Bay ( Sh. M. Network) Maamulka Xarakada Mujaahidiinta Al Shabaab ee gobolada Bay iyo Bakool ayaa tababar u soo gaba gabeeyay ku dhawaad 400-oo Askari kuwaasi oo ay saraakiisha Al Shabaab sheegeen inay ka qeyb qadanayaan dagaalada ka soconaya magaalada Muqdisho.
Galinkii dambe ee shalay ayaa saraakiil ka tirsan Xarakada Al Shabaab waxaa ay tababar askar gaaraya 300-boqol loogu soo gabagabeeyay magaalada Baydhabo ee gobolka Bay, waxaana la sheegay ciidamada tababarka u soo dhamaaday in ay ka qayb qaadanayaan dagaalada Al Shabaab ay kula jiraan dowladda KMG Soomaaliya iyo kuwa AMISOM.
Maxamuud Shariif Macalin oo ka mid ah saraakiisha Al Shabaab ee gobolka Bay oo la hadlay askarta tababarka u soo dhamaaday ayaa waxaa uu sheegay in qaar kood loo soo diray magaalada Muqdisho islamarkaana ay ka mid yihiin ciidamada dagaalamaya.
Sidoo kale qaar ka mid ah askarta oo halkaasi ka hadlay ayaa waxaa ay sheegeen in ay ku faraxsanyihiin tababarka lasiiyay, waxaana ay sheegeen in ay ka go’antahay in ladagaalamaan islamarkaana maysha ay kasaaraan dowladda KMG Soomaaliya iyo ciidamada AMISOM ee ku sugan magaalada Muqdisho.
Dhawaan ayay aheeyd markii tababar ceenkaan oo kale ah magaalada Kismaayo ee gobolka Jubadda Hoose loogu soo gaba gabeeyay boqolaal askari oo saraakiisha Xarakada Mujaahidiinata AL Shabaab ay sheegeen in ay u soo direen magaalada Muqdisho si ay qayb ugu noqdaan ciidamada dagaalamaya.
They are getting desperate