Report: Security & Development Meeting in Beled-Hawo & Luuq

[XimanJaale]

Beled-Hawo:
Madaxda Ahlu Sunna Wal-jamaaca ee magaalada Beledxaawo ayaa kulan looga hadlayay adkeynta amniga la qaatay odayaasha iyo waxgaradka magaalada.

Kulanka oo ka dhacay dhismaha xarunta Beledxaawo ayaa looga dooday sidii loo xoojin lahaa amniga, oo aysan u dhicin in Al Shabaab ay weerar ku dhufoo ka dhaqaaq ah ku soo qaado gudaha magaalada Beledxaawo.

Afhayeenka ASWJ ee gobollada koonfureed Sheekh Maxamed Xuseen Isaaq ayaa Bar-kulan u sheegay in dadweynaha magaalada ay wacad ku mareen ka qeyb qaadashada sugidda amniga iyo daddaalada lagu doonayo in Al Shabaab looga sifeeyo gobolka Gedo.

Sheekh Maxamed Xuseen ayaa xusay in dadweynaha gobolka Gedo ay caburin xooggan ku hayeen maleeshiyaadka Al Shabaab, oo uu ku eedeeyay inay faafinayaan fikrado aan Diinta Islaamka sal iyo raad ku laheyn.

Odayaasha Beledxaawo ayaa ugu baaqay Ahlu Sunna inay shacabka magaalada ka taageerto dayactirka iyo dhismaha guryahooda ku burburay dagaaladii ugu dambeeyay ee ka dhacay magaalada.

Maamulka Ahlu Sunna ee degmada Beledxaawo ayaa maalmihii ugu danbeeyay kulamo is daba joog ah la qaadanayay waxgaradka iyo odayaasha degmada Beledxaawo si ay u xaqiijiyaan ammaanka degmadaasi oo ay dhawaan kala wareegeen maleeshiyada Al Shabaab.


Luuq Ganaane:
Maamulka DKMG ah ee degmada Luuq ee gobolka Gedo iyo waxgaradka deegaanka, ayaa kulan looga hadlayay xoojinta amaanka ku yeeshay xarunta saldhiga degmadaasi.

Maxamed Cabdi Kaliil oo ka mid ah mas’uuliyiinta KMG ah ee gobolka Gedo oo kulanka ka qeyb galay, ayaa ka dhawaajiyay muhiimada kulanka iyo isfahanka ka dhalankara wada shaqeyn dhex marta maamulka dowlada iyo dadka deegaanka.

Siyaad Cabdi Kaliil waxa uu ku booriyay waxgaradka deegamada in ay la shaqeeyaan maamulka dolwada, taa badalkeedana ay u balan qaadayaan sugidda amaankooda, isagoo sidoo kalena amaanay sidii dowlada loogu soo dhaweeyay degmada Luuq iyo guud ahaan gobolka Gedo.

Qaar ka tirsan waxgaradka degmada Luuq ee kulanka ka qeyb galay ayaa soo dhaweeyay hanaanka wada shaqeyn ee ay soo bandhigeen maamulka dowlada ee degmada, waxaana ay balan qaadeen in dhankooda ay si buuxda uga caawin doonaan amaanka iyo isfahan dhex mara dowlada iyo shacabka degmada.



Beled-Hawo & Luuq Ganaane's Meeting Outcome consist of:
- Ensuring cohesion between the Mamuul and the population
-Enforcing strict security for the future against Al-Shabaab
-Rebuilding properties that were damaged during the Febuary's fighting
- To make sure that people are re-educated about Al-Shabaab agenda
-To prevent Al-Shabaab's ideology to spread around Gedo
-To help Ahlu Sade and TFG soldiers so that the rest of Gedo is liberated from Al-Shabaab