Maleeshiyaadka Jabhada Hargaysa ee SNM ayaa waxay beryahanba saldhigyo waa weyn ka qodonayeen deegaanka Maygaagle oo Buuhoodle u jira 20km. Maleeshiyaadkan ayaa waxay halkaas ka wadeen ayaamahanba Tacadiyo waa weyn oo ay shacabka deegaanka Baadiyaha kula dhaqmayeen, sida Boob xoolaha ah, Barakicin iyo ayagoo deegaanka dhirta waa weyn ee ku taala goynaya si ay dhuxul ahaan uga dhigtaan.
Maleeshiyaadkan oo markii hore ay ku jireen kooxo Horgolo ah ayaa la sheegay in dhamaan Horgaladii lagu celiyey meelihiiay ka yimaadeen, ka dib markii shaki laga muujiyey Dabadhilifnimadooda.
Horgalada la bedeley waxaa ka mid ah Horgal Mahad Canbaashe iyo Horgal Dalbac, oo la sheegay inay ka mid yihiin dhuuni qaatayaal aan Damiir ku jirin oo u shaqeeya jabhada SNM. Siilaanyo ayaa qorshihiisu yahay inuu ciidaniisa u diro Buuhoodle, halkaasoo u eg meeshii ay ka qodon yihiin xabaalihii lagu Aasi lahaa maleeshiyaadkan la soo qalday.
Ciidanka maamulka SSC, ayaa la sheegay in heegan la geliyey isla markaana ay hada diyaar u yihiin inay cashar u dhigan maleeshiyaadkan Doolaalada ku socota. Shacabka Buuhoodle oo sidii reer Laascaanood aan isku halayneyn in maamulka Puntland difaacaan maadaba aysan Gobolka Cayn ciidan iyo cududtoona kaga sugnayn ayaa u eg kuwo diyaar u ah inay Dhulkooda difaacdaan.
Ciidamada SSC, oo taageero fara badan ka helaya shacabkooda Gobolka Cayn, ayaa hada diyaar u ah dib u hanashada goobo badan oo ay Widhwidh ka mid tahay.
Maleeshiyaadka SNM ayaa ku soo hulaabtay inay dhex galayaan beelihii Kalshaale ku dagaalamay, waxaase arintan ay fashilantay ka dib markii uu magaalada London ka sheegay Dhiigyacabka horbooda maamulka Qabiilka gooni goosadka ah ee Siilaanyo inuu dhulka Dhulbahante qaarkiisana xabad ku qabsanayo qaarna Siyaasad.
Abdul Salaan Dhego-nalow.
Buuhoodle,
SSC.
Horufadhi.com
Short URL: http://horufadhi.com/?p=1640
