Safiirka cusub ee Somaliland u Fadhiya Eithopia

[Mr_Alfaas]

Xukuummada Somaliland Oo Wakiilkii Ugu Yara U Magacowday Dalka Ethiopia Iyo Farxad Iyo Reynreyn Ay Dhalinyaradu Ku Soo Dhaweeyeen.


(Hadhwanaagnews) Friday, August 27, 2010

Hargeysa(HWN):-Xukuummada Somaliland ayaa u magacowday Wakiilkii ugu da’a yara Maxamed Xasan Siciid inuu Somaliland u fadhiyo Magaalo Madaxda Dalka Ethiopia ee Adis Ababa.

Magacaabista xilkan ay Xukuummada Axmed Siilaanyo shalay Digreetada ku soo saartay ayaa guud ahaan waxa soo dhaweeyey dhalinyarada Somaliland, kuwaas oo Dawlada uga fadhiyey inay xilal u magacowdo.



Maxamed Xasan Siciid oo ah wiil dhalinyaro ah oo aadna u fir-fircoon ayaa shabakada Wararka ee Hadhwanaagnews na la soo xidhiidhay si ay wax uga weydiso dareenkiisa, iyo sida uu u rako xilkaasi loo magacaabay, waxa uu ku jawaabay oo uu yidhi “Waan ku faraxsanay xilkan cusub ay Xukuummada Axmed Maxamed Maxamuud [Siilaanyo] ii magacowday, xilkan iyo mid ka sii sareeya-ba waan filanayey, waxaanan Ilaahay ka baryayaa inuu I fududeeyo xilkaasi, waxaanan leeyahay dhalinayarada xilkan la ii magacaabay waa Boos-kii dhalinayarada, qaar kale-na waa loo magacaabay ee igu garab-gala si aan wax badan uga midho dhaliyo”



“Markii xilka la I magacaabay marna waan naxay, marna waan farxay, waayo xilku waa wax culus waxaanan Ilaahay ka baryayaa inuu I fududeeyo, ummada waxaan leeyahay gaar ahaan dhalinayarada waa inay I garab is-taagan wixii tallo iyo tusaale ahna I soo gudbiyaan anna waan la shaqeynaya”ayuu yidhi Maxamed Xasan Siciid.



Maxamed Xasan Siciid waxa uu bartay sharciga iyo xidhiidhka caalamiga ah, isaga oo xilal kala duduwan ka soo qabtay hay’adaha maxaliga iyo kuwa ajanabiga ah-ba, waxaanu ka mid yahay dhalinyarada fara ku tiriska ee asaastay Dallada Midowga dhalinyarada Somaliland ee [SONYO], isaga oo noqday guddoomiyihii u horeeyey ee daladaasi,



Sidoo kale, Maxamed Xasan waxa uu noqday sarkaal sare oo ka tirsan madaxda hay’ada HANDI-CAP International, waxa kale oo uu madaxda sare ka soo noqday hay’ada IRI oo ah hay’ad mareykan ah, waxaanu tababaro siiyey Baarlamaanka Somaliland, taas oo ku saabsanayd Dawlad wanaaga [Good Governance], waxaanu aqoon u leeyahay arrimaha Diplomas-iyada iyo waxaana loo dhiibay xil ku haboon oo mudan yahay, isla markaana waxa looga fadhiyaa inuu ka midho dhaliyo hawsha loo igmaday, maadama uu sito magicii dhalinyarada tusaalena u yahay oo xilkaasi lagu tijaabinayo.



Mustafe-Janaale

Hadhwanaagnews.com/office

Hargeysa/Somaliland

Email: Janaale94@gmail.com

[Bohol iyo karaman]

Ayuub Political Leader

[The_Emperior5]

Ayuub Political Leader

he looks ayub

[Mr_Alfaas]

EMp

he looks ayub

[KyrieJama]

Mashallah dhalinyarada deserve political post espicially those which studied internally nice move by Sillanyo.