Wasiirka Cusub ee Wasaarada Beeraha iyo Waraabka Puntland oo

[quark]

Waxaa maanta ka dhacday xarunta Wasaarada Beeraha iyo Waraabka Dawladda Puntland Xilwareejin kaas uu sameeyey Wasiirki hore Xassan Cabdi Maxamed iyadoo uu ku wareejiyey Wasiirkii dhowaan la magacaabay Eng.Maxamuud Xaaji Saalax.

Munaasabadaan xilwareejinta ayaa waxaa ugu horeyn ka hadlay Wasiirkii hore ee wasaarada Beeraha iyo Waraabka Mudane Xassan Cabdi Maxamed kasoo sheegay in wasaarada xiliguu yimid ay ahayd meel cusub wax badan ay qabteen mudadii ay joogeen.

Wuxuu sidoo kale sheegay in intaa ka dhiman ay kasii wadi doonaan Wasiirka cusub iyo shaqaalaha wasaarada,wuxuuna xusey in xilka uu yahay meerto oo qofka maanta jooga bari laga badalaayo uuna ku faraxsanyahay badalkaa uu ku sameeyay Madaxweynaha Puntland.



Wasiirka Cusub ee Wasaarada Beeraha iyo Waraabka Eng.Maxamuud Xaaji Saalax oo isna ka hadlay munaasabada ayaa mahadcelin ujeediyey howsha uu qabtay Wasiirki hore iyo Xilwareejinta qaabka uu u sameeyey,wuxuuna sheegay inuu dadaal u geli doono wax ka qabashada howlaha loo igmaday.

Wuxuuna ka codsaday dhamaan Shaqaalaha Wasaaradda qaabka ay ula shaqeyeen Wasiirki hore ay ula shaqeeyaan.

Munaasabada Xilwareejinta ee maanta ka dhacay Wasaaradda Beeraha iyo Waraabka Puntland ayaa waxaa goobjoog ka ahaa masuuliyin kala duwan.

[damu]

good move!!