Isimada ayaa ku dhiirigeliyay ciidamadan dadaalkii ay u galeen inay qayb ka noqdaan dadaalada iyo dagaalada dib loogu xoraynayo deegaamada SSC gacanteeda ka maqan,
Boqor Cabdilaahi Oo ugu horeyn halkaas ka hadlay ayaa si wayn ciidamadan ugu amaanay dareenka wadaniyada leh ee ay qaateen ugana dhiidhiyeen inay iska joogaan meel kale iyagoo ciidoodii lagu soo duulay,
Sidoo kale Garaad Jaamac Garaad Ismaaciil ayaa halkaas ciidamada kala hadlay isagoo Garaadku sheegay in wax lagu farxo tahay in fogaanta intaa leeg aad usoo marteen dalkiina inaad daafacdaan iyadoo qaar meel u dhaw joogaana ayna weli dareenkaasi gelin.
Garaadku wuxuu wax lagu farxo ku tilmaamay in cudud intaa leeg oo ciidan oo SSC ay maanta u diyaar yihiin inay dalka maqan soo celiyaan isagoo kusoo dhaweeyay ciidankan kuwii hore ugu jiray Furinta horre ee SSC,
Garaad Jaamac Garaad Cali iyo Garaad Cali Buraale ayaa iyaguna khudbad qaaliya halkaas uga jeediyay ciidankan iyagoo ugu hanbalyeey dareemada iyo raganimada uu ilaahay u dhaliyay oo ay ku garteen inay dalkooda iyo dadkooda kala qayb qaataan waxyaalaha dhacaya.
isimada ayaa kulankaas ka bacdi shirar albaabadu u xidhanyihiin la galay saraakiisha ciidankan horkacaysa,iyadoo sidoo kale ay shirarkaas loogu yeedhay oo ay ka qayb galeen saraakiil kale oo ciidan horey tukaraq u joogay ah.
Munaasibadan maanta waxay isimadu ku sheegeen in shir ay yeesheen ay ka soo saareen in isimada SSC ay safaro kala duwan ukala baxaan oo deegaamada SSC.
Waxayna isku qaybiyeen laba qaybood oo kala aadaysa deegaamada Hawdka iyo Nugaasha,
Garaad Jaamac Garaad Cali,Garaad Jaamac Garaad Ismaaciil,Garaad Cali Buraale,Boqor Cabdilaahi waa isimada u kicitimaysa Hawdka deegaamada SSC,iyadoo isimada inta kalena ay Deegaamada Nugaasha ay hawlaha ka wadayaan.
Ciidamadan ay isimadu maanta xaflada uqabteen ayaa ahaa cutubyo ciidan SSC ah oo kasoo goostay Maamulka Puntland iyadoo abaabulka lagu soo anbabixiyay ay qayb ka ahaayeen ganacsatada SSC ee magaalada Boosaaso.
Wariye: Abdiqani I. Goox
admin@lasanod.com
Xafiiska Wararka Lasanod Online, Laascaanood.
