
Madaxweynaha Jamhuuriyadda Somaliland Md. Axmed Maxamed Maxamuud (Siilaanyo) ayaa maanta xafiiskiisa ku qaabilay wafti uu hor kacayo ganacsade u dhashay imaarada Ra’sul Kheyma.
Ganacsatada oo uu xubin ka ahaa ganacsadaha weyn ee Aljabiri ayaa waxa uu madaxweynuhu uga mahadnaqay socdaalkoodan, halka uu waftigu kala hadlay sidii loo sii xoojin lahaa xidhiidhka labada dal.
Sidaasna waxa lagu sheegay warsaxaafadeed uu ku saxeexan yahay afhayeenka madaxtooyada Md. Cabdilaahi Maxamed Daahir (Cukuse), waxaanu u dhignaa sedan “Madaxweynaha JSL Mudane: AXMED MAXAMED MAXAMUUD (SIILAANYO) ayaa Maanta Xafiiskiisa ku qaabilay Wefti Arrimo Ganacasi u socda oo uu Hogaaminaayo Sarkaal ka socda Imaarada Raasul Khayma.
Weftigan oo uu ka mid ahaa Ganacsadaha Al-jaabiri waxa ay madaxweynaha kala Hadleen sii xoojinta Xidhiidhka ganacsi ee u dhexeeya labada Dal ee Somaliland iyo Sucuudiga.
Madaxweynuhu waxa uu Weftiga u sheegay sida ay Somaliland diyaarka ugu tahay Maal-gashiga Dalka Gudihiisa Gaar ahaan Ganacsiga Wershadaha IWM.
Madaxweynuhu waxa uu Xubnaha Weftiga uga Mahad celiyey Booqashada ay ku yimaadeen Dalka Somaliland.



