Allah swt and the prophet PBUH+F are innocent of their lies
Shabaab oo wiil dhallinyaro ah carrabka ka jaray.
Monday, 16 August 2010 10:59 Read : 422 times
Maleeshiyada kooxda Shabaab ayaa carabka ka jaray muwaadin Soomaali ah oo ay ka qafaaleen magaallada Muqdisho.
Ehellada ninkaan oo maanta saxaafadda u soo bandhigay dhibanaha ayaa tilmaamay in maleeshiyaadka Shabaab ay Carabka ka gooyeen Axmed Cali Shuuke oo ku shaqeysan jiray Gaari Dameer gudaha magaalada Muqdisho kaddib markii ay afduub ku geeyeen degmada Balcad ee gobolka Sh/hoose.
Hooyada dhashay wiilkaan oo u warantay Radio Muqdisho ayaa sheegtay in kooxahu ay wiilkeeda Afdyuubteen muddo kaddibna ay soo heleen isagoo la il darandhaawac gumaadka ah ee loo geystay wiilkeeda, waxayna maleeshiyadku soo dhigeen dhibanaha degmada Balcad.
Shabaab ayaa wiilka ka gooyay halka uu ka soo dhasho carabku, ayagoo kaddibna sii daayay, hooyada dhashay wiilkaan oo aan weydiinay sida ay tahay nolosha dhibanaha ayay sheegtay in cuntada lagu siiyo Filimbo, uuna gabay dhamaan Hadalkii iyo waliba howshii uu qabanayay carabka oo ka mid ah xubnaha ugu muhiimsan Insaanka.
Muxudiin Xasan Afrax oo adeer u ah dhibanaha ayaa Radio Muqdisho u sheegay in tallaabadani ay qeyb ka tahay tacaddiyada ay Shabaabku u geysanayaan shacabka Soomaaliyeed, isagoo wax umadda ku cusub ku sifeeyay in carabka laga gooyo qof nool.
Shabaab ayaa horay ugu kacay falal Qoorgoyn iyo addimo goyn isugu jira ka sokoow toogashada bareerka ah ee caadada u noqotay caruurta daacadda u ah kooxdooda, waxayna taasi qeyb ka tahay ficillada ay ku howl galaan ee ah dhibaateynta shacabka Soomaaliyeed.
