[ToughGong]

^
Also AUN to his father (Rer Shirdoon weeyi)

[Goljano Lion]

^
Also AUN to his father (Rer Shirdoon weeyi)

Since when Sacad Muse have Suldaanka Guud Ee Beesha Sacad Muuse ? is Suldanka Sacad muse and H-awal Suldan the same?

[ToughGong]

It's news to me too,I only heard of him shalay

[SahanGalbeed]

I think they did a mistake , I mean the person reporting this news is obviously not SM and has no clue about it .