Wararkii ugu danbeeyay ee mudaharaadkii maanta iyo aqalo hor leh oo caawa gubnaaya
Written by Qaran news
Feb 22, 2011 at 11:20 AM
Hargeysa, (Qaran news)- Waxa maanta subaxdii baiga magaalada Hargaysa ka dhacay mudaharaad aad u ballaadhani kaas oo lagaga cabanaayo guryaha sida qorshaysan habeen iyo maalin walba loogu gubaayo xaafadahaas tan iyo labadii todobaad ee ugu danbeeyayba iyo wax ka qabasho la'aanta xukuumada Siilaanyo, taasi oo marar badan looga soo cawday ciidanka booliska oo aan dadweynaha guryahooda la gubaayo aan dhag iyo jalaq toona u siinin, cabashooyinka dadka la gubaayo guryahooda, taasi wasiirka arimaha gudahuna uu dhagaha ka furaystay cabashooyin dhowr ah oo loola tagay kuna saabsanaa arimahani, taasi oo shaki weyn abuurtay, keentayna in ay dadku mudaharaadaan.
Mudaharaadkani maanta dhacay ayaa ka dhashay dhago adayga xukumadda iyo wax ka qabad laanta arimahaasi , mudaharaadkani ayaa maanta ay u dhamaayeen dadweynaha xaafadu, waxana ay taayiro ay gubeen iyo dhagaxaan waaweyn ku kala jareen jidka dheer ee mara magaalada badhtankeeda iyaga oo socodkooda ka soo bilaabay ag agaarka baar waraabe, isla markaana u soo dhaqaaqay xaga suuqa taasi oo ay bartilmaamsanayeen saladhiga news Hargysa.
Dadweynahani mudaharaadaayay oo aad u tiro badnaa isla markaana aad u cadhaysnaa ayaa la fuqay ciidamadii booliska iyada oo ku talagalgoodu ahaa in ay jawaab ka bixiyaan aad u adag dababka la qabadsiiyay 23 aqal oo ku yaala xaafadaha kala gadisan ee bariga magaalada Hargysa.
Dadweynahan gadooday ee mudaharaadaayay ayaa ay maanta kala kaxeeyeen hogaamiye dhaqameedyada iyo taliyaha ciidanka booliska oo balan qaaday in uu arintaasi si deg deg ah wax uga qabanaayo. hase ahaatee waxa maanta madaxtooyada badhtankeeda isku qabsaday markii la kala dareeriyay dadweynahii mudaharaadaayay madax dhaqameedyada bariga Hargysa iyo wasiirka arimaha gudaha Dr Gaboose, taasi oo ka danbaysay markii ay ka codsadeen in taliyaha saldhiga new Hargaysa laga dhigo nin ka soo jeeda xaafada new Hargysa si uu hawlgalo balaadhan uga galo arimahani, taasi oo uu wasiirku madax ka lulay una sheegay in ayna suurto gal ahayn, arintaasi oo uu goob joog ka ahaa chief of cabinet-ka madaxtooyada mudane Xirsi.
Arintani ayaa badiba waxa ka aamusay warbaahinta xukumada iyada oo xitaa la diiday in TV.Qaranka laga sheego wararka ku saabsan aqalada la gubaayo oo mudo 2 todobaad gudahooda lagu gubay 22 aqal,
Aqaladani la gubayaa ma ah dad si gaar ah loo bar tilmaameedsanaayo ee waxa xitaa ku jira kuwo danyar ah oo aan aqaladoodu lahayn laydh iyo biyo toona, isla markii uu maanta mudaharaadku dhamaaday ayaa waxa halkii laga sii waday gubistii aqalada, waxana abaaro shantii galabnimo la bilaabay in la gubo aqaladii iyada oo la gubay aqal ku yaala sakada ka soo hor jeeda Ciise Boodhle aqalkiisa oo ku yaala aaga Gaal Ismood, sidoo kale waxa isna isla galabta dab la qabadsiiyay aqal ku yaala badhtamaha xaafada new Hargaysa oo ku dhow masaajidka Ramadaan.
Waxana hada socda shirar iyo kulamo xaasaasi ah oo ay ilaa galabta isugu imanayeen waxgaradka iyo madaxdhaqameedyada, siyaasiyiinta,ganacsatada, dhalinyarada degan xaafadaha bariga Hargaysa kulmadaasi oo socon doona ilaa maalinta bari ah, ayaa waxa dhanka kalena laga cabsi qabaa in mudharaado kale ay dhacaan maalmaha soo socda, kuwaasi oo aan la garan doonin khasaaraha ay gaysan doonaan, xaafadaha bariga Hargysa ayaa waxa ku yaala tiroba 7 saldhig oo kala waaweyn midkoodna ma maamulo qof xaafadaha bariga ka soo jeedaa, sidoo kale ciidamada sirdoonka iyo cid-ayaan si fiican xiliyadan looga hawl galin xaafadaha bariga si ay hawshani dabagal ugu sameeyaan.
Xaafadahani hada dabka la qabadsiinaayo ayaan badankoodu helin biyo iyo adeegyada xukumada badankooda, xaafadaha bariguna ma laha secondry school, sidoo kalena ma soo gaadho laydhka daawladu, taasi ay aamaantana taas la noo raaciyay, sidaasi waxa yidhi mid ka mid ah dadka degan xaafada new Hargysa oo maanta noo waramay, waxana uu sheegay in ay xukumaddu arimahan deg deg wax uga qabato, dadkana aqaladoodii loo dhiso waxii laga gubay, ama waa in ay xukumadu cadaysaa in ayna qaybtaasi magaalada ka tirsan ayna iyadu maamulin oo ay dadku is ilaaliyaan.
Isku soo wada duuboo tirada aqalada la gubay ayaa ilaa hada lagu qiyaasayaa ama ay yihiinba 24 aqal oo kala gadisan, guryaha ayaa la bar tilmaameedsadaa subaxdii marka dumarku suuqyada, u dhaadhacaan, caruurtuna iskuulada/mulcaamadaha sidoo kale raguna shaqo tagaan ama suuqyada u baxaan, iyo sidoo kale fiidka xiliyada yaalaa salaada makhrib la tukanaayo ama xooga yar ka hor, waxan wax gubaaya ayaa ah wax la soo tuuraayo oo fudud lana eegto faamalaydhada ama dhakada sare ee aqalada iyo sidoo kale daaqadaha furan, farsamadan wax lagu gubaayo ayaa ah hab ku cusub dalka oo aad u cilmiyaysan hadii aan deg deg looga hawl galina waxa ay ku faafi kartaa magaalada oo dhan ama dalka oo idil
