Taliye kuxigeenkii hore ee Qaybta Booliska gobolka Bari ayaa maanta ku geeriyooday shil gaari oo ka dhacay duleedka magaalada Garoowe ee caasimada Puntland.
Col.Cawil Axmed Jaamac ayaa dhintey kadib gaariga ula socday iyo gaari kale ay isku dhaceen agagaarka kontroolka magaalada Garoowe,waxaana shilkaas ka dhashey khasaaro dhimasho iyo dhaawac kale.
Shilka ayaa sidoo kale waxaa ku dhintey qof kale iyadoo ay ku dhaawacmeen saddex ruux oo la geeyey xarumaha Caafimaadka ee magaalada Garoowe halkaas oo lagu dabiibaayo.
Taliye kuxigeenki hore ee qaybta Booliska gobolka Bari ayaa kusii jeeday magaalada Garoowe,waxaana xilligaan socda baaritaan ku aadan waxaa dhaliyey shilkaan.
Dhowaan ayay ahayd markii xilka qaadis lagu sameeyey Marxuumka geeriyooday iyo Taliyihi hore ee qaybta Booliska gobolka Bari Gaashanle Cabdixakiin Yuusuf Xussein.
AUN