ENG:Maxmuud Caydiid tell it like it is!!

[damu]

In badan baa shacabka SSC been aan geed loogu soo gaban si badheedh ah loogu sheegay si loogu beer laxawsado xaqiiqadana looga leexiyo, beentaas in badan oo xogmooge ah baa run u qaadatay, in badan oo wax ma garato ahna waa la qool jeexday beenta joogtada ah ee ay caadaysteen inay shacabka SSC u sheegaan hogaanka iyo inta u adeegtaa.



Waxaa yaableh Dawaco kabaalo maqaadi karto kalxyona lama sudhikaro( bal akhristow ka waran hadii aniga oo nool jabhadii aan sameeyey ee hormuudka ka noqotay halganka SSC xiliyadii dagaaladu ka socdeen widhwidh sawiradeedii cinwaan looga dhigay maxamud Foorteyn oo 410 askari Puntland kala soo goostay oo SSC ku biiray) iyadoo looga faa’iidaysanayo xiisado been abuur ah oo markale shacabka SSC lagu baadhanayo si loo bakhti afuufo
1- Hogaankii oo sheekadiisii buuhoodle ka soconwayday
2-In la yiraahdo Nugaal baa ciidan hogaanka u joogaa oo reer nugaaleedkii dagaalaka diidanaa baa ooda soo jabsaday
3-In lacag ururintii qurbaha oo joogsatay loo helo farsamo kale oo dadka lagu baadho.
Waxaa shabakadaha wararka ee SSC todobaadkan lagu soo qoray ILMO foorteyn oo 410 Askari Puntland kala soo goostay SSC na ku soo biiray waxaa markiiba isa soo tariwaayey wararkaas, qaar ka mid ah ragaasina way beeniyeen warkii ay sheegeen waxayna ku celiyeen in aanay puntland ka bixin.
Waxaa maanta WidhWidhonline ku soo baxay sawiradii aniga iyo hajabhadii aan Nugaal ka aasaasay xiligii hogaanku baahinayey nugaal baa dagaalka dhulka lagu xoreynayo diidan oo manta loogu magacdaray Maxamud Foorteyn oo 410 Askari Puntland kala soo goostay.
Hadii maxamud Foorteyn 410 Askari lasoo goostay meeye sawiradoodii maxaa sawiradayda WidhWidhonline ugu been abuuratay, waxay tani tusaale marag madoonto ah u tahay beenta jootada noqotay ee shacabka SSC lagu manjara habaabinayo.
Waxaa yaableh ina falaalug baa sheegtay taliyaha aaga Nugaaleed warsaxaafadeedkii been abuurka ahaana ka soo baxay isaga oo hadlaya iyo baabuurkiisii tiknikada ahaaa , inafalaalug waxa uu haystaa hal baabuur, Tuka raqna waxaa la jooga reero 20 baabuur oo Tikniko ah haysta diyaar na u ah in ay ka qaybgalaan halganka SSC hase ahaatee aan aaminsanayn dawlada aan jirin ee hogaanku samaystay, marna maan maqalm iyada oo la sheegayo 20kaa gaadhi ee tiknikada ah iyo boqolaalka Askari iyo beesha haysata, halka gaadhi ee ina falaalug muxuu Nugaal ku soo kordhinkaraa? Malaha beentaasi waa nafaqada hogaanku ku nool yahay imisayse socondoontaa?, waxaanse idiin sheegayaa 4ta gaadhi ee ilma foorteyn in aanay Puntland ka tegayn kana maarmin.
In been abuur intaa le’eg shabakad wararka ah lagu soo qoro waxay ku tusaysaa oo kale aqoon daro sheegida wararka iyo amaanada warkaba, warku iska sheeg maaha wadiiqooyin la mariyo buu leeyahay inta aan la baahin si loo xaqiijiyo jiritaankiisa iyo in uu mudan yahay in la sheego iyo inkale, waxaananse garanayn in shabakada WidhWidhonline ay leedahay tifaftire iyo in ay tahay goob fadhi ku dirir?
Waxaan si xushmadi ku jirto uga codsanayaa cida maamusha shabakada WidhWidhonline in ay faahfaahin iga siiso sababta ay been abuurka ugu isticmaashay sawirkayga, ayna ka waantoobaaan waxyaabahaas inaanay cid kale kula kicin.
Waxaan kale oo u sheegayaa hogaanka iyo cida u ololaysa in ay joojiyaan sheekooyinka been abuurka ah ee aan wayeelo mooyee wax tar u lahayn shacabka SSC, inta been abuurku socdo ee nin waliba libin nin kale iska sheeganayo ama wax aanu awoodi Karin ama garashadeed lahayn uu sheeganayo lama gaadhi karo midnimo, hadaan midnimo lagaadhina xornimo lama gaadhi karo.

[damu]

Hogaanka SSC oo loo asaasay loona dhisay inuu mideeyo Bulshada SSC isla markaana degaanka ka maqan ee gacanta ugu jira is-huwanta Soomalidiidka dib ugu soo celiyo dadka iska leh gacantooda, ayaa wuxuu qaaday dhowr dhaq-dhaqaaq oo uu magac daray Weerarada Xoraynta,
balse ku dhamaaday tuuryooyin aan dhaafin duleedka isla markaana loo maamulay hab ka gedisan Fal Ciidan. Goobahaas Hogaanku weerarada u diray waxaa ugu horeeyey kii lagu qaaaday Magaalada Widg-Widh, iyadoo aan markaas wax qulqulad ah oo ka taagnaa aanay jirin. Weeararkaas waxaa la qaaday iyadoo aan lala socodsiin dadka degaanka ku nool, iyadoo aan wax Saad Cunto, Shidaal iyo Rasaas toona loo geynin.
Ujeedada weerarkaas - Xoraynta - waxaa lagu jebinayey wada hadal dhex maray dadka jiidaas degan iyo Odoyaal ka tirsan Beelaha Soomaalidiidka, loogana hadlayey sidii ciidankaas looga rari lahaa degaankaas. Hogaanku, isagoo ka biyo diiday in cid kale oo hadli kartaa ay jirto, wuxuu qaaday dagaalkaas oo uu geliyey ciidan aan tababar, tiro iyo tayo toona u lahayn in ay ka hor-tagaan kii Soomalidiidka.
Cid aan Anaga ahayn miyaa hadli kartaa, iyadoo ay ujeedadooda tahay, balse aan ragga la miidaaminayo sabab la'aan aan Hogaanka iyo hor-boode-yaalkiisu ka fiirsan, waxay keentay in nolol lagu kaxaysto raggii uu diray oo weliba uu hab qabiil ku abaabuley. Waxaa taa ka daran, in warbaahinta lagu soo saaray in Ciidankii Hogaanku qabsaday Magaalada Widh-widh, warkaas oo maalintii Axadda ee dhacdadaas ku xigtey bulshada Qurba joogta ah guul in la gaadhey lacag lagaga uruursaday.

Hadalkii ugu cuslaa, runtana aad uga fogaa ee malintaas kooxda Hogaanka kasoo yeedhay wuxuu ahaa :- "Todobaad Xornimo lagu gaadho maanta ka hor lama sheegin", waxaana Or iyo Mashxarad wada socda ragga dhiigiisii qurba joogta lagaga bilaabay in $5,000-00 yabooha laga bilaabo, si loo adkeeyo guusha la gaadhey. Runtu waxay ahayd in dadka loo sheego in 7 beri hogaankii ku jabay, markaa ka dibna aanu helin 30 askari oo uu goob isugu keeno. Degmada Widh-widh maalintaas ayay si buuxda ugu gacan gashay ciidanka Soomaalidiidka. Weerarkaasi wuxuu u ekaaday ninkii waalaa ee gurigiisii dabka geliyey.

Weerarka labaad ee sababta Hogaanka ku dhacay wuxuu ahaa kii Ciidanku Xabashidu ka qaaday Magaalada Buuhoodle, halkana lagu laayey rag badan,
laguna boobay hanti fara badan. Weerar celintii Hogaanku qaaday waxay noqotay in la kaxeeyo saraakiisha Ciidanka Xabashida, lana geeyo tuulada Dhalaama-cune, iyadoo la tusayo ciidankii hogaanku inuu san ka qayb gelin dagaalkii Buuhoodle. Halkaana wuxuu hogaanku ka muujiyey inuu naftiisa la baxsado. Taasina waxay ugu jirtaa Weeradii Xoraynta ee uu qaaday.

Weerarka sadexaad ee Xorayntu wuxuu ahaa kii lagu qaaday Magaalada Xadhadhanka, iyadoo lagu saleeyey in aan cid kale oo hadli kartaa aanay jirin, waxaana la adeeg sadey dhalinyaro lagu hawl geliyey in magaaladii la qabaday. Dhalinyaradaas oo watey qoryo aad u fudud, saadka Hogaanku soo siiyey wuxuu ahaa nus-kiilo qaad ah oo wiil kasta guntiga ugu jirey, qaadkaas oo ardaga Hogaanka caanka ku noqday, markii horese aan la aqoon Magaalada Buuhoodle. Dhalinyaradaas lasoo qalday waxaa qaqabtay magaalada hareeraheeda iyo gudaheeda, lagana qaaday hubkii ay siteen. Waxaa nasiib wanaag ah weerarkaa Xoraynta cid wax ku noqotay in aanay jirin. Guryo noqosho, siyaabo badan oo kala duwan ayay Soomalidu u kala sheegtaa, waxaana ka mid ah dhacdadan, haddii aan la odhan - Kabo tolow ma halkaas baad ka kuddey.

Weerarka Xoraynta ee afraad wuxuu ahaa kii lagu qaaday Kantaroolka Magaalada Oog, ee gacanta ugu jirta ciidanka Soomaalidiidka. Dgaalkaas waxaa lagu majare habaabinayey Xeerkii Hawl-Qaybsiga Hogaanka iyo Khusuusiga . Kulankaas si looga boodo, wuxuu Hogaanku abaabulay Weerarkaa Xoraynta, isgaoo aan wax qorshe ah u dhigin weerar celis ka yimaada dhinaca kale, isla markaana aan wax digniin ah siinin dadkii magaalada degenaa si ay u diyaar garoobaan. Taasi waxay u eg tahay markii labaad ee loogu talo galay in Ciidanka Soomalidiidka lagu soo hogaamiyo Magaalada Buuhoodle.

Weerarka Xoraynta ee ugu yaab badnaa wuxuu ahaa kuu lagu qabsaday Saldhigga Booliska ee Buuhoodle. Falkaas oo aad la yaab u lahaa, Hogaanku haddana adkaysi uma yeelan inuu sii haysto, balse wuxuu kaga baxay maqal uu ogaaday in lagu soo socdo. Waaba la odhan karaa wuxuu kala ilaaliyey Tol isku dhaca, haddii aanu isagu ahayn kii markii hore qabsaday.

Guulaha lagu faafiyo Qurba joogta dhexdeeda, aanse ka jirin degaanka beesha, waxaa muuqata in ay hadda soo wada xidhmeen. Degaamo la qabsaday oo hor-leh iyo Rag lagu laayey iyo kuwo loo gecan geliyey cadowgii lala dagaalami lahaa, ayay noqotay natiijada laga helay taladii Hogaanka iyo maskax iyo garasho ku biirisa, qaarkoodna duubab xidhanyihiin.

[damu]

Maqaal: Talo Waa Mar aad Garanweydo iyo Mar aad Gaadhi weydo:( Eng-Maxamud Caydiid Dirir )


Mahad ILLAAHAY baa leh Nabadgelyo iyo Naxariisina Nebigeenii Suubanaa ha ahaato SWWC.
Akhristayaasha Qiimaha iyo Qaayaha leh ee nagala socda daafaha dunida waxaan u soo gudbinayaa Salaan qiimo leh ASCW.



Sida aad warbaahinta Soomaalida ka aragteen waxaa todobaadkan wareysi bixiyey Prof. Ali Khaliif Galeyr, waraysiga oo dhinacyo badan taabanayey cali waxa uu aad ugu tuuntuunsaday dulucda wareysiguna ahaa SSC.
1-Su’aalaha iswaydiinta mudani waxaa weeye cali weligii kama hadlin dan dhulbahante ama SSC ilaa maalintii uu mucaaradka ku noqday dawladii kacaankii Maxamed Siyaad Bare, amase xiligii uu Ra’iisal Wasaaraha Dalka Soomaaliya ahaa maxaa ku hadliyey maanta oo uu TV u soo fadhiistay?
Aan idin xusuusiyee Prof. Cali hore waxaa laga hayaa xiligii uu Ra’iisal Wasaaraha ahaa in uu yidhi (anigu tol dhalasho malihi ee tol siyaasadeed baan leeyahay), waa xiligii uu sheegtay in uu mudulood yahay.
2- haddii cali hore looga hayo waxaas oo dhan goormuu tol noqday? oo SSC xusuustay, haddii xiligii dawladii Maxamed Siyaad Bare ALLE ha u naxariistee ee reeraha kale tashanayeen uu garan waayey in uu keeno talo tolkii ku meel maro uuna door biday in uu reero tashaday daba galo, waad wada xasuusataan in uu ilaa shirkii burco ilaa Boorame joogay, goormay u muuqatay in tolkii talo u baahan yahay? Kaba sii darane shirkii imbegati xiligii uu gebogeboda ahaa cali wuxuu damcay in uu la loolamo Cabdillaahi Yusuf, nasiib daro cabdillaahi wuxuu haystay taageerada Puntland maamul ahaan iyo ta tolkiiba reer ahaan cali se wuxuu damcay in uu dhulbahante Isimadiisa Garaad C/qani kala boxo inta kalena baal maro, weliba isaga oo aan wax talo wadaaga ah la yeelan shacabka, waxgaradka iyo siyaasiyiinta SSC u dhalatay midna, guul daraase ka raacday diyaaradii Garaad C/qani uu u soo diray markii loo diiday in ay soo caga dhigato carro Puntland, kadar oo dibi dhal xilligii lagu caanashubayey G Jaamac G cali Gleyr isaga oo diyaarad ku sita buu kala soo degay Laascaanood wuxuuna sameystay ciidan beeleed aanu cidna kala tashan xataa beeshiisa siyaasiyiinteeda inta aanay isku aragti ahayn, wuxuuna doonayey in uu isagu maamulo madasha canashubka, waxaase garbiyey Ina Xaabsade oo ahaa wasiirkii arihamaha gudaha ee puntland oo iyadu xilligaa maamulaysay Laascaanood, cali oo guuldaro halkaa kala huleelay wuxuu kulamo badan qurbaha kula qaatay G Jaamac, waxay isla qaateen wax la yiraahdo harti nacayb waxay kale oo isla qaateen in loo hawl galo sidii Dhulbahante iyo Harti loo kala goyn lahaa.
Wuxuu gaaf wareegaba cali maalintii doorasha puntland uu ku guul darraystay xaglatoosiye ee G Jaamac Buuhoodle kaga dhawaaqay in uu Puntland ka baxay waxaa u muuqatay cid uu ku guurikaraa in ay fagaaraha siyaasadda ku soo biirtay, meel kasta oo garaad jaamac galo iyo xaglatoosiye cali waxa uu ahaa diirada hagaysay, hadii aynu dib u eegno wadiiqooyinkii cali maray waxaa inoo cadaanaysa G Jamac iyo prof. Cali in ay mudo ka shaqeynayeen halkii ay ka baneysanlahaayeen siyaasada Dhulbahante, xitaa shirkii 21/10/2007 Garaadku ku dhawaaqay in Lascanod lagu qabto cali waxa uu ahaa maskaxda ka danbeysay abaabulkaa inkasta oo aanu isa soo banaan dhigin.
Cali waxaa weeye maskaxdii ka danbaysay abaabulkii lagu guuldaraystay ee shirqoolkii Nairobi ee ay ka dhalatay jabhadii HMB ee Dawlada u xuubsiibatay, wuxuu Woqooyiga America ka soo diray Faarax Gedle oo ahaan jiray gacan yarihiisii xilligii uu Ra’iisal wasaaraha ahaa, faarax markii shirkii dhamaaday wuxuu u soo qalab qaatay qurbaha siiba UK iyo Waqooyiga America isagoo wata book uu ku magacaabay wixii shirkaa ka soo baxay mar uu faarax la hadlayey Jaaliyada London waxa uu sheegay in shirkani ahaa (the most transparent and accountable), cali xiligii shirka abaabulkiisu socday wuxuu kulamo badan ku qabtay Nairobi habeenkii taariikhdu ahayd –15/09/09 wuxuu shir albaabadu u xidhan yihiin oo gaadhay ilaa saqdii dhexe la qaatay kooxda Nairobi oo uu ka maqnaa maxamed cabdi xaashi, waxaa ka xumaaday oo aan loo sii sheegin in cali khaliif imanayo G Abshir (muxuu cali na doonayaa baa Garaadku yidhi Garaad wuu ina soo salaamay baa loogu jawaabay), saxaafadana shirkaa waa loo diiday.
Cali shirkaa wuxuu ku soo bandhigay qorshe inkasta oo aan lala qaadan wixii cali sheegay oo dhan sababtuna waxay ahayd dhalinyarada shirka abaabulkiisa waday ee hawlwadeenada looga dhigay looma sheegin cida ay u shaqaynayaan in ay tahay cali, qorshayaashii cali soo bandhigay waxaa ka mid ahaa in uu codsaday in guurtida shirka imanaysa lagu daro rag 8 ka kooban oo uu isagu wato oo u badan horgalada Soomaalidiidka badankooduna aan xilal ka hayn ee u adeega, waxaa kale oo uu sheegay in ay kooxda qaban qaabadu xil iska saaraan oo keliya sidii ay halkaa maamul ugaga dhawaaqilahaayeen meelmarinta maamulkaa, aqoonsigiisa iyo dhaqaalihii uu ku shaqaynlahaana isaga loo daayo.
Cali wuu is hayn kari waayey maadaama uu arkay wixii uu soo abaabulay in ay dumeen, intii wareysigaasi socday cali ma soo hadal qaadin inaba dadkii dedaalka u galay in SSC aanay wax dulmi ah qaadan dibad iyo gudoba mana soo hadal qaadin ololihii siyaasadeed ee NSUM ku qaaday Soomaalidiidka caqabada koowaadna ku noqotay ilaa iyo 2008kii in aan wax citiraaf ah la siin, una bandhigay Caalamka in Soomaalidiidku yihiin qabiil ka mid ah qabaa’ilka dega Woqooyi doonayana in ay inta kale afduubaan.
Sanooyinkii badnaa ee cali USA ku noolaa Soomaalidiidkuna ololaha siyaasadeed ka wadeen cali maalina isma hortaagin weliba isaga oo fursado badan haystay, xiiligii uu Ra’iisal Wasaaraha ahaa weli lama hayo meel uu kaga hadlay ama kelmed taageero ah ugu gaystay shacabka dhulbahante, cali maanta dantiisii baa sakal gashay.
Ilaa iyo sanadkan bilowgiisii marar badan buu cali werysi siiyey warbaahinta marwalba waxa uu soo qaataa in loo baahanyahay in Soomaalidiidka la ictiraafo waxaana uu sabab uga dhigay in dani ugu jirto Soomaalida, waxa kale oo uu sheegay in shirarka Soomaalida loo qabanayo Soomaalidiidka lagu qabto.Wareysigiisii ugu danbeeyey cali waxa uu amaanay Cismaan Kalluun socdaalka uu ku tegay Hargeysa iyo weliba in rag kale uu sugayo in ay tagaan, waan ognahay Cali, Siilaanyo iyo Cismaan waa saaxiibo, waxayna u badan tahay in ay London todobaadkan ku kulmayaan. Todobaadadii la soo dhaafay Cali wuxuu London kula kulmay rag ay isku raas yihiin kulankaas oo G Jaamac ka qaybgaley waxaa kulankaas garaadku ka sheegay in uu SSC isagu sameeyey loona baahan yahay in Dhulbahante u daba fadhiisto arimaha SSC, Maalintii kooxda la baxday wakiilada hogaanka ee London ay lakulmayeen Madaxweyanaha ismaamulka Soomaalida Itoobiya Cali Taleefan buu kula soo hadlay haseyeeshee telefoonkii cali waa lagu dhigay iyada oo kooxdii u shaqaynaysay ay maqlayaan.
Waa loo baahnaa qof leh waaya aragnimada siyaasaddeed ee cali in uu SSC u soo baxo hase yeeshee maaha meesha cali ka miisayo mid keenikarta guul iyo in SSC shacabkeedu ka baxaan dulmiga lagu hayo oo dhinacyo badan ka socda.
Cali waa aqoon yahan dhanka siyaasadda ah waxay ahayd in ay ukala soocan yihiin ka mid ahaanshaha Dhulbahante ee Puntland iyo dulmiga uu Dhulbahante ka tirsanayo Puntland, Dhulbahante wuxuu wax ka samaystay Puntland wuuna ka mid ahaandoonaa ilaa wada tashi buuxa waxgaradka Dhulbahante ka yeeshaan ka mid ahaanshaha Puntland, Soomaalidu waa reero ilaa la helo dawlad damaanad qaada dalka dhamaantii baahidii Puntland loo aasaasay way jiraysaa.(cilmiga ha laguu dhigee caqligaa lala kaashadaa) aqoon keligeed wax ma tareyso, waxaad kale oo cad cali in xitaa ajaanibtu ka odorosi ogtahay xaalka Dhulbahante uu maanta ku sugan yahay hadii aan talo mug weyn lagu salayn in ay keeni karto dagaal sokeeye ama kala qaybsanaan abadi ah. shakhsiyaad ku hungoobay madaxtinimada Puntland Dhulbahante kama saarikaraan Puntland, waa run takrifal fara badan oo dhinaca xukunka ahi wuu ka dhacay Puntland denbiga ugu wayna waxaa leh madaxdii Dhulbahante ee ka mid noqotay Puntland(geel jire geela waa wada jirtaa waana kala jirtaa) ama( ninkii seexdaa sicii dibi dhalay), dhibaatada dhulka iyo dadka SSC gaadhay waxaa badankeeda ka masuul ah Maxamed Cabdi Xaashi oo weliba ka mid ah abaabulayaashii shirqoolkii Nairobi.
Haddii in yar aynu taariikhda dib ugu noqono xilligii uu Cali mucaaradka ku ahaa dawladii ALLE ha u naxariistee Maxamed Siyaad Bare ee ay jireen jabhadihii saddexda ahaa(SNM, SSDF, USP) Cali marna ma mucaaradin weliba wada shaqayn buu lalahaa SNM, wuuna garan waayeyey reeraha is hubaynayaa waxay duulaanku yihiin dadkaaga.
Cali waa nin sida saxansaxada u uriya shirarka xisaab sax ahna aan isu gayn Karin oo soo saarikarta waxa uu doonayo, maaha bahal karti uu wax ku goosto leh tusaale ahaan xiligii uu Ra’iisal Wasaaraha noqday Daarood dhamaan baa aad ugu faraxsanaa wuuse gabay wixii looga fadhiyey SSC oo uu wax taro iska daaye wuxuu qorikari waayey Wasiir Dhulbahante ah C/qaasim oo madaxweyne ahaana waxa uu qoray 5 Wasiir oo Habar gidir ah, mar la weydiiyey wuxuu ku jawaabay tayda ma idiin googooyaa!!!!!!!!!!!!!!!!!!!!!!!!!!!!!!!, wuxuu sababay in Kismaanyo C/qaasim reerkiisu qabsadaan, Qanyare oo keliya intii uu u siiyey in uu garoon diyaaradeed ku dhisto ayaa SSC oo dhan ku filayd kana difaacilahayd in la qabsado.
Farqiga fahamka Siyaasaddeed ee ani iyo Cali aanu ku kala duwanahay akhristow waxaa weeye xilligii cali sacabka u tumayey jabhadaha magaca reeraha lagu aasaasay anigu waxaan cadeeyey in aan wax dan ahi ugu jirin dadka iyo dalka Soomaaliyeed oo ay horseed u yihiin sidii dalka Soomaaliyeed loo burburinlahaa cadowgii ummada Soomaaliyeedna ay dhabarka saareen oo ay taakulayn ka helayaan, hadalkaas waxaan isaga oo wareysi ah siiyey laanta Afka Soomaaliga ee BBC bishii Augest sanadkii 1989, waxaa kale oo aan wareysiga ku soo qaaday in Maxamed Siyaad ALLE ha u naxariistee haddii ay daacad ka tahay in uu doonayo in uu xukunka wareejiyo uu cid ku meelgaadh ah oo dalka hanankarta dalkana doorasho xor ah gaadhsiisa in uu u dhiibo.
Caliyow waa laguu baahnaa mudo aad u dheer hase yeeshee xalku kuma jiro laba qof oo ku guul daraystay tartankii doorashooyinka Puntland in aad dhinaca saarto oo aad indhaha kalaliso waxgaradka, isimada iyo siyaasiyiinta doonaya in ay si miyir qabta uga saaraan SSC dhibta haysata xoriyada dhulkana soo celiyaan. Guul bay ahaan lahayd haddii Cali xilligii shirqoolku socday Cali shir Dhulbahante u bedelilahaa, wada tashi balaadhana la yeelanlahaa waxgaradka iyo aqoonyahaniinta SSC uuna la kaashanlahaa gaadhista lato mug leh oo laysku raaco ( madax madow iyo mindi saawir ah midna lagama quusto) Caliyow Dhulbahante shir buu isugu imandoonaa goor aan fogeyne wixii aad hayso halkaa keen, danta guud u soo deg oo taada gaarka ah jooji, inkasta oo aanan garaneyn sida looga soo kabanayo dhibaatada aad geysatay dhawrkii sano ee la soo dhaafay ha ugu daraato dhibaatada dhaqanka ee aad axmed garaad dhexdhigtay, dhulbahante waxa uu lee yahay 13 isim siyaasiyiin badan iyo aqoon yahanoba hal isim oo aad laqool jeexdaana uma go’aaminkaro. Caliyow markaad gaadhi lahayd maad garan.
Guul iyo gobanimo
Eng. Maxamud Caydiid Dirir.

[damu]

MAQAAL: HABAR DHALIWAYDAY ALEELO KU WAALATAY ( ENG: MAXAMUUD CAYDIID DIRIR )


Mahada ILLAHAY baa leh Nabad iyo Naxariisina Nebigeenii Suubanaa korkiisa ha ahaato.
Waxaa dhowrkii maal mood ee ugu danbeeyey dhegihiina ku soo dhacayey kooxdii Nairobi oo u diga rogatay Galmud,



Muqdisho IWM.Mareegaha warka qulubka lihi qawlka u noqday waxay qoreen in kooxdan Suuf Aloolka ahi ay casuumad ka heleen Ra’iisal wasaaraha DKM Mudane Maxamed Cabdillahi Farmaajo. Ra’iisal wasaaaraha ay ku furan tahay shaxda laba aflayda ah ee xildhibaanada DKM ahi wax martiqaad ah uma fidin nimankan isbeen fariimaya, Mudane farmaajo wuxuu mashquul ku yahay dhisida dawladiisa kuwanina waxba kuma soo kordhinkaraan sumcad xumo ay u kordhiyaan mooyaane, waxaase ka sii yaab badan waxaa garoonka kaga hortegay Ra’iisal wasaaraha arintaas oo caqliga caafimaadka qabaa aanu yeelikarin Muqdisho maaha meel nabad ah oo nin madax ahi si sahal ah uga bixikaro madaxtooyada, kaarayaasha ilaalada Afrikaanka ee u diiday xildhibaanadii shirayey shirkoodii yeelimaayaan kooxdan lunsan in ay ku miineeyaan Ra’iisal wasaare(Libaax nimaan aqoon baa lax ka rita) inamada yar yar e qoraya Ra’iisal wasaaraa kooxdii Nairobi soo dhoweeyey wax fekred ahba kama haystaan xamar iyo waxa ka jira malaha Buuhoodle oo dumarka iyo caruurtu soo baxeen bay u qaateen(bishii May).
Kooxdani cidna ma metelaan buuhoodlena dhagax baa lagaga saaray, waatii aad daawateen sawiradii khusuusida iyo baaqii ay ka soo saareen in ay kalsoonidii kala noqdeen kooxdan fashilantay, waxay xamar u aadeena waa in ay helaan meel warma qabto ah oo ay ayaamo kaga qadhaabtaan SSC baanu metelaa. Hore waxay kooxdani ugu hungoobeen IN in ay xilal ka helaan Somalidiidka, Puntland hadana waxay ku guul daraysteen SSC markaa maanta waxaa laga raadinayaa DKM.
Kooxdani ceeb iyo sumcad xumo joogto ah bay ku hayaan shacabka SSC , Dhaqan ahaan, Diin ahaan, Aqoon ahaan iyo talo ahaanba, ma aha talaqabeen cid metelikara cidina wakiilan karto, sidaa daraadeed shacabka Soomaaliyeed meelkasta oo uu joogo waxaan uga digayaa in fagaarayaasha laga ilaashado si aanay sumcada idiinka xumayn oo ay daan beri u odhan nimanka maxay tolkood noogu qariyeen.
Waadan Maarmine Meeqa Jeer Baan Meesha Kaa Diray;
Shacabka SSC iyo Isimadiisuba in badan bay u seeto dheereeyeen kooxdan oo ay afka ka daboosheen dib looga aamusimaayo sidaa buuhoodle dhagaxa loogaga saaray baa meeshii ay yimaadaanba weji xumo uga soo horeysaa, in badan bay qurba joogtu idin yiraahdeen kaadibadane waa loo gogolbadiyaa oo ay dhaaqle xisaabla’aan ah idinku daldaleen, beentii isa soo gurtay meel danbe oo aad ku gabataan mahadhin midabkiinii runta ahaa maantaad la soo baxdeen oo shacabku idin arkay aniguse beri hore baan idin ogaaday.Kooxdan oo in badan ku taamaysay in ay mar uun helaan magac ay ku qadhaabtaan meeshii Soomaaliyi isugu imanayso oo ay yidhaahdaan SSC baanu metelaa waxay ka dhabeeyeeen waxay midabkoodii runta ahaa ee aan in badan uga digay Shaabka SSC in aanay ku dagmin beenta iyo beerla xawsiga aan caloosha jirin, khasab bay ku noqotay markii ay ku noolaan kariwaayeen Buuhoole, Dharkayn iyo Saaxdheer midna iyaga oo ka faa’iidaysanaya xaalada isbedel ee ka socota xamar bay waxma garatada ay indha sarcaadiyaan ugu sheekeeyeen xamar baa nalooga yeedhay.
Habar dhali wayday Aleelo ku waalatay markii ay ku hung oobeen, ku guuldaraysteen SSC dhexdeeda ayaa masaakinnta Ahad walba muriyadaha iyo silsiladaha lag xaraashto waxay ugu sheekeeyeen xamar baa nalooga yeedhay, markay widhwidh cadowgii SSC gacanta u geliyeen, markay Buuhoodle dadkeedii kala dileen, markay Ahmed Garaad Garaado aanay ku caano shuban iyagu u sameeyeen, markay hantidii $500,000 intaa le’ekayd lunsadeen xisaabtana ka beqeen hadii la eryey in SSC u qaansheegato waxay dantu ku khsabtay in ay is been fariimaan oo cararaan, markii ay kala direen oo burburiyee 2000 ee naftii hure ee u soo diyaargaroobay in ay dalkooda nacabka ka dhiciyaan, markii gaadiidkii SSC shacabkeedu u iibsaday in dalka lagu xoreeyo cadowgii ummada gacanta loo geliyey door bay bideen in ay dalwaan, markii shacabku ku baraarugay dibindaabyadoodii door bay bideen in ay diga rogtaan.
Hal xaaraan ahi Nirig Xalaal ah ma Dhasho;
Shirkii kooxdan lagu sameeyey waxaa ka qayb galay 47 qof oo badan kooda laga ururiyey Nairobi xubin keliya oo dadkii shirkaa ka qayb galay oo cidi soo wakiilatay majirin aan ka ahayn 5 xubnood oo NSUM ka socday sidaa daraadeed marka horeba asalkiisaa Xaaraan ahaa, waxaana soo abaabushay ragan maanta sheeganaya in xamar lagu casumay waxa ay maalintaa u xuslinayeena waxay ahayd in ay maalin uun helaan magac aan wax qabad lahayn oo ay ku qadhaabtaan.
Waa lagu digtaa Ruux haduu Kuu Daraan Jiraye Bal Dayaay Wadaadkii Waa Kaa Sii Dabayshadaye
Waa ALLE mahadii Buuhoodle oo aan cadow gaanta u gelin hadii kooxdii Suuf Aloolka ahayd ka huleeshay
Nimaan Xishoonayn Dagaal Xeeli Kama Hayso
Kooxdani waxay sheegteen in ay SSC metelayaan waxaaanay ka kooban yihiin Isimo iyo rag siyaasiyiin isku magacaabay intaba, lagaray siyaasiga sixun u socdka ahi wuxuu galaa meeshii kasta oo waxa uu doonayaa galaan, isimka doonaya in uu magac isimnimo ixtiraam ku helo talo rag kala dhexaysana guntiga gashaday muxuu Rag ka damacay?
Hadii isimadii kale beri baaq soo saaraan ay leeyihiin anagu wax isimo ah oo aanu meel u dirsanay iyo talo aanu iskaga ogayn midna majirtee isimku hawl u gaar ah buu wataa anagana waxba nagama khuseeyaan waxa uu samaynayo saw maaha arin ay daw u leeyihiin.
Guul iyo Gobanimo
Eng.Maxamud Caydiid Dirir

[damu]

MAQAAL: NIMAAN KUU FURI DOONIN YUU KUU RARIN( ENG: MAXAMUUD CAYDIID DIRIR)


Mahad ILLAHAY baa leh Nabadgelyo iyo Naxariisina Nebigeenii Suubanaa korkiisa ha ahaato CSW.
Tan iyo bishii 2aad 2009kii waxaan in badan shacabka dhulbahante uga digay cawaaqib xumada ka dhalankarta haddii talada dhulbahante ay tuurta ku qaataan kuwo aan qaadi karini, dhawaaqyadaa xog ogaalnimada ah iyo saadaashaa saxa ah dheg looma dhigin



inbadan oo ka mid ah shacabkii dhulbahante waxay la qool jeexday kooxdii waalayd ee xukunka iyo qaadku madaxmareen,( hadii dameer malab la saaro miyuu og yahay in uu malab sido)?
Inbadan baan idhi war talada SSC kooxdan markay murqaamaan xuxunku hormaraa maqaadikaraane ha laxidhxidho waayo qofkii waasha in aanu naftiisa wax yeelin dadka kalena wax yeelin baa loo xidhaa, kuwo qalinka laga dulqaaday baad miciinsateen saa waagaa hortiina ka beryey.
Dhibaatadii aan labada sano ka digayey maanta waa marag madoonto, horey lasanod baa SNM u qabsatay kooxda Nairobi ilaa maalintii ay soo baxdayna intii kale bay fara ka saartay, waataa maanta widhwidh ay ku damaashaadayaan Somalidiidkii, waataa Buuhoodle dushiisa baraagaha habarjeclo ka qodanaysa ee lagu dhiciwaayey, waataa buuhoodle oo 21sano Somalidiidku fooda gelinwaayeen maanta baraagaha laga dul qodanayo, waataa Fu’aad Aadan cade qorilay ilaa Dharkayn ka khodbaynayo, waa kaas xaabsade ilaa xuduuda mudug gaadhay waxa uu halkaa u joogaa waa xuduudii baanu soo xidhnay,meeye kuwii Daa’uud Bisinle xabadaynayey maxay xaabsade iyo Fu’aad u xabadayn waayeen mise awalba iyagaa soo dirsaday, waxay u badan tahay in awalba xaabsade iyo Fu’aad hogaanka la shaqaynayeen waayo dhamaan raga hogaanku waxay ka soo jeedaan xubnihii hore ee NSM iyo in wakiil ka ah(Buurawadal iyadoo shir dhulbahante loo fadhiyo baa hore SNM u soo dirsatay AW DAAHIR oo guurti ku sheegooda ka tirsan todoba maalmood buu halkaa joogay shaqadii uu u yimi maalintaasina waata maanta aynu aragno waxa ay dhashay), ninkii habeenkii Lasanod la qabsaday hargeysa joogay goormuu is bedelay oo wadani noqday?Haddii beentii ay dhamaatay oo hubkii iyo lacagtii shacbka SSC faraha ka saareen hogaan ku sheega lagu hungoobay, hilbaysatada u tudhiwaayey dumarka iyo caruurta ay janqeeyeen oo ay jeebkooda baadheen oo hadana weliba iyadoo loo jeedo iyaga oo si hufan ula shaqaynaya SNM hadana shir ay lacag ku urursadaan qabanaya, adduunka waa wax aan sheeko iyo shaahid toona lagu maqal been la’ogyahay dad doonaya in ay fagaare ka sheegaan.
Filanwaa waxaa igu noqotay NSM oo widhwidh ku damaashaadaysa iyo hungadii oo shacabka ku baadhanaysa shir deg deg ah halaysugu yimaado, widhwidh baa la dulfadhiyaaye iyo ciidamo baanu gelindoonaa, layaab maleh shacabka dhibani waayo horey baa loo yiri nin buka boqol u talisay maalinba midbaa sida shaydaanka meel iska soo madoobaynaya oo isu oohinaya, waar barta beenta iyo ilmada yaxaaska ee lagu qadhaabanayo, waar nin cadowga la shaqaynaya baad weliba lacag ugu daraysaan, kooxdani khiyaamo qaran bay geysteen waana in lala xisaabtamo oo denbiga ay galeen aan laga saamaxin, taas waxaa ka sii yaab badan kooxihii qalishubatada ahaa ee ay qurbaha ka samaysteen oo weli dadkii boobaya siiba dumarka iyo waayeelka.
Haddii aynu nidhaahno nimankan budhcada ah xumaantooda dadka ha loo sheego lama soo koobikaro waa (Dundumo Dhoobo ka Dhaq), Hulqoow maantana maxaad odhan, saacadii timaadaba haddii xumaantiina marageedu soo baxayo, shaabka SSC inaad cadow u loogteena ay cadaatay in aad walaalihiin iyo SNM u wareegtaan inta aan shacabku ilkaha idin ku cunin ileen wax nafta idinka siiba idiin quudhimaayaane sida aad u silciseen bay idiin silcindoonaan maalin maalmaha ka mid ah.
Guul iyo Gobanimo
Eng. Maxamud caydiid Dirir

[abdalla11]

Nice read. He totally destroyed Prof Ali KHaliif Galaydh and confirmed my suspicions about him.

Is Maxamed caydiid dirir qayaad? I know a family with dirir as last name waana qayaad

[garoweboy]

ninkii habeenkii Lasanod la qabsaday hargeysa joogay goormuu is bedelay oo wadani noqday? WHAT A QUESTION

[FBISOMALIA]

ninkii habeenkii Lasanod la qabsaday hargeysa joogay goormuu is bedelay oo wadani noqday? WHAT A QUESTION

money talks like xabasdii

[damu]

MAQAAL: GUUL BAA LOO DABAALDEGAA HADDII LA GAADHO GUULDARANA MADHUUDHYO, MURUGO IYO MUDAHARAAD BAY LEEDAHAY:( Eng: MAXAMUUD CAYDIID)
Sida aad mareegaha warbaahinta ka akhrisateen ama ka daawateen waxaaa laga bilaabo 15/10/10 ilaa 16/10/10 ka dhacay dhowr iyo afartan wadan dabaaldeg lagu xusayo sanadguuradii koowaad ee ka soo wareegtay aas aaskii hogaanka SSC kooxda la magac baxday.


Sida lagu yaqaan dabiicada Aadamaha guusha ayaa loo dabaaldegaaye, kooxdani wax guul ah ma gaadheen? Mise way guul daraysteen?
Si aynu ukala ogaano jawaabta su’aashaas waa in aynu dib u eegnaa wax qabadkoodii iyo sidii kooxdani ku aasaasantay:
Bishii Oktoobar 2009kii bay ahayd markii 47 qof oo dhalasho ahaan ka soo jeeda SSC ay isugu yimaadeen Nairobi, ka qayb galayaasha shirkaas oo aan cidina soo wakiilan marka laga reebo 5 xubnood oo ka socday Ururka NSUM, Shirkaas ayuu ka dhashay waxa maanta lagu magacaabo Hogaanka SSC.
Sida ku cad awooda ay yeelankarayeen kooxda shirkaa joogtay oo gaadhaysay 47 qof waa mid xadidan go’aan kasta oo ay gaadhaana meel mar ma noqonkarayn haddii aan loo bandhigin shacabka SSC, Si hadaba taa loo meelmariyo go’aankii halkaa lagu qaatay wuxuu ahaa wixii aynu isku raacnay aan u bandhigno shacabka SSC ee gudaha iyo debedaba.
Waxaa laysuguyimi shirarkii Holhol iyo Buurawadal, mudo haddii shirar socdeen Isimadii Nairobi waxaa u cadaatay in arintoodu aanay suuro gal ahayn, wax wada lahaansho iyo wada tashina arintu qarka u saarantahay.
Si ay uga hortagaan in lahaanshaha taladu shacabka SSC, wax garadkiisa isimo iyo siyaasiyiinba ay dib ugu noqoyo, waxay bilaabeen in ay talada boobaan wixii Nairobi loogu diidayna ay dib ula soo baxaan si taasi u meel marto waxaa la sameeyey :
1-in gudoomiye lagu dhawaaqay khusuusidii loo sameeyey iyadoon isimada kale ee SSC waxba ka ogayn.
2-waxaa la ansaxsaday hogaankii Nairobi iyadoon isimada kale la ogayn.
Horeyntii lagu hayey ilaa Nairobi maalintaas ayey geftinka labaxday najiitadiina waxay noqotay burburka, boobka iyo kala yaaca maanta aynu aragno.
Waxaa inoo cadaatay in shirka Nairobi aanu ahayn shir Dhulbahante, sidii lagu dhulbahantaynlahaana waxaa diiday kooxdii Nairobi.
Aan ku soo noqono wax qabadkii kooxdan maanta dabaaldegaysa:
Tan iyo markii lagu dhawaaqay shirkii Holholeed shacabka SSC meel uu joogaba wuu soo hiyi kacay, niyaayiro baa gashay in ay dalkoodii la soo noqdaan xoriyadoodiina dib u hantaan, diyaar garow buu galay meel uu joogaba shacabka SSC, mid maal ku deeqay, mid hub iyo wax lagu dagaal galo ku baaqay, mid naftiisii hibeeyey oo u soo diyaar garoobay in uu u dhinto dalkiisa, welwel baa ku dhacaycadowgii SSC in ay is ururiyaan bay bilaabeen suulashana isku taagaan alaabtoodiina way xidh xidheen si ay uga yaacaan marka shacabka SSC kacdoonkiisu bilaabmo.
Markii xaal halkaa marayey shacabka SSC wuxuu ka sugayey shirkii ka socday Buurawadal nidaamkii hagilahaa halganka iyo kacdoonka hiyiga la soo kacay, nasiib daro waxaa taladii boobay kooxdii Nairobi ka soo hayaantay oo meesha u yimi dano gaar ah.

Waxaa geedka loo fadhiyey in la gaadho midayn iyo xoreyn:

Xoreyn iska daaye midnimadii baa lagu kala yaacay, shacabkii soo gurmaday baa wax kala haga la waayey, kacdoonkii shacabkaa la kufsaday, hantidii qurba joogta iyo danyarta guduhu ku deeqeen baa si fool xun loo isticmaalay, naftood hurayaashii naftooda hibeeyey baa la himad jebiyey, dadkii shacabka SSC oo caanka ku ahaa in ay isugurmadaan isuhiiliyaan baa lakala qaybiyey, Isimo aan reerohoodii ku caana shuban baa la samaystay, Isimo soo jireen ah baa taladoodii lagu qabsaday, dhul la xoreeyo iska daaye dhul hor leh baa cadowgii SSC loo gacangeliyey, in ka badan (2000) oo naftii hure oo u soo diyaargaroobay in ay u dhintaan dalkooda xoreyntiisa ayaan caawa meel lagaga waramo lahayn, ($500,000) lacag intaa dhan oo quba joogta laga ururiyey ayaan iyada oo aan irbad dun lagelin meel lagaga waramo lahayn, hantidii danyarta guduhu ku deeqday iyada xisaabteeda cidi ma soo qaado, laakiin anigu waan soo fagi karaa kuwii ay ahaayeen naftood hurayaasha maalin walba keeni jiray lacag iyo agab la quutaba, Taladii iyo midnimadii SSC bay kooxdani ragaadisay.

Nin guul daraystay ma murugo iyo mudaharaad baa u’eg mise? Dabaaldeg?

Haddii aynu jawaabta su’aashaas ku salayno shucuurta Aadamaha waxaa inoo soo baxaysa in kooxdan murugo, mudaharaad iyo qoomamo u’ekayd, waayo waxay dhamaan ku guul daraysteen himilooyinkii ay sheegeen in ay leeyihiin waxaase cad haddii loo fiirsado waxa ay samaynayaan in aan qawlkooda iyo ficilkoodu wada socon oo ay marka horeba dano gaar ah lahaayeen.
Waxay doonayeen in ay helaan magac aan wax qabad la socon oo ay ku qadhaabtaan, si ay ugaga qawlaystaan maamulada Soomaaliya ka jira dhexdooda oo ay u yidhaahdaan SSC baa nala yidhaahdaa waxaanu metelaa Dhulbahante, oo lagu qoro mareegaha warbaahinta shirarkana lagaga qayb galo, taasi waa ujeeddada keliya ee ay lahaayeen nimanka hogaanka SSC labaxay iyo isimada horboodayaa.Waxaa ka sii daran dabaaldegyadan oo ku soo beegmay maalintii Laascaanood cadwga midnimada ummadda Soomaaliyeed qabsaday (15/10/2007), hadaba mabaroor baa eg iyo mudaharaad mise dabaaldeg, ninkii cadowga u adeegaya iyo cadwga waxaa u eg dabaaldeg, shacabka SSC iyo qofkii ka danqanaya dhibaatada gaadhay waxaa u’eg murugo iyo mudaharaad iyo in ay layimaadaan taladii ay kaga bixilahaayeen dhibtan(harga madhan side hawli kama tegin habaarna u dheer), war ma maalin la dabaaldegaa?
Kooxdani fadeexad bay ku tahay dhaqan ahaan, Diin ahaan, sumcad ahaan, Aqoon ahaan shacabka SSC, waxaana loo baahan yahay in si dhakhso ah xananka ay ku dhexdaadiyeen shacabka SSC looga guro.
Sheeko Soomaali baa waxay ahayd(waraabaa aaminimadiisa la tijaabiyey waxaa loo dhiibay Hal iyo Nirig, Nirigtii faruuryihii buu ka goostay, Hashiina Naasihii, waxaa lagu yidhi Waraabe soo godol Hashii maxay ku nuugtaa maxayse ka nuugtaa naaso iyo faruuryaba la’ murush maarush), kuwan baa maanta waraabihii la mid ah oo kufsaday kacdoonkii shacabka SSC debed iyo gudaba.
Waxaa cad in falkan qaran dumiska ah si badheedh ah loo sameeyey, waayo raga horboodayaa waa kooxdii BALI GUBADLE ee calanka SNM caro Daraawiisheed keentay, war goormaa lagu saamaxay xasuuqyadii ay sacabka u tumayeen( Badweyn, Dogoble, Xudun iwm) dhiiga shacabka SSC markii SNM daadinaysay ee ragu boqolboqolka u dhimanayey, qofka muslimka ah god laba jeer abeeso kama wada qaniinto, haddii ay mar ina dageen sidee baynu mar kale u aaminay inagoon kala xisaabtamin gashiga inagaga maqan, indha adakaa denbiga intaa le’eg raga gaystay ee weli wax doonaya.
Gunaanad:
Nin aan quusani isagaa quus ah war kooxdan SSC ha ka quusato, tala mug lehna ha laysugu noqdo,SSC cid geedka u tagta oo kalsoonidooda wadata ma waayin waxgarad iyo aqoon yahanoba way buuxdaaye.
Guul iyo Gobanimo
Maxamud Caydiid Dirir
London

[udun]

[damu]

[reer buuhoodle Cadowga dibada iyo ka gudahaba ka digtoonaada

waxaad la wada socotan in dhibaato badan loo gaystay dadka rer buuhoodle shacab iyo wax garad dhibtan oo kaga imanaysay dhinacyo badan oo wajiyo badan loo soo maray sidii loo burburin lahaa mid nimada iyo isku duubnidii reer buuhoodle arintan waxaa lagu tilmaami karaa dagaal ama duulaan dhaqan iyo deeganba lag usoo qaaday ayna kusoo qadeen dad cadow ah meel kastaba haka yimadeene wado kasta hasoo mareene magac kastana ha siteene hadaba mala odhan karaa reer buuhoodle waxa laga soo duulay aagag badan iyo jahooyin badan waxa loo maray wadooyin badan oo kala ah siyaasad saxaafad aflagaado iyo ciidan millarty oo hada ugu danbeeyey waxaa jira in reer hawd ogaado inuu jiro cadow gudaha ah iyo mid dibada ah waxaan kawada dharagsanahay dhibtii loo gaystay dadwaynaha reer buuhoodle iyo dulaankii ay kusoo qadeen ragii Nugaal iyo Laascaanood dhigay baytal cadalaha ee cadowga gacanta u galiyey xuduntii Umada SSC ee magaalo madaxda gobalka SOOL ee taladii dhulbahante reer Nugaaleedna ceelka dheer ku riday oo markay camal iyo wax ay kala shushubaan wayeen ee Nugaal hadalkeedii go ay oo nina wax laga waydiinwayey ileen awalba waxay ahaayeen gaadiid celise bay u soo jahaysteen buuhoodle waxayna soo galeen gudaha buuhoodle iyagoo wata shaadh cusub oo laga soo toshay Nayroobi kasoo laga lahaa arimo badan oo kala ah
1 in lagu burburiyo intii yar ee kasii hadhay taladii iyo karamadii dhulbahante iyadoo toos loogu soo duulay goobtii qudha ee dhulbahante u bad qabtay si loo burburiyo isku duubnida reer Caymeed
2 in lagu fuliyo siyaasad guracan ee dariska la noqotay guul darada ee Cali khaliif galaydh oo ku guul daraytay inuu hal mar qoobka soo galiyo hogaaminta Somalia waloo aanba la garanayn waxa uu kusoo kurdhin karo Somalia waayo horaa loo yidhi tiisaba daryeele tu kale kudara Cali khaliif oo hada dan mooday inuu mar uun helo koox ama urur uu ku qadhaabto magacooda si ay ugu suurto gasho rabitaankiisa ah mar idhaha madaxweyne.
hadaba arintan waxay wada tay culeeykeeda iyo saxaafadeeda iyo dhaqaalaheeda waxana loo adeegsaday burburka reer buuhoodle lacag badan oo laga soo ururshay dad badan oo war maqabto ah oo lagu qalday waxaan xoraynaynaa dhulkii maqnaa (illaahoow niman wax ogayn ha cadaabin) waxana loo samaystayba kooxo wadata durbaano qaylo dheer oo af miishaariin ah oo shaydaany u sahalay sida beenta loo sheego dadkana loo qalin shobateeyo horaase loo dhahay ninku dilay hadh kuuma jiido laascaano ninkii dhiibay ma xoraynaya wa suaal u baahan iswaydiin?dadku waxay ku arkayeen in badan website yada jidbaale iyo horufadhi wax yaalo ceeb iyo dhag xumo u keeni doona umada dhulbahante reebina doona cawaaqib xumo in badan laga sheekaydoono
dhibaato badana u gaystay dadka waliba in badan fashilyey siro iyo arimo qaas u ah umada oo aan haboonaynba in banaanka loosoo saar waxaad xasuusataan todobaadyo ka xili reer buuhoodle uu ku jiray diyaargaraw sidii laysu difaaci lahaa in lagu soo daabacay jidbaale warbixin sheegaysa in buuhoodle uu wiigan gacanta u gali doono SNM maqaalkaas oo ay cinwaan u ahayd by by Buudoodle iyo ka dambeeyey ee ahaa Nugaal Ugaadhyahan VS baharsame Buuhoodle cali geri vs reer hagar isla maalmahaa ina Canbaashe oo ah horgal ugu xun horgalada Isaaqa ayaa u yeedhay dhalinyaro ka soo jeeda beesha Axmed garaad isagoo ku guubiyey in beel kale oo ka mid ah Axmed garaad qabsanayso magaalada Buuhoodle oo iyagu noqon doonaan ugaadhyahankii Buuhoodle hadaysan hadaba iyagu uga horayn ma odhan karaa jidbaale iyo isticmaashaba waxay la shaqeeyaan ina canbaashe SNM ta.waxanse hada isla hayn kariwayey markii an isbuucan ku arkay websiteada aan magacooda kor ku xusay maqaalo aan aad ula yaabay oo ruunti murugo ku beeray calooshayda waxana filayaa inay ila qabeen dad badan oo reer buuhoodle ah oo dareemayey dhibta haysata deegaanka iyo culayska ku habsaday ee cadaawgu dulfadhiyo waxaa nasiib daro ku tilmaami karaa in lagu birikinaaso shacabka dhiban hiil daayoo waxaan muuqata in aan wali laga la hadhin kala firhdintii lagu hayey reer Buuhoodle oo khalkhal lagu kala dhexbeerayo ciidanka mujaahidiinta ah ee difaaca gobalka Cayn iyo Aabayaashooda mujaahidiinta ah si cadawgu uga faa iidaysto waxaa iyana wax lala yaabo ah in kooxda mafia yada ah ee sheegata magaca SSC in ay baryahan sheeganayeen ciidanka Buuhoodle inuu yahay kooxdii Nayroobi ma odhankarnaa waa shaydaankii midka bariiska ah ku darsaday reer bariis u bislaanayo ee fiidkii yidhi cashadii ha laysiiyo waxaa su’aal ah ma looga bartay kooxdaa wax iska celin iyo geesino marka laga reebo mujaahid Kayse Cabdi Yusuf .waxaa tacsi looga dhigay madax dhaqameedkii geeridu ku timid oo lagu leeyahay hebel baa ls hadlay Siilaanyo oo xidhidh la sameeyey tasoo fajaciso ku noqtay shacabka reer Cayn waliba keentay in madaxdhaqameed magac dheer iyo sharafa ku lahaa deegaanka ay saxaafada ka dhaartaan kaba siidarane lagama hadhine wali wa lagusii wadaa ,waxaan reer Cayn iyo dhulbahantaha kale u sheegayaa in ay isha ku hayaan cadowga gudaha waayo Xasan Nas’rulaahi baa la waydiiyey sida ay uga adkaadeen Yuhuuda waxuu yidhi waxaanu go’aanka gaadhay dadkii xunxumaa ee naga mid ahaa,waxaad arkayseen Axmed Max’ed Aadan oo si dadkiisa ugu soo biiray si xornimo iyo geesino ah ka dib wada hadal dhexmaray isaga iyo waxgaradka Buuhoodle in ay ku sheegeen in la soo khasbay loona qabtay saacado bal beentaa daya maxaa loo la jeedaa?.
Qore Ciise Axmed Garaad Soofe

[samadoon-waaxid]

Damu,rag ilmo adeero ah waa isqabtaa waana heshiya.the guy who wrote the article is part of ssc rag uunbey isqabteen uun maahine.adigu lakinse whats ur animosity towards hogaanke ssc horta? maalinwalba article yar oo caato ah adigoo la ordaya baan ku arkaa ee?