Ugu horeynta dadweynaha reer Somaliland meelkasta oo ay Aduunka kaga noolyihiin waan salaamayaa,salaan ka dib waxa aan doonaya in qoraalkan aan ku cabiro figradeyda sida aan u arko.arimha ka socda Somaliland gudaheeda,hadaan laga doodin oo aan la saxin,marbaa dhici karta in ay fara ka baxdo taladu.hadaynu nahay reer Somaliland,waxa aynu duurka u galney ee u soo jabhadeyney waxa ay ahyd cadaalad daro aynu ka tirsaneyney koonfur Somalia,Hargeysa aya wax ka tirsaneysey Muqdisho,oo la wada arkayey cadaalad xumida iyo eexashada gabashada laheyn.
Hadaba arinka aan doonayo in aan cadeeyo oo dadka soo dhex dhigo,waa eexashada iyo cadaalad darida dhexdeena aynu isku hayno cid ka hadashana aanay jirin.
Dawladu labada (Hoteel ee magalada Hargeysa)durba iyaga oo aan xilka si wacan u qaban ayey u kala eexataa,wax hada biloow ahna maha,ilaa doorashadii aya xisbiga (Kulmiye)xarun ka dhigtey (Hoteel Maansoor)xiligii ay xisbiga ahayeen waxba lagama qabo in ay xarun ka dhigtaan Hoteelka,oo jeebkooda ayey kharashka ka bixinayeen HOTELKA.hadase xilkii wadanka oo dhan ayey gacanta ku hayaan,waa cashuurtii dadweynaha reer Somaliland,waa in ay markaa dhex dhexaad ka noqdaan,waxkasta oo ay sameynyaan,qaas ahaan shirarkooda waa in ay u kala qeybiyaan,in ay ku shiraan dhamaan Hotelada waaweyn ee magalada (Hargeysa)si markaas Hotelada kale u shaqeeyaan oo ilbaabadu u furnaadaan ileyn shaqalaha ka shaqeeya DAWLADU canshuur ayey ka qaadeysaayo.
Arinkan aan ka hadlaya Aduunk oo dhan ayuu ka jiraa,figradeyda waxa an ku cabiraya hab dhaqanka dawlada Canada,mararka ay shirarka ama casuumadaha sameynayaan,hadba magaladaas xafladu ka dhacayso,Hoteelada ku yala waa ay isku dheeli tiran,Hotelka ay Qado sharaf ku sameeyaan,casho sharaf kuma sameeyaan HOTEL kale ayey cashada ku sameeyaan si waxkastaba iskugu dheeli tiranto,dadkan Canadianka waa dad Aduunka ugu horeeya habka cadaalada iyo dhexdhexaadka,iyo wadankooda oo ay jecelyihiin horumarkiisana ay ku dadaalan.
Hadeynu nahay reer Somaliland maxaynu kaga dayan karnaa wadankan Canada?
Waa in aynu Canada kaga dayanaa waxyaabo badan,cadaalada iyo daacadnimo,waa in dawlada Somaliland isku soo koobin (Hotel Maansoor),waa in Hotelka weyn ee kale( Hotel Ambassador) ay xaqa uu Hotelku leeyahay u gartaan,labadan Hoteel waa labada Hoteel ee magalada ugu weyn xiligan,laguna shiri karo,waa laba Hoteel oo isku dhigma aynu ku faani karno,dawladaha shisheeye marka ay inoo yimaadana ku marti qaadi karno,laakiin marnaba aqli gal ma noqoneyso sida hada jirta,ee lawada arko ee, eexashada aan gabashada lahyn ay bilowdey dawladu in ay dhacdo,oo dhamaan mashruucyada oo dhan loo leexiyo Hotel Maansoor,,Hotel Ambassadorna sidii carwada loo daawasho tago,waa wax aan dhici karin,haday dhacdana inagu ah dulinimo iyo aqoon yaraan iyo eexasho,sababtoo ah waxani waa arimihii aynu ka diidney reer koonfur Somalia,(Hargeysa aya ka diidey Muqdisho)sidaas oo ay tahay waa in arinkan laga wada hadlaa (Hotel Ambassadorna ka yeeli mayo Hotel Maansoor,in uu ka wax badsado)sababtu tahay dawladu waxa ay kharashka ku bixineysaa waa canshuurtii dadweynaha reer Somaliland.
Waxii Dawlada ka baxsan labada Hoteel waa ay u tartami karaan,sida Aroosyada dadweynaha dadka dibadha ka imanaya Hoteelkii ay doonan ha ku degeen cid ka hadlaysa ma jirto,taasi waa tartan iyo Hoteelkastaba waxii u qoran.
Tan Dawlada Somaliland se way ka duwntahay in ay hal Hoteel isku soo koobana waa foolxumo weyn,waa in ay u dhaxeeyaan dhamaan Hotelada maglada xitaa kuwa yaryar,oo ay Wasiiradu ku shiraan,iskuna casuumaan si markaa Hoteeladas yaryara ilbaabadu ugu furnaadaan,shaqana u abuuraan.
Waxaan rajeynayaa in Dawladu wax weyn ay qorsheheeda ka badali doonto,dadka Dawlada la taliyana waxa aan leeyahay yaan loo kala eexan magalada,(Hargeysa) waxa aad ka dhigan tihiin qof u kala eexda,labadiisa lugood,labada lugood midna kab cusub u xira,lugna iskaba ilaawa,waa sida hada jirta,markaa idinkoo heli kara labo kabood oo quruxbadan in aad xirataan oo la soo shirtagtaan,maxaa idinku soo koobaya hal lug oo aad sharaxdaan, waxa hubaal ah in aydaan halkaas lug meelna ku gaareynin,labadii lugood ee aad u kala eexateena jirkiina ku yaalaan,oo marka lugta aad dayacdeen qodaxda ama masku qaniino xanuunkeedu idin soo gaarayo,meel dheer waa in wax laga cabiraa oo laga eegaa,lagana gudbaa waxyaabaha dib u dhaca iyo aargoosashada keeni kara.
Aad ayaad u mahadsantihiin kuligeena waa inagu wada waajib,wanaaga iyo horumarinta wadankeena.kheyr ayaan u rajeynayaa dhamaan Reer Somaliland.
