Al-Shabaab oo Carabka Ka Jaray Wiil Dhalin Yara ah
Wiil dhalinyaro ah oo ay carabka ka jareen kooxda Al-Shabaab islamarkaana lagu magacaabo Axmed Cali Shuuke ayaa waxaa ay qaraabadiisu saxaafadda ugu soo bandhigeen magaalada Muqdisho.
Shuuke ayaa la sheegay in kooxda Shabaab ka afduubtay magaalada Muqdisho isagoo gaari dameer ku shaqeysanaya, waxaana ay la tageen dhankaasi iyo Suuqa Bakaaraha halkaasoo carabka ay kaga soo jareen.
Qaraabada Shuuke ayaa sheegay in uu iminka cuntada ku qaato tubo (faleebo) islamarkaana uu ka cabanayo xanuun saa`id ah oo dhanka carabka ah.
Gabi ahaan hadalka ayuu gabay Shuuke, maadaama carabkiisa laga jaray halka hoose ee uu kasoo dhashay.
Ciqaabtan loo geystay Shuuke ayay qoyskiisu sheegayaan in Shabaab u cuskadeen in uu qaraabo la yahay shakhsiyaad ka tirsan dowladda.
Horay ayay kooxda Shabaab ugu keceen falal guracan oo ka dhan ah bini`aadamnimada, kuwaasoo ay ka mid yihiin adimada oo ay ka jaraan dadka islamarkaana suraan tabeelayaasha wadooyinka si ay ugu cabsi galiyaan shacabka.
