Wafti kasocda Puntland oo Gaalkacyo u yimid

[FBISOMALIA]

Waxaa xalay magaalada Gaalkacyo ee xarunta gobolka Mudug soo gaaray wafti kasocda dawlada Puntland ee soomaaliyeed kuwaas oo isugujira Wasiiro,xildhibaano,saraakiil dawladeed & xubno kamid ah maamulka gobolka & kan degmada Gaalkacyo,waxaana ay waftigani ay magaalada Gaalkacyo u yimaadeen xalinta khilaaf ka taagan dhismo ay qaarkamid ah shacabka Gaalkacyo halkaas si sharci daro ah uga bilaabeen.

Waftigan oo uu horkacayo Wasiirka wasaarada Warfaafinta,Isgaarsiinta,Hidaha & Dhaqanka Mudane,Cabdixakiim Axmed Guuleed ayaa waxaa sidoo kale kamid ah duqa magaalada Gaalkacyo Cabdiraxmaan Maxamuud Xaaji Xassan oo maalmihii lasoo dhaafay kusugnaa caasimada Puntland halkaas oo uu dawlada dhexe uga warbixinayey heerka ay marayso xaaladani.

Saraakiishan kasocota dawlada Puntland ee soomaaliyeed waxay maanta kulankoodii ugu horeeyey oo ah mid balaaran ay imika la leeyihiin qaarkamid ah Odayaasha magaalada Gaalkacyo gaar ahaana midkamid ah beelaha gobolka dega gobolka Mudug oo lagala tashanayo xaalada Xerada dayax oo cabsi badan beertay.

Qaarkamid ah xubnaha Waftigan oo ay APL xiriiro kaladuwan la samaysay ayaa ka gaabsaday inay ka hadlaan imaanshahooda magaalada Gaalkacyo & kulamada ay imika wadaan,waxaana ay ku gaabsadeen inay saraakiisha dawlada & odayaasha gobolka arki doonaan islamarkaasna ay kulamadooda kadib warbaahinta usoo bandhigi doonaan qorshaha dawlada ee ku aadan xero Dayax.

Waftigani waxay Gaalkacyo imaanayaan xili todobaadkii hore xerada Dayax ee magaalada Gaalkacyo uu ka bilowday boob xoogan islamarkaasna la dhisay qeybo banaan oo kamid ahaa xeradaas oo ay dhisteen dad shacab ah taas oo Maamulka gobolka Mudug uu kan degmada Gaalkacyo ku amray in si deg deg ah wax looga qabto balse xubnaha maamulka Degmada Gaalkacyo ay sheegeen inay ka fakari doonaan xalka ugu wanaagsan ee wax looga qaban karo xerada dayax.