Quljeed (Harowo) - Golaha Dhaqanka Beelaha Jibrilyonis, ayaa shalay waxa qado sharaf u sameeyey Dadwaynaha reer Quljeed oo u qalay 5 Neef oo geel ah oo ay ugu talo galeen soo dhawaynta Golaha dhaqanka beelaha Jibrilyonis. Gudidan Dhaqanka ah ayaa waxay soo gaadheen magaalada quljed 4 maalmood ka hor mudada ay joogeena waxa ay ku jiraan quraan akhris iyo alla bari si uu ilahay ugu fududeeyo hawsha culus ee ay u hayaan beelwaynta Jibrilyonis ee Dal iyo dibadba jooga.
Qado sharafeedkan ay u sameeyeen dadwaynaha Reer Quljed oo uu horkacayo Gudoomiyaha Magaalada Sh.Cabdilaahi ayaa wax ay ahay qado lagu soo afjareyey mudadii ay ku jireen alla bariga iyo quraan akhriska loona gudbayey hawlihii iyo kulanadii ay u tageen Magaalada Quljeed.
Wajigii labaad ee Shirwaynihii beesha jibril yoniis ayaa bilaabmay isla shalay galinkii danbe markii ay dhamaysteen qadada ayaa wax ay u huleelen hoolka shirka loogu tala galay oo isaguna ku yaala isla dugsiga sarre ee Quljeed oo ay daganaayeen Mudada ay Jooga Magaalada Quljeed.
Caaqil Faaxa Maxamuud oo ahaa Gudoomiyaha Golaha Dhaqanka beelaha Jibrilyonis oo hawsha ku soo jiray muddo 3 Sanno ah ayaa waxa uu si sharaf iyo maamuus leh ugu wareejieyey shir gudoonka shirka Sheekh Ahmed Hoori Buux oo horay u ahaan jiray sheekha Gudida hadana loo magacaabay Gudoomiyaha Gudida.
Kalmad uu jeediyey Caaqil Faarax ayaa waxaa uu ugu horayn u mahad naqay dad waynahay reer quljeed qado sharaftan ay ku casuumeen Golaha Dhaqanka beelaha Jibrilyonis waxaanu ka hadlay sida uu ugu wareejiyey Sheekh Axmed Hoori Gudoomiyanimada ayaa waxaa uu sheegay in ay ku doorteen Waayo aragnumo, da’da, iyo diinta oo uu sheegay in uu yahay sheikh Axmed ninkii ku haboona in uu Gudoomiya Shirka.
Sheekh Axmed Hoori oo hadalka ka daba qaatay ayaa ugu horayn u mahad naqay dadwaynaha reer Quljeed si diiran ee ay u soo dhaweeyeen Golaha Dhaqanka beelaah Jibrilyonis waana wax ay dhaqan u leeyihiin reer Quljed waligoodna way soo dhawayn jireen caado ayey u leeyihiin waa sida uu hadalka u dhigay sheikh Axmed.
Waxa kale uu u mahad naqay Caaqil Faarax Maxamuud oo Muddo dheer hawshan soo waday si sharaf lehna iigu wareejiyey waan u mahad naqayaa wax kale oo uu ka codsaday in ay goluhu la shaqeeyaan masuuliyada culus ee ay u igmadeen.
Shirkan Shalay u furmay Golaha oo ah wajigii Labaad ayaa wa aan la garanayn mudada u qaadan doono iyaga oo guda galay hawsha intii u muhiimsanayd oo ah xulida Suldaanka guud ee Hogaamin doonta Beelwaynta Jibril yonis Dal iyo Dibadba.
