Breaking News: Ethiopian soldiers heading to Buuhodle
Posted: Sun Feb 27, 2011 4:34 pm
Dawlada Itoobiya ayaa la sheegay inay ciidamo xoogleh soo dhoobtay xuduudeeda ku beegan degmada Buhoodle ee gobolka Togdheer ee fadhiisinka u ah Kooxaha Nabad-diidka iyo kuwa taageera ee ka soo garab dagaalamaya, kuwaas oo la sheegay in ciidamada Itoobiyaanku saddexdii maalmood ee ugu dambeeyey ay si weyn ula socdeen dhaqdhaqaaqyada gaadiidka ka soo gudbaya xuduuda iyo dadka u soo socdaalaya dhinaca Itoobiya.
Dawladda Itoobiya ayaa la sheegay inay shaki weyn ka qabto kooxaha nabad-diidka ah ee dhawaanta dagaalka la galay ciidamada Qaranka Somaliland ee ku sugan jiida Maygaagle iyo Hagoogane ee u dhaxaysa degmooyinka Qori-lugud iyo Buhoodle inay u soo gudbaan dhinaca Itoobiya, isla markaana ay ka geystaan falal amaan daro ah.
Dhinaca kale ilo wareedyado lagu kalsoon yahay ayaa wargeyska Haatuf u sheegay in dawladda Itoobiya ay martiqaad yeedhmo ah u soo dirtay xukuumadda Somaliland oo la sheegay inay kaga dalbatay inay wefti u soo diraan caasimada dalkaasi ee Addis Ababa si ay uga wada hadlaan xaaladaha ka soo cusboonaaday xuduuda ay wadaagaan Somaliland iyo Itoobiya ee Buhoodle iyo Guud ahaanba xaaladaha ka aloosan gobolka Geeska Afrika.
Ma cada ilaa hadda waftiga xukuumadda Somaliland ka tagi doona inuu Madaxweyne Siilaanyo hogaamin doono iyo in cid kale hogaamin doonto waftigaasi, balse ilo-wareedyo lagu kalsoon yahay ayaa sheegaya, in wafti ka socda xukuumadda Somaliland oo uu hogaaminayo wasiirka arimaha dibada Dr Maxamed C/llaahi Cumar ay maanta socdaal ugu ambabixi doonaan casimada dalka Itoobiya ee Addis ababa.
Si rasmiya looma oga ujeedada marti qaadka dawlada Itoobiya ay usoo fidisay wakhtigan xaadirka ah Somaliland arrimaha uu salka ku hayo ee gun-dhiga u ah, hase yeeshee marti qaadkan ayaa ku soo beegmaya socdaalkii uu dhawaan madaxweynaha maamul goboleedka Majeerteeniya C/raxmaan Maxamed Faroole uu ku tagay caasimada dalka Itoobiya oo la sheegay, in madaxda sare ee dalkaasi ay uga digeen inuu wax faro-galin ah ama colaado ah ka alooso gobollada bariga Somaliland gaar ahaan aaga Buuhoodle ee ay isku urursadeen kooxaha nabad diidka ee la sheegay inay la socdaan kooxaha xagjirka ah ee Al-shabaab iyo ONLF, oo tibaaxuhu sheegayaan, in dawlada Itoobiya ay indho dheeraad ah ay u leedahay dhaqdhaqaaqyada colaadeed ee deegaanka Buuhoodle ay ka wadaan.
Ilo wareedyo aanu ka helay deegaanka Buuhoodle ayaa waxay sheegayaan, in dawlada Itoobiya ay todobaadkan soo dhigtay xuduudkeeda ku beegan Buuhoodle Ciidamo xoogan oo ay si weyn ugu sugayso, in kooxahaasi xagjirka ah ee ku sugan aagaasi ay usoo talaabaan dalkeeda kana soo gudbaan xuduuda, taas oo wararku intaa ku darayaan, in todobaadkii u dambeeyay ciidamada Itoobiyaha ee ku sugan xuduuda ay si weyn ula socdeen, isla markaana u xoojiyeen dhaqdhaqaaqyada gaadiidka iyo dadka usoo gudbaya dhinaca Itoobiya.
Somaliland iyo Itoobiya ayaa waxa labaatankii sanadood ee u dambeeyay uu ka dhexeeyay heshiis iyo cilaaqaad weyn oo ku saabsan dhinacyada amniga, dhaqaalaha iyo labada shacbi xidhiidhada ganacsi ee ka dhexeeya.
Dhinaca kale dabayaaqadii bishii September 2010-kii ayay ahayd markii waftigii uu hogaaminayay madaxweynaha Somaliland Axmed Maxamed Maxamuud Siilaanyo ay booqashada ku tageen xarunta Itoobiya ee Addis Ababa halkaas oo si meeqaam sare leh loogu soo dhaweeyay, isla markaana loogu qaabilay waftiga madaxweynaha, kuwaas oo kulamo ay si gaar ah u yeeshay Raysal Wasaaraha Itoobiya Males Zenawi iyo Madaxweyne Somaliland Mr Siilaanyo oo lagu tilmaamo wakhtigan xaadirka ah in xidhiidhka ka dhexeeyo labada dal uu si weyn kor ugu kacay."
Isha:HTF
Dawladda Itoobiya ayaa la sheegay inay shaki weyn ka qabto kooxaha nabad-diidka ah ee dhawaanta dagaalka la galay ciidamada Qaranka Somaliland ee ku sugan jiida Maygaagle iyo Hagoogane ee u dhaxaysa degmooyinka Qori-lugud iyo Buhoodle inay u soo gudbaan dhinaca Itoobiya, isla markaana ay ka geystaan falal amaan daro ah.
Dhinaca kale ilo wareedyado lagu kalsoon yahay ayaa wargeyska Haatuf u sheegay in dawladda Itoobiya ay martiqaad yeedhmo ah u soo dirtay xukuumadda Somaliland oo la sheegay inay kaga dalbatay inay wefti u soo diraan caasimada dalkaasi ee Addis Ababa si ay uga wada hadlaan xaaladaha ka soo cusboonaaday xuduuda ay wadaagaan Somaliland iyo Itoobiya ee Buhoodle iyo Guud ahaanba xaaladaha ka aloosan gobolka Geeska Afrika.
Ma cada ilaa hadda waftiga xukuumadda Somaliland ka tagi doona inuu Madaxweyne Siilaanyo hogaamin doono iyo in cid kale hogaamin doonto waftigaasi, balse ilo-wareedyo lagu kalsoon yahay ayaa sheegaya, in wafti ka socda xukuumadda Somaliland oo uu hogaaminayo wasiirka arimaha dibada Dr Maxamed C/llaahi Cumar ay maanta socdaal ugu ambabixi doonaan casimada dalka Itoobiya ee Addis ababa.
Si rasmiya looma oga ujeedada marti qaadka dawlada Itoobiya ay usoo fidisay wakhtigan xaadirka ah Somaliland arrimaha uu salka ku hayo ee gun-dhiga u ah, hase yeeshee marti qaadkan ayaa ku soo beegmaya socdaalkii uu dhawaan madaxweynaha maamul goboleedka Majeerteeniya C/raxmaan Maxamed Faroole uu ku tagay caasimada dalka Itoobiya oo la sheegay, in madaxda sare ee dalkaasi ay uga digeen inuu wax faro-galin ah ama colaado ah ka alooso gobollada bariga Somaliland gaar ahaan aaga Buuhoodle ee ay isku urursadeen kooxaha nabad diidka ee la sheegay inay la socdaan kooxaha xagjirka ah ee Al-shabaab iyo ONLF, oo tibaaxuhu sheegayaan, in dawlada Itoobiya ay indho dheeraad ah ay u leedahay dhaqdhaqaaqyada colaadeed ee deegaanka Buuhoodle ay ka wadaan.
Ilo wareedyo aanu ka helay deegaanka Buuhoodle ayaa waxay sheegayaan, in dawlada Itoobiya ay todobaadkan soo dhigtay xuduudkeeda ku beegan Buuhoodle Ciidamo xoogan oo ay si weyn ugu sugayso, in kooxahaasi xagjirka ah ee ku sugan aagaasi ay usoo talaabaan dalkeeda kana soo gudbaan xuduuda, taas oo wararku intaa ku darayaan, in todobaadkii u dambeeyay ciidamada Itoobiyaha ee ku sugan xuduuda ay si weyn ula socdeen, isla markaana u xoojiyeen dhaqdhaqaaqyada gaadiidka iyo dadka usoo gudbaya dhinaca Itoobiya.
Somaliland iyo Itoobiya ayaa waxa labaatankii sanadood ee u dambeeyay uu ka dhexeeyay heshiis iyo cilaaqaad weyn oo ku saabsan dhinacyada amniga, dhaqaalaha iyo labada shacbi xidhiidhada ganacsi ee ka dhexeeya.
Dhinaca kale dabayaaqadii bishii September 2010-kii ayay ahayd markii waftigii uu hogaaminayay madaxweynaha Somaliland Axmed Maxamed Maxamuud Siilaanyo ay booqashada ku tageen xarunta Itoobiya ee Addis Ababa halkaas oo si meeqaam sare leh loogu soo dhaweeyay, isla markaana loogu qaabilay waftiga madaxweynaha, kuwaas oo kulamo ay si gaar ah u yeeshay Raysal Wasaaraha Itoobiya Males Zenawi iyo Madaxweyne Somaliland Mr Siilaanyo oo lagu tilmaamo wakhtigan xaadirka ah in xidhiidhka ka dhexeeyo labada dal uu si weyn kor ugu kacay."
Isha:HTF
