Garowe(Puntlandi.com);-Ciidamada Amaanka magaalada Garowe ee casimada Dawlada Puntland ayaa kala diray dad shacaba oo banaanbax kumuujiyay sida ay Dawlada Puntland uga gaabisay waxkaqabasahada xaaladaha colaadeed ee ka oogan Gobolka Cayn.
Shacabka ayaa ku soo xoomay halka uu caasimada kadaganyahay madaxwayne xigeenka Puntland waxaana ay ku dhawaaqayeen erayo kadhana Dawlada iyagoo sheegay in xukuumada loobaahanyahay in ay go’aan cad ka soo saarto dagaalada kataagan Gobolka Cayn.
Ciidamada amaanka ayaa kala diray oo awood u adeegsaday qaarkoodna xabsiga dhigay waxaana shacabka wax laga xumaado kutilmaameen talaabada Policka qaadeen waxaana ay sheegen in ay dareenkooda muujinayeen balse wax dhibaataa gaysan.
Banaanbaxyadan ayaa maalmihii udanbeeyay laga hadlhayay magaalada Garowe waxaana maalintii shalay dhacay mid kan lamida oo shacabka dareenkooda kumuujinayeen waxaana ay toos u bartilmaameedsanayaan Hoyga madaxwayne xigeenka iyo xarunta madaxtooyada maadaama dhulka ay dagaalada ka socdaan laga soo doorto Gen.C/samad Cali Shire
Dibadbax Looga Soo Horjeedo Madaxweyne-xigeenka Puntland Oo Maalintii Labaad Ka Dhacay Garowe
Garowe (RBC Radio):- Dibadbax balaaran oo looga soo horjeedo Madaxweyne Xigeenka Dowladda Puntland Gen, C/samad Cali Shire ayaa maanta ka dhacay degmada Garowe ee caasimada dowladda Puntland.
Dadweyne aad u tiro badan oo careysan ayaa isugu soo baxay goob fagaare ah oo ku taala magaalada Garowe, kuwaasi oo sameeyay banaanbax ka dhan ah Madaxweyne xigeenka dowladda Puntland Gen, C/samad Cali Shire.
Dadka banaanbaxa sameynayey oo u badnaa haween iyo caruur ayaa ku hadaaqayey ereyo ay ka mid yihiin dooni mayno daneyste, damiir laawe dooni mayno, iyo ereyo kale oo ay si carro leh ugu dhawaaqayeen.
Banaanbaxayaasha ayaa u muuqday kuwa la heyb ah Madaxweyne xigeenka dowladda Puntland, kuwaasi oo ka kululaa dagaalada ka socda deegaanada Kalshaale, Haggoogane iyo Meygaagle ee Gobolka Ceyn, waxaana ay sidoo kale dibadbaxayaashu ka sharqamiyeen in ay ka xun yihiin xil ka qaadista lagu sameeyay Wasiirkii hore ee Duulista iyo Garoomada Puntland Axmed Cilmi Cismaan (Karaash) oo ay xil ka qaadistiisa ku eedeeyeen Madaxweyne-xigeenka Puntland.
Dibadbaxa maanta ayaa ahaa kii labaad ee looga soo horjeeda Madaxweyne xigeenka, waxaana banaanbaxii shalay ka dhacay Garowe uu si gaar ah uga dhacay agagaarka guriga uu magaalada Garowe ka degan yahay Madaxweyne xigeenka dowladda Puntland Gen, C/samad Cali Shire.
Dadweynaha maanta banaanbaxa sameynayey ayaa lagu soo waramayaa in ciidamada Booliska gobolka Nugaal oo magaalada lagu soo daadiyey ay daadgureeyeen islamarkaana ay xabsiyada magaalada Garowe ku xireen iyagoo laga buuxiyey gawaarida Booliska ee la yiraahdo shabaqlaha.
bro i don't know what you're trying to say walaahi. your english is horrible and it turns out that you can't read somali... so what language do you speak?
This guys need to do something about the situation in cayn
