first step done second go to south galgacio and clean themGaroowe:Wasiirada Puntland oo Go'aamiyey in ciidamo deg deg ah loo diro Gaalkacyo
Garoowe:(Allpuntland)-Golaha Wasiirada dawlada Puntland ee Soomaaliyeed ayaa maanta shirkoodii caadiga ahaa ee Isniinkasta ay qaadan jireen ku qaatay aqalka madaxtooyada dawlada Puntland ee Garoowe iyadoo uu shirkan shirgudoominayey madaxweyne xigeenka dawlada Puntland islamarkaasna ah kusimaha Madaxweynaha Puntland iyadoo shirka lagu gorfeeyey arimo badan oo ku saabsan xaalka Puntland.
Shirka Golaha Wasiirada ee maanta oo u ekaa mid ka xasaasisan kuwii hore ayaa ay Saxaafadu dibad joog ka ahayd,waxaase lagu soo qaaday amaanka guud ee Puntland gaar ahaana kan magaalada Gaalkacyo ee xarunta gobolka Mudug oo ay ka dheceen falal culus oo amaanka wax u dhimaya kuwaas oo aysan weli dawladu wax tilaabo ah ka qaadin,waxaana shirka khudbado looga dhagaystay qaarkamid ah madaxda Puntland gaar ahaana kuwa kasoo jeeda gobolka Mudug oo ka warbixiyey halka ay xaaladu marayso.
Wasiirada Puntland ayaa falanqeeyey wax ku qabashada xaalada Gaalkacyo,iyagoo markii danbena go'aamiyey in ciidamo xoogan oo katirsan ciidanka Puntland Gaalkacyo isla maanta la geeyey,waxaana sidoo kale ay Wasiiradu isku raaceen in halkaas ay tagaan siyaasiyiinta muga ku leh dawlada ee reer Muduga ahi si ay uga qeybqaataan howlaha amni soo celinta Gaalkacyo,iyadoo ay Wasiiradu isimada & Waxgaradka gobolka kala shaqeynayaan sidii dadka nabad loogu baaqi lahaa.
Dhanka kale Shirkii Golaha Wasiirada ee Maanta ayaa lagu soo qaaday abaaraha kajira deegaanada Puntland oo weli maraya heer culus walow uu roob ka da'ay deegaanada qaarkood,waxaana sidoo kale warbixino looga dhagaystay wafti ka socda Puntland oo mudooyinkii lasoo dhaafay kusugnaa deegaano katirsan gobolka Ceyn ee Puntland iyagoo ka warbixiyey xaalka deegaankaas oo Colaad & Abaaro badani isugu darsameen.
Cabddiqani Xayir
Allpuntland
