Dagaal culus oo u dhexeeya maleeshiyaadka DKMG-ka iyo ciidanka AMISOM ayaa goordhaw ka bilaawday afaafka hore ee Garoonka diyaaradaha magaalada Muqdisho.
Goob joogayaal ayaa xaqiijinaya in ay maqlayaan Hugunka Rasaasta ay is dhaafsanayaan maleeshiyaadka DKMG-ka iyo ciidanka shisheeye gaar ahaan kuwa Yugaandha.
Dagaalka ayaa yimid kadib markii ay Iridda garoonka soo istaageen ilaa iyo 2 gaari oo Cabdi Bile ah kuwaas oo doonayay in ay gudaha ugalaan Garoonka waxaase arrinkaasi diiday ciidanka Yugaandha oo ka baqayay in uu dhaco mid lamida weeraradii dhawaan ka dhacay Garoonka oo Raggii fuliyey ay ku labisnayeen Dareeska maleeshiyada dowladda.
Warar hordhac ah ayaa sheegaya in maydadka maleeshiyaad DKMG-ka katirsan uu daadsanyahay afaafka hore ee Garoonka gaar ahaan inta u dhexaysa UNDP iyo Garoonka waxaana u suura gashay ciidanka Yugaandha in ay la wareegaan Gaadiidkii ay wateen Maleeshiyadu.
Saraakiisha AMISOM ayaa dhawaan go'aamiyey in Garoonka aysan soo geli karin wax katirsan Askarta Dowladda hadii la arkana Nolosha lagu toogto, Xarakada Shabaabul Mujaahidiin ayaa dhawaan Ciidankeeda Komaandooska ah oo ku labisan Dareeska Ciidanka u dirtay garoonka halkaas oo ay Howlgal ka fuliyeen.
TFG doesn't even control its own positions.
