Ina waran cade says Jugsodhacay and Hindi do not rep udub

[Khalid Ali]

Wasiirka Duuliista Hawada Somaliland Cali Waran Cadde Oo Sheegay In Jaamac Yaasiin Iyo Cismaan Hindi Uu Hadalkii Ka Soo Baxay U Gaar yahay



Hargeysa (Golisnews.com)-- Wasiirka duulista hawada Mudane Cali Maxamed Warancadde ayaa caawa fiidkii khadka telefoonka isagoo ugu waramaya shabakadda Golisnews wuxuu shaaca ka qaaday in hadalkii ka soo baxay maanta Xoghayaha guud ee xisbiga UDUB Jaamac Yaasiin Faarax iyo Agaasimaha ololaha doorashada Cismaan Cabdilaahi Cigaal (Hindi) uu ahaa mid iyaga u gaar ah oo aanay cidna kala tashan isla markaana Madaxweynaha ahaana musharaxii madaxtinimada iyo ku xigeenkiisa isla markaana ahaa musharaxii ku xigeenkiisu aanay mawqifkaasi la qabin

Mudane Waran Cadde oo aanu ugu horayn weydiinay mawqifka xukuumadda ee ku aadan natiijadda doorashada iyo qoraalkii masuuliyiinta UDUB ay maanta soo saareen ee ay ugu digeen koomiishanku inaanay natiijo soo saarin wuxuu ku yidhi "anaga xukuumad ahaan hawshayadu waxay ahayd inay doorashadaasi dhacdo, waanay dhacday oo si xaq ah oo xallaal ah ayey ku dhacday, hawsha koomiishanka wakhtiga ay soo saarayaan natiijaddu waa mid iyagu xaq ay u leeyahiin oo dastuurka dalku xaq u siiyey cid ku fara gelin kartaana aanay jirin, xukuumadda mawqifkeeduna wuxuu yahay cid alla iyo cidii guushu raacdo la hambalyeeyo" ayuu yidhi Mr Waran Cadde.

Wasiirka oo aanu weydiinay bal mawqif ahaan wuxuu ka qabo hadal ka soo baxay maanta laba masuul oo xisbiga UDUB ka tirsana oo kala ahaa xoghayhii xisbigaasi Jaamac yaasiin iyo Agaasimahii Ololaha Cismaan Hindi wuxuu yidhi "sidaad aad u maqasheen ayaan u maqlay waxaan qaba hadalka ay yidhaahdeen waa mid iyaga u gaar ah, Madaxweynaha iyo ku xigeenkiisana gallabta iyo caawa fiidkii labadaba waanu wada joognay mana aha mid ajandaha noogu jira inaanu ka hor dhacno natiijadii iyadoo aan soo bixin, waa mid iyaga ku gaar ah oo lagala xisaabtamayo, natiijadii maba ay soo bixine sidee ayey ku ogaadeen in wax la isdaba mariyey, waa arrin iyaga u gaar ah mid ay xisbiga iyo xukuumadda afkeeda ku hadlayeena maaha" ayuu yidhi Mudane Waran cadde.

Hadalka wasiirka wuxuu ku beegmaya iyadoo maalinta sabtida ah lagu dhawaaqi doono natiijadda doorashada madaxtooydaa Somaliland

Xafiiska Wararka Golisnews
Hargeysa, Somaliland

[SahanGalbeed]

Ninkan siyaasadiisa si fiican u ma aqaan e laakin sidii nin LEADER ah bu u hadlay .

[HooBariiska]

Ninkan siyaasadiisa si fiican u ma aqaan e laakin sidii nin LEADER ah bu u hadlay .

waran cade is rageedi, laakin last year ayuu isku yara daatay

saleebaan gaal ayuu yara dhirbaaxay, and he had to pay mag/compensation, dhawr halood ayaa layga qaaday