President Silaanyo To Sign a Oil Deal With China Worth Billi
Posted: Wed Dec 15, 2010 5:19 pm
Madaxweynaha Jamhuuriyadda Somaliland Md Ahmed Mohamed Mahammoud Silanyo, ayaa la filayaa in uu booqasho rasmi ah ku tago dalka Shiinaha horaanta sanadka cusub ee fooda inagu soo haya.
Booqashada uu madaxweynuhu ugu kiciyimayo dalka China, ayaa ka danbaysay marti qaad rasmi ah oo uu ka helay madaxda dalka Shiinaha,ka dib markii wafti balaadhan oo ka kooban 14 xubnood oo ka socda dawladda Shiinuhu ay booqasho rasmi ah ku yimaadeen horaantii sanadkan aynu ku jirno caasimadda dalka ee Hargeisa, si ay sahamin ugu sameeyaan maalgalin dhaqaale oo dalka Shiinuhu uu ku sameeyo Jamhuuriyadda Somaliland.
Mr. Qi, oo ka mid ahaa xubnaha waftiga Shiinaha ah ee dalka yimi xilligaa ayaa u sheegay warbaahinta maxaliga ah in ay aad uga mafsuudeen soo dhawayntii ay dawladda iyo shacabka JSL, ku qaabileen iyo daganaanshaha iyo xasiloonida ka jirta dalk, taas oo sababtay in dawladda Shiinuhu ay qorshaynayso in ay maalgalin dhinacyo badan leh ku samayso meelo badan oo ka mid ah Somaliland, waxaanay ku amaanay horumarka balaadhan ee ay Somaliland ku talaabsatay iyada oo aan beesha caalamka ka helin wac caawimo ah haba yaraatee.
Kambaniga weyn ee caanka ah ee ay maamusho dawladda Shiinuhu ee lagu magacaabo China National Offshore Oil Corporation (CNOOC), ayaa lagu soo waramayaa in uu aad u danaynayo sidii uu maalgalin sahamin ah ugu samayn lahaa baadhitaanka khayraadka saliida dabiiciga ah ee ku jirta dhulka Somland, iyada oo isla Kambanigani uu hore ula galay Dawladdihii ku meel gaadhka ahaa ee ka jiray Dalka Somalia siiba tii Cabdilaahi Yuusuf sanadkii 2007-dii, heshiisyo qaybo badan oo ka mid ah dalka Somaliya uu kaga baadhayo saliid siiba deegaano ka tirsan gobalka Mudug, oo Shan Boqol oo km dhinaca waqooyi bari ka xiga magaaladda Mogadishu.
Warkan oo aanu ka soo xiganay SomalilandGlobe, ayaa sheegay wakhti xaadirkan in ay dawladda Shiinaha ay u muuqatay suurta galnimadda hubaasha ah in dhulka JSL, uu hodan ku yahay khayraadka dabiiciga ah ee Saliida, taas oo soo dadajinaysa in uu dhakhso uga bilaabo sahamin iyo maalgalin degdeg ah, qorshayaashan oo qayb ka ah maalgalinta uu dalka Shiinuhu ka wado Qaaradda Afrika.
Booqashada uu madaxweynuhu ugu kiciyimayo dalka China, ayaa ka danbaysay marti qaad rasmi ah oo uu ka helay madaxda dalka Shiinaha,ka dib markii wafti balaadhan oo ka kooban 14 xubnood oo ka socda dawladda Shiinuhu ay booqasho rasmi ah ku yimaadeen horaantii sanadkan aynu ku jirno caasimadda dalka ee Hargeisa, si ay sahamin ugu sameeyaan maalgalin dhaqaale oo dalka Shiinuhu uu ku sameeyo Jamhuuriyadda Somaliland.
Mr. Qi, oo ka mid ahaa xubnaha waftiga Shiinaha ah ee dalka yimi xilligaa ayaa u sheegay warbaahinta maxaliga ah in ay aad uga mafsuudeen soo dhawayntii ay dawladda iyo shacabka JSL, ku qaabileen iyo daganaanshaha iyo xasiloonida ka jirta dalk, taas oo sababtay in dawladda Shiinuhu ay qorshaynayso in ay maalgalin dhinacyo badan leh ku samayso meelo badan oo ka mid ah Somaliland, waxaanay ku amaanay horumarka balaadhan ee ay Somaliland ku talaabsatay iyada oo aan beesha caalamka ka helin wac caawimo ah haba yaraatee.
Kambaniga weyn ee caanka ah ee ay maamusho dawladda Shiinuhu ee lagu magacaabo China National Offshore Oil Corporation (CNOOC), ayaa lagu soo waramayaa in uu aad u danaynayo sidii uu maalgalin sahamin ah ugu samayn lahaa baadhitaanka khayraadka saliida dabiiciga ah ee ku jirta dhulka Somland, iyada oo isla Kambanigani uu hore ula galay Dawladdihii ku meel gaadhka ahaa ee ka jiray Dalka Somalia siiba tii Cabdilaahi Yuusuf sanadkii 2007-dii, heshiisyo qaybo badan oo ka mid ah dalka Somaliya uu kaga baadhayo saliid siiba deegaano ka tirsan gobalka Mudug, oo Shan Boqol oo km dhinaca waqooyi bari ka xiga magaaladda Mogadishu.
Warkan oo aanu ka soo xiganay SomalilandGlobe, ayaa sheegay wakhti xaadirkan in ay dawladda Shiinaha ay u muuqatay suurta galnimadda hubaasha ah in dhulka JSL, uu hodan ku yahay khayraadka dabiiciga ah ee Saliida, taas oo soo dadajinaysa in uu dhakhso uga bilaabo sahamin iyo maalgalin degdeg ah, qorshayaashan oo qayb ka ah maalgalinta uu dalka Shiinuhu ka wado Qaaradda Afrika.
